Adele Noyhauzer

Vikipediya, azad ensiklopediya
Jump to navigation Jump to search
Adele Noyhauzer
alm. Adele Neuhauser
Nestroy 2010 (22) Adele Neuhauser cropped.jpg
Doğum tarixi 17 yanvar 1959(1959-01-17)[1] (63 yaş)
Doğum yeri
Vətəndaşlığı
Fəaliyyəti teatr aktrisası, kino aktrisası
Vikianbarın loqosu Vikianbarda əlaqəli mediafayllar

Adele Noyhauzer (alm. Adele Neuhauserd. 17 yanvar 1959[1], Afina[2]) — Avstriyanın teatr və kino aktrisası[3], Avstriya Film Akademiyasının üzvü.

Bioqrafiyası[redaktə | mənbəni redaktə et]

17 yanvar 1959-cu ildə Afinada anadan olmuşdur. Dörd yaşında ailəsi ilə Yunanıstandan Avstriyanın paytaxtı olan Vyanaya köçür. Valideynlər boşandıqda, yunan əsilli atası Qeorq ilə yaşayır. On yaşında biləyindəki vena damarlarını kəsir. Sonra ailədən qaçır, daha bir neçə intihara cəhdlər edir.

Adele gənc yaşda aktrisa olmaq istəyir. 1976-1978-ci illərdə Krauss Teatr Məktəbində təhsil alır. İyirmi yaşında Almaniyaya köçür. Burada Münster, Essen, Mayns və bəzən Vyanada teatr səhnəsində çıxış etməyə başlayır. Eyni zamanda filmlərdə və televiziyalarda çıxış edir. 2008-ci ildə Adele Noyhauzer boğazındakı ağırlaşmalardan irəli gələrək səs bağından əməliyyat olunur.

Adele Noyhauzer ROMY 2012 mükafatı ilə

2011-ci ildən bu günə qədər Avstriyanın ORF kanalında "Tatort" televiziya serialında rol alır[4]. 2014-cü ildən bəri oğlu, gitaraçı Culian Pays ilə birlikdə "Die letzten ihrer Art"-ın ədəbi və musiqi səhnələşdirməsində iştirak etmişdir.

Adele Noyhauzer ictimai fəaliyyətlə də məşğul olur: o, həm də Plan International Deutschlandın Qəyyumlar Şurasının üzvüdür. 2016-cı ildə Tatortun digər iştirakçıları ilə birlikdə Weißer Ring dərnəyinin xeyriyyə ildönümü kampaniyasında iştirak etmişdir[5].

Adele Noyhauzer bir sıra mükafatlara layiq görülmüşdür. Romy mükafatını bir neçə dəfə almışdır: 2012, 2013 və 2014-cü illərdə - serialın ən populyar ifaçısı kimi; 2016 və 2017-ci illərdə - ən populyar aktrisa kimi.

Filmoqrafiya[redaktə | mənbəni redaktə et]

  • 2016: "Tatort: Die Kunst des Krieges"[6][7]
  • 2009: Çöl çiçəyi
  • 2009: "Polizeiruf 110"
  • 2006: "Fred haradadır?"
  • 2003: "Məktəbli qızlar"
  • 2008–2011: "Həkimin gündəliyi"

Ailəsi[redaktə | mənbəni redaktə et]

Həyat yoldaşı, aktyor və rejissor Pol Zoltan ilə ayrıldıqdan sonra oğlu Yulian Pays ilə Vyanada yaşayır.

Nənəsi və babası rəssam olaraq çalışmışlar. Qardaşı Peter Marquant da rəssam olaraq onların izi ilə gedir.

İstinadlar[redaktə | mənbəni redaktə et]

  1. 1 2 Adele Neuhauser // Munzinger Personen (alm.).
  2. 1 2 Deutsche Nationalbibliothek, Staatsbibliothek zu Berlin, Bayerische Staatsbibliothek, Österreichische Nationalbibliothek Record #128584297 // Ümumi tənzimləmə nəzarəti (GND) (alm.). 2012—2016.
  3. "Adele Neuhauser". 2019-05-01 tarixində arxivləşdirilib. İstifadə tarixi: 2020-04-16.
  4. Frank Rauscher, Teleschau-Mediendienst: Adele Neuhauser. – Kommissarin an der Wand. Arxivləşdirilib 2019-05-01 at the Wayback Machine Interview anlässlich Tatort: Ausgelöscht am 29. Mai 2011. In: tatort-fundus.de. Abgerufen am 14. Juni 2011.
  5. "Adele Neuhauser: "Opfer nicht alleine lassen"". 2019-05-01 tarixində arxivləşdirilib. İstifadə tarixi: 2020-04-16.
  6. ""Tatort"-Kritikerspiegel: Zuhälterschlümpfe mit Nasenbluten" (alman). ZEITMagazin. 3. SEPTEMBER 2016. 2019-03-29 tarixində arxivləşdirilib. İstifadə tarixi: 2018-08-09.
  7. Kuschel, Sven. ""TATORT"-INSPEKTOR BEANTWORTET DIE WICHTIGSTEN FRAGEN: Was steht im Buch "Die Kunst des Krieges"?" (alman). Bild. 04.09.2016. 2019-03-30 tarixində arxivləşdirilib. İstifadə tarixi: 2018-08-09.