Aleksandr Bakulev

Vikipediya, açıq ensiklopediya
Jump to navigation Jump to search
Picto Info sciences exactes.png
Aleksandr Bakulev
rus. Александр Николаевич Бакулев
Fotoqrafiya
Doğum tarixi
7 dekabr 1890(1890-12-07)
Doğum yeri Rusiya imperiyası, Vyatka quberniyası, Nevenikov kəndi
Vəfat tarixi 31 mart 1967 (76 yaşında)
Vəfat yeri Moskva, RSFSR, SSRİ[1]
Dəfn yeri Novodeviçi qəbiristanlığı
Vətəndaşlıq Flag of the Soviet Union.svg SSRİ
Milliyyəti rus
Elm sahəsi Ürək-damar cərrahiyyəsi
İş yeri İkinci Moskva Tibb İnstitutu
Elmi dərəcəsi Tibb elmləri doktoru
TəhsiliSaratov Universiteti Tibb fakültəsi (1918)
AtasıNikolayeviç Bakulev
Elmi rəhbəriSergey Spasokukotsky
Tanınmış yetirmələriE. N. Meshalkin, Vladimir BurakovskyViktor Savelyev
MükafatlarıSosialist əməyi qəhrəmanı (1960), SSRİ Dövlət mükafatı (1949) və Lenin mükafatı (1957) laureatı.
VikiAnbarda Commons-logo.svg əlaqəli mediafayllar

Aleksandr Bakulev (tam adı: Aleksandr Nikolayeviç Bakulev; d. 7 dekabr 1890; Rusiya imperiyası, Vyatka quberniyası, Nevenikov kəndi; ö. 31 mart, 1967, Moskva) – rus cərrahı, SSRİ-də döş cərrahlığının banilərindən biri. SSRİ Elmlər Akademiyasının akademiki (1958), Tibb Elmlər Akademiyasının akademiki (1948) və prezidenti (1953-60).

Həyatı[redaktə | əsas redaktə]

Aleksandr Bakulev 1890-cı il dekabrın 7-də Vyatka quberniyasının Nevenikov kəndində anadan olmuşdur. 1918-ci ildə Saratov Universitetinin Tibb fakültəsini bitirmiş, S.İ. Spasokukotskinin tələbəsi olmuşdur.

Fəaliyyəti[redaktə | əsas redaktə]

Bakulev 1943-cü ildən ömrünün sonunadək İkinci Moskva Tibb İnstitutunun fakültə cərrahlığı kafedrasının müdiri olmuşdur. 1956-cı ildən özünün yaratdığı Döş Cərrahlığı İnstitutuna (indiki Rusiya Tibb Elmlər Akademiyasının A.N. Bakulev adına Ürək-Damar Cərrahlığı Elmi Mərkəzi) başçılıq etmişdir. Əsas işləri mədə-bağırsaq yolu cərrahlığı, neyrocərrahlıq, urologiya, ağciyər və ürək-damar cərrahlığı məsələlərinə həsr edilmişdir. Qida borusunun plastikası üsulunu (Bakulev üsulu), baş beynin ödemi zamanı araxnoidal boşluğa piltə qoyulması üsulunu (1935) təklif etmişdir;

Beyin abseslərinin müalicə üsulunu, mədə kənar edildikdən sonra qida borusu və nazik bağırsağın birləşdirilməsi qaydasını (Gertsen – Bakulev qaydası), 1940-cı ildə nazik bağırsaqla onikibarmaq bağırsağın ilgəkşəkilli anastomozunun yaradılması qaydasını (Bakulev – Delbe qaydası) işləyib hazırlamışdır. 1948-ci ildə SSRİ-də ilk dəfə olaraq botal axacağın bağlanması əməliyyatını yerinə yetirmiş, 1952-ci ildə ürək qüsuru – mitral dəliyin stenozu zamanı mitral komissurotomiyanı uğurla həyata keçirmişdir; kəskin miokard infarktı olan xəstələrin əməliyyatını təklif etmişdir. Perikard boşluğuna dərman yeritmək üçün inyeksiya iynəsi (Bakulev iynəsi) ixtira etmişdir. [2]

Əsərləri[redaktə | əsas redaktə]

  • Пневмонэктомия и лобэктомия. M., 1949 (А.V. Gerasimova ilə birlikdə);
  • Хирургическое лечение болезней сердца и магистральных сосудов. М., 1952;
  • Врождённые пороки сердца. M., 1955 (Y.N. Meşalkin ilə birlikdə);
  • Хирургическое лечение опухолей и кист средостения. M., 1967 (R.S. Kolesnikova ilə birlikdə).

Həmçinin bax[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]

  1. Бакулев Александр Николаевич // Большая советская энциклопедия: [в 30 т.] / red. ilə А. М. Прохоров — 3-е изд. — М.: Советская энциклопедия, 1969.
  2. Aleksandr Bakulev // Azərbaycan Milli Ensiklopediyası  : [25 cilddə] / baş red. M. K. Kərimov. — Bakı: “Azərbaycan Milli Ensiklopediyası” Elmi Mərkəzi, 2011. — III  cild. — Səhifələrin sayı:  604. — Səh.: 94. — 25 000 nüsx. — ISBN 978-9952-441-07-9.