Albus Dambldor

Vikipediya, açıq ensiklopediya
Keçid et: naviqasiya, axtar
Albus Dambldor
Albus Dumbledore.jpg
Maykl Qambon tərəfindən Harri Potter filmlərində
yaradılmış Albus Dambldor obrazı
Yaradan Coan Roulinq
Məlumat
Cinsi kişi
Peşə Hoqvarts direktoru
Milliyyəti ingilis

Albus Dambldor - Harri Potter romanlar seriyasının qəhrəmanlarından biri.

Romanlarda[redaktə | əsas redaktə]

Harri Potter və Fəlsəfə Daşı[redaktə | əsas redaktə]

Birinci romanın ilk fəsilində Dambldor valideynləri öldürülmüş bir yaşlı Harrini Durslilərin evinə buraxır və onlara məktub yazır. O, bilir ki, anasının xüsusi sehri vasitəsiylə Harri onsuz da mühafizə olunacaq.

Harrinin Hoqvartsa gəlməsindən sonra Dambldor ona İstək güzgüsünün sirrini açır və bildirir ki, “güzgü insanı özünə bağlayaraq xəyallar aləmində yaşadır, lakin real həyatla səsləşmək daha vacibdir.” Daha sonra Dambldor xüsusi sehr istifadə edərək Fəlsəfə Daşını həmin güzgünün içində gizlədir. Həmin sehrə görə daşı yalnız ondan istifadə etmək istəməyən adam götürə bilərdi. Romanın sonuna yaxın Dambldor Harrinin bütün suallarını cavablandırır. Görünməzlik mantiyasını Harriyə göndərdiyini bildirir.

Harri Potter və Sirlər Otağı[redaktə | əsas redaktə]

İkinci romanda Dambldor maql valideynləri olan tələbələrə qarşı edilən hücumlarda Tom Ridlin əli olduğunu ehtimal etsə də, bunun necə baş verdiyini anlamır. Harri Tomun gündəliyinə baxdığı zaman gənc Dambldorun Tomdan baş vermiş hücumlarla bağlı bir şey bilməsini soruşur. Romanın ikinci yarısında Hoqvarsda Vasiliskin hücumlarının baş verməsindən istifadə edən Lusius Malfoy Dambldorun vəzifədən azad edilməsi üçün sehrbazlar şurasına təzyiq edir. Lakin, Cinninin sağ-salamat Sirlər otağından xilas edilməsi Lusiusun planını alt-üst edir.

Harri Potter və Azkaban Məhbusu[redaktə | əsas redaktə]

Üçüncü romanın başlanğıcında tələbələri Azkabandan qaçmış cinayətkar Sirius Blekdən qorumaq üçün Dambldor Dementorların Hoqvarts ətrafında keşik çəkməsinə razılaşsa da, onların Hoqvarts ərazisinə girməsinə qadağa qoyur. Lakin, Blekin Hoqvartsda görünməsindən sonra o, qəsrin bütün girişlərinin qapadılmasını əmr edir. Qviddiç yarışı zamanı Dementorların stadionun üzərindən uçması Harrinin yıxılması ilə nəticələnir və bu Dambldoru qəzəbləndirir. O, Harrinin təhlükəsiz şəkildə məktəb xəstəxanasına aparılması üçün sehrli çubuğundan istifadə edir. Daha sonra romanın sonunda Sirius və Bakbekin xilas edilməsi üçün Dambldor Hermionaya Zaman-çeviricidən istifadə etməyə icazə verir.

İstinadlar[redaktə | əsas redaktə]