Afaq Şıxlı

Vikipediya, açıq ensiklopediya
Jump to navigation Jump to search
Afaq Şıxlı
Afaq Arif qızı Şixlinskaya
Fotoqrafiya
Doğum tarixi 25 iyun 1969 (1969-06-25) (49 yaş)
Doğum yeri Flag of the Soviet Union.svg SSRİ
Flag of the Azerbaijan Soviet Socialist Republic.svg Azərbaycan SSR, Bakı
Vətəndaşlıq Flag of the Soviet Union.svg SSRİFlag of Azerbaijan.svg Azərbaycan
Peşəsi şairəyazıçı
Mükafatları Türk Şeir Akademiyasının fəxri diplomu[1]
"Məhsəti Gəncəvi" adına fəxri diplom
"Kitab evi" İctimai Birliyinin "Vətən naminə" diplomu
Eskişehir Şairler dernegi-nin "Onur belgisi"
"Mikayıl Müşfiq" adına diplom
M.Voloşin adına 10-cu Beynəlxalq Şeir simpoziumunun təşəkkür bəlgəsi [2]
"TÜRK dünyasına xidmət" ödülü [3]
Dədə Qorqud fondunun "Mehriban Ana" ordeni [4]
Şahmar Əkbərzadə adına Beynəlxalq Ədəbiyyat Mükafatı [5]

Afaq Şıxlı (d. 25 iyun 1969, Bakı, Azərbaycan SSR, SSRİ) — həkim, şairə, publisist, tərcüməçi [6] Beynəlxalq Yazıçılar və Publisistlər Assosiasiyasının, Avrasiya Yazarlar birliyinin, Rusiya Yazarlar Birliyinin və Azərbaycan Yazıçılar Birliyinin üzvü, Rusiya Poeziya Akademiyasının müxbir üzvü, Azərbaycan Jurnalistlər Birliyinin üzvüdür. 2015-ci ilin yanvar ayından AYB Moskva bölməsinin məsul katibi vəzifəsinə təyin olunmuşdur.

Həyatı[redaktə | əsas redaktə]

Afaq Şıxlı 25 iyun 1969-cu ildə Azərbaycan SSR-in Bakı şəhərində ziyalı ailəsində anadan olmuşdur[7].

1984-cü ildə - 15 yaşında ikən 12 saylı orta məktəbi qızıl medalla bitirərək N. Nərimanov adına Azərbaycan Tibb Universitetinin 2-ci müalicə-profilaktika fakültəsinə daxil olmuşdur.

1990-cı ildə 2-ci müalicə-profilaktika fakültəsini əla qiymətlərlə bitirərək, 2000-ci ilədək 15 saylı TSH-nin 5-ci şöbəsində həkim-terapevt işləmişdir.

Hazırda Rusiya Federasiyasının Moskva şəhərində yaşayır.

2011-ci ildən Beynəlxalq Yazıçılar və Publisistlər Assosiasiyasının, 2012-ci ildən Avrasiya Yazarlar birliyinin [8], Rusiya Yazarlar Birliyinin [9] və Rusiya Poeziya Akademiyasının [10], 2013-cü ildən Azərbaycan Jurnalistlər Birliyinin [11] üzvüdür.

2014-cü ildə Azərbaycan Yazıçılar Birliyinin üzvü seçilmiş və 2015-ci ilin yanvar ayından AYB Moskva bölməsinin məsul katibi vəzifəsinə [12] təyin olunmuşdur.

Ədəbiyyatdan əlavə təbabət, musiqi və rəssamlıqla məşğul olur.

Ailəlidir. İki övlad anasıdır.

Görkəmli alim Arif Şıxlinskinin qızı, böyük yazıçı İsmayıl Şıxlınin qohumudur.

Ədəbi fəaliyyəti[redaktə | əsas redaktə]

Orta məktəbdə oxuyarkən məktəb Gənc şairlər dərnəyinin rəhbəri olmuşdur.

Şeirləri divar qəzetlərində və bir neçə dəfə “Göyərçin” jurnalında dərc olunmuşdur.

Son on ildə şeirləri və hekayələri respublika mətbuatında (çox sayda qəzet və jurnllarda), eləcə də, bir çox internet saytlarda dərc edilib. 1000-dən artıq şeir, hekayə və publisistik yazıların müəllifidir.

6 şeir və hekayə toplusunun müəllifidir.

Türk [13] və Rus dillərindən bədii tərcümələri qəzet və jurnallarda dərc olunub.

Öz şeirləri rus, türk və fransız dillərinə tərcümə olunaraq, bu ölkələrin qəzet, jurnal və saytlarında dərc olunub.[14]

Kitabları[redaktə | əsas redaktə]

  1. Qəlbimin dedikləri. Bakı: Araz, 2003. Redaktor: Mehdi Şixlinski.
  2. Sevərsənmi. Bakı: Xəzər universiteti nəşriyyatı, 2005. Redaktor: Knyaz Aslan.
  3. Məndən uzaqda. Bakı: Xəzər universiteti nəşriyyatı, 2008. Redaktor: Knyaz Aslan.
  4. Səni düşünürəm. Bakı: Adiloğlu, 2011. Redaktor: Elman Tovuz.
  5. Ömrümün beşinci fəsli. Bakı. 2013. Redaktor: Professor Məmməd İsmayıl.
  6. Dostlarım, bana da bahar gönderin! Türkiyə. 2013.(Türkiyə türkcəsi). Uyğunlaşdıran və redaktor: İmdat Avşar.
  7. Yeddidən biri. Bədii tərcümələr. Saratov. 2014. Redaktor: Professor Məmməd İsmayıl və şair Elman Tovuz.
  8. Bədii tərcümələr. Bakı. 2014.
  9. Sənə demədiklərim. Bakı. 2015.

İstinadlar[redaktə | əsas redaktə]