Abraham Maslov
| Abraham Maslov | |
|---|---|
| ing. Abraham Maslow | |
| Doğum adı | Abraham Harold Maslow Equisde |
| Doğum tarixi | 1 aprel 1908[1][2][…] |
| Doğum yeri | |
| Vəfat tarixi | 8 iyun 1970[1][2][…] (62 yaşında) |
| Vəfat səbəbi | ürək tutması[4] |
| Vətəndaşlığı | |
| Elm sahələri | psixologiya |
| Elmi dərəcələri | |
| İş yerləri |
|
| Təhsili | |
| Üzvlüyü | |
 Vikianbarda əlaqəli mediafayllar | |
Abraham Maslov (1 aprel 1908[1][2][…], Nyu-York, Nyu-York ştatı – 8 iyun 1970[1][2][…]) — amerikalı psixoloq.
Həyatı[redaktə | mənbəni redaktə et]
Abraham Maslov 1 aprel 1908-ci ildə Nyu-Yorkda çoxuşaqlı ailənin ilk övladı olaraq dünyaya gəlmişdi. Onun ailəsi buraya Rusiya İmperiyasından köçmüş Ukrayna əsilli yəhudilər olmuşdu. Yəhudi olduğu üçün çox təzyiq və sıxıntılara məruz qalmış, uşaqlıqdan dostları olmamış, vaxtının çox hissəsini kitabxanalarda keçirərdi. Valideynləri, hərçənd ki təhsilsiz idilər, lakin onun təhsil alıb hüquqşünas olmağını arzulayırdılar. Nəhayət, Abraham onların arzusunu yerinə yetirdi və Nyu-York Şəhər Kollecinin (the City College of New-York) hüquq fakültəsinə qəbul olur. 3 semestrdən sonra Kornell Universitetinə köçürülür, daha sonra isə Nyu-York Şəhər Kollecinə qayıdır. 20 yaşında olan zaman uşaqlıqdan aşiq olduğu Berta Qudman adlı bir rəssam xanımla evlənir. Onların Ann və Ellen adlarında iki qız övladı dünyaya gəlir. Sonuncu verdiyi müsahibəsində Maslov bildirmişdi ki, "evliliyə qədər həyat onun üçün başlamamışdı" 1970-ci ildə məşhur psixoloq uzun sürən ürək xəstəliyindən sonra ürək tutması nəticəsində dünyasını dəyişmişdi
Fikirləri[redaktə | mənbəni redaktə et]
Humanist psixologiyanın ən ifrat nümayəndələrindən biridir. O, şəxsiyyət tələbatlarının ierarxik quruluşunu vermişdir. Bununla əlaqədar olaraq o, insan tələbatlarının 7 səviyyəsini qeyd etmişdir:
- Fizioloji (üzvü) tələbatlar: nəfəs almağa, qidalanmağa, yuxuya, bədən temperaturunu tənzimləməyə, orqanizmi infeksiya və xəstəliklərdən qorumağa olan tələbatlar
- Təhlükəsizliyə tələbat: fiziki təhlükəsizlik, ailəvi təhlükəsizlik, sağlamlığın təhlükəsizliyi, mənəvi və fizioloji təhlükəsizlik
- Mənsubiyyətə və məhəbbətə tələbat: ailə, dostluq, sevgi və şəxsi münasibətlər
- Hörmətə olan tələbat: özünə hörmət etmək, başqalarına hörmətlə yanaşmaq və başqaları tərəfindən hörmət edilmək
- İdrak tələbatları
- Estetik tələbatlar
- Özünüaktuallaşdırmaya tələbat
İstinadlar[redaktə | mənbəni redaktə et]
- ↑ 1 2 3 4 Abraham Harold Maslow // Brockhauz Ensiklopediyası (alm.). / Hrsg.: Bibliographisches Institut & F. A. Brockhaus, Wissen Media Verlag
- ↑ 1 2 3 4 Abraham Maslow // Store norske leksikon (бук.). 1978. ISSN 2464-1480
- ↑ 1 2 3 4 5 6 7 8 9 10 NNDB (ing.). 2002.
- ↑ http://www.nytimes.com/1970/06/10/archives/dr-abraham-maslow-founder-of-humanistic-psychology-dies.html?_r=0.
Mənbə[redaktə | mənbəni redaktə et]
- Ümumi psixologiya. Prof. S.İ.Seyidov və prof. M.Ə.Həmzəyevin elmi redaktorluğu ilə.
