Maykl Qembon

Vikipediya, azad ensiklopediya
Naviqasiyaya keçin Axtarışa keçin
Maykl Qembon
ing. Michael John Gambon
Doğum tarixi 19 oktyabr 1940(1940-10-19)[1][2][…]
Doğum yeri
Vəfat tarixi 27 sentyabr 2023(2023-09-27)[3][4] (82 yaşında)
Vəfat səbəbi ağciyər iltihabı[6]
Vətəndaşlığı
Fəaliyyəti səsləndirmə aktyoru[d], teatr aktyoru, kino aktyoru, televiziya aktyoru, aktyor
Fəaliyyət illəri 1962–2019
Təhsili
  • Dram İncəsənəti üzrə Kral Akademiyası[d][5]
Mükafatları "Britaniya imperiyası" ordeni komandoru Cəngavər bakalavrı
IMDb ID0002091
Vikianbarın loqosu Vikianbarda əlaqəli mediafayllar

Ser Maykl Con Qembon (ing. Sir Michael John Gambon; 19 oktyabr 1940[1][2][…], Dublin27 sentyabr 2023[3][4]) – ingilis və irland aktyor.[7] 2004–2011-ci illərdə "Harri Potter" film seriyasında canlandırdığı Albus Dambldor roluna görə tanınır.

Altı onillik karyerası ərzində o, üç Olivier mükafatı və dörd BAFTA TV mükafatı almışdır. 1998-ci ildə dramaturgiyadakı xidmətlərinə görə Kraliça II Yelizaveta tərəfindən cəngavər mükafatını almışdır.

Həyatı[redaktə | mənbəni redaktə et]

Maykl Con Qembon 19 oktyabr 1940-cı ildə Dublin şəhərinin Kabra bölgəsində doğulmuşdur.[8][9] Anası dərzi, atası isə İkinci Dünya müharibəsi zamanı mühəndislik operatoru olmuşdur.[10] Qembonun altı yaşı olanda ailəsi ilə birlikdə Londona köçmüşdür.

Karyerası[redaktə | mənbəni redaktə et]

Teatr[redaktə | mənbəni redaktə et]

Maykl Qembon sənətə teatr sahəsində başlamışdır. 1962-ci ildə "Otello" tamaşasında çıxış edərək aktyor kimi debüt etmişdir. Növbəti illərdə Vilyam Şekspirin digər tamaşalarında çıxış etmişdir. 1995-ci ildə "Göy işığı" tamaşasındakı roluna görə Toni mükafatına namizəd göstərilmişdir. 2004-cü ildə Semyuel Bekketinin "Oyun sonu" tamaşasında baş rolda çıxış etmişdir.[11]

Film[redaktə | mənbəni redaktə et]

Qembon film karyerasına 1965-ci ildə Britaniyada çəkilmiş "Otello" filmi ilə başlamışdır. Daha sonra "Gecədən başqa heç nə" (1973) və "Ölməli olan məxluq" (1974) kimi filmlərdə çıxış etməyə davam etmişdir. 1997-ci ildə çəkilmiş "Qumarbaz" filmində Fyodor Dostoyevskini canlandırmışdır. 1990-cı illərdə "Oyuncaqlar" (1992) və "Yuxulu dərə" (1999) kimi müxtəlif filmlərdə çıxış etmişdir.

Maykl Qembonun ən çox tanındığı film rolu "Harri Potter" seriyasındakı Albus Dambldor obrazı olmuşdur. O, Riçard Harrisin ölümündən sonra seriyanın qalan filmlərində Dambldoru canlandırmışdır. 2010-cu ildə "Kralın nitqi" filmində kral V Corcu canlandırmışdır.

Şəxsi həyatı[redaktə | mənbəni redaktə et]

1962-ci ildə riyaziyyatçı Anna Miller ilə evlənmişdir. Qembon şəxsi həyatının məxfiliyinə önəm vermiş, həyat yoldaşı barədə sualları cavablandırmaqdan imtina etmişdir.[12] Cütlüyün yeganə övladı olan Ferqus keramika mütəxəssisidir.[13]

Ölümü[redaktə | mənbəni redaktə et]

Qembon 27 sentyabr 2023-cü ildə 82 yaşında pnevmaniya səbəbilə Vithemdə ölmüşdür.[14][15]

İstinadlar[redaktə | mənbəni redaktə et]

  1. 1 2 Michael Gambon // Internet Broadway Database (ing.). 2000.
  2. 1 2 Michael Gambon // filmportal.de. 2005.
  3. 1 2 Michael Gambon, Dumbledore in the ‘Harry Potter’ Films, Dies at 82 (ing.). The New York Times, 2023.
  4. 1 2 Michael Gambon, veteran actor who played Dumbledore in ‘Harry Potter’ films, dies at age 82 (ing.). AP, 2023.
  5. 1 2 Michael Gambon Biography. // Biography: Historical & Celebrity Profiles
  6. Michael Gambon, veteran actor who played Dumbledore In 'Harry Potter' films, dies at age 82. Reuters, 2023.
  7. "Interview: Michael Gambon - 'I'm quite a serious-minded actor. I am! I am!'". theartsdesk.com. 6 August 2022. 6 August 2022 tarixində arxivləşdirilib. İstifadə tarixi: 28 September 2023.
  8. "Man from Cabra all right on the Knight". The Irish Times. 28 September 2020 tarixində arxivləşdirilib. İstifadə tarixi: 26 December 2019.
  9. "MICHAEL GAMBON BIOGRAPHY". Tiscali.co.uk. 10 March 2009 tarixində orijinalından arxivləşdirilib. İstifadə tarixi: 26 December 2019.
  10. "Michael Gambon Biography". filmreference. 2008. 26 December 2008 tarixində arxivləşdirilib. İstifadə tarixi: 22 January 2009.
  11. "Endgame". Onlinereviewlondon.com. 8 May 2004. 1 October 2011 tarixində orijinalından arxivləşdirilib. İstifadə tarixi: 8 November 2011.
  12. "The Casual Vacancy's Sir Michael Gambon's TWO families revealed: Wife of 50 years and lover 25 years younger". Daily Mirror. UK. 16 February 2015. 13 October 2020 tarixində arxivləşdirilib. İstifadə tarixi: 13 October 2020.
  13. "Emotions run high on Antiques Roadshow as expert Fergus Gambon uncovers rare dolls worth £200,000". Metro. UK. 26 August 2016. 15 October 2020 tarixində arxivləşdirilib. İstifadə tarixi: 13 October 2020.
  14. Nightingale, Benedict. "Michael Gambon, Dumbledore in the 'Harry Potter' Films, Dies at 82". The New York Times. 28 September 2023. 28 September 2023 tarixində arxivləşdirilib. İstifadə tarixi: 28 September 2023.
  15. Earth, Matthew. "Sir Michael Gambon dies: Star's Aldeburgh recycling fight". East Anglian Daily Times. 28 September 2023. 28 September 2023 tarixində arxivləşdirilib. İstifadə tarixi: 28 September 2023.

Xarici keçidlər[redaktə | mənbəni redaktə et]