Ankarafantsika Milli Parkı
| Ankarafanstsika Milli Parkı | |
|---|---|
| ing. Ankarafantsika National Park | |
 Ravelobe gölü | |
BTMB kateqoriyası — II (Milli park).svg){kind=logo} |
|
| Sahəsi | 1349,65 km2 ha |
| Yaradılma tarixi | 1927 |
| İdarəetmə orqanı | Madaqaskar Milli Parklar Assosasiyası |
| Yerləşməsi | |
| 16°09′ c. e. 46°47′ ş. u.HGYO | |
| Ölkə |
 Madaqaskar |
| Vilayət | Boeni |
| Yaxın şəhər | Mahacanqa |
| parcs-madagascar.com/fic… | |
|
|
|
 Vikianbarda əlaqəli mediafayllar | |
Ankarafanstsika Milli Parkı (ing. Ankarafantsika National Park) — Madaqaskarın Boeni bölgəsində yerləşən milli park. Ən yaxın şəhər 115 km şimalda yerləşən Macunqa şəhəridir. Milli parkda ekvatorial iqlim tipi hakimdir. Sakalava etnik qrupu milli parkda yaşamağa davam edir. Nəhəng böyükayaqlı siçan ancaq bu milli parkda yaşamaqdadır.
Haqqında
[redaktə | vikimətni redaktə et]
Ankarafantsika Milli Parkının qərbində Betsiboka çayı, şərqində Mahacamba çayı yerləşir. 1927-ci ildə əsası qoyulsa da, milli park 2002-ci ildə iki milli parkın birləşdirilməsi ilə yaranmışdır. 1350 km2 sahəni əhatə edir. Burada xeyli sıx ekvatorial meşələr vardır. Ərazidə həmçinin savannalar, kolluqlar və qayalıq ərazilər yerləşir. Bəzi ərazilər yerli Sakalava xalqı tərəfindən becərilir. Milli parkda xeyli göl, cığır və yürüyüş zolağı da vardır. Ərazinin təbiəti və mənzərisini görmək üçün gələn ziyarətçilər üçün burada otellər xidmət göstərir.[1]
Flora və fauna
[redaktə | vikimətni redaktə et]Milli parkın böyük hissəsini ekvatorial meşələr örtdüyündən canlı növləri baxımından zəngindir. Burada aşkarlanan 800 növün çoxu Madaqaskar üçün endemikdir. Bu kimi növlərə yerli təbabətdə istifadə olunan kaftafay (Cedrelopsis grevei), mpancakabenitani (Baudouinia fluggeiformis), kiçik ağac lohavato (Hymenodictyon occidental), nəhəng çiçəkli sakoanala ağacı (Poupartia silvatica) da aiddir.[1]
Milli parkda Madaqaskarın milli heyvanları olan bəzi heyvan növləri yaşayır. Burada 10 suda-quruda yaşayan, 44 sürünən növü qeydə alınmışdır. Bunlara nadir Madaqaskar böyük başlı tısbağası (Erymnochelys madagascariensis), kərgədan buqelemunu (Furcifer rhinoceratus), cücə buqelemun[1] (Brookesia decaryi) da daxildir. Burada üç ilan növünə — Acrantophis madagascariensis, Sanzinia madagascariensis və nadir Liophidium therezieniya rast gəlmək olar.[1]
Ankarafantsika Milli Parkında 8 lemur növü qeydə alınmışdır. Siçan lemuru isə dünyada ən kiçik primat növüdür. Nəhəng böyükayaqlı siçan dünyada ancaq bu milli parkda yaşayır.[2]
Milli parkda qeydə alınan 129 quş növündən yarısı Madaqaskar üçün endemikdir. Onlara Van Dam vanqası (Xenopirostris damii), pas vanqası (Schetba rufa), Falco zoniventris və Ravelobe gölündə asanlıqla müşahidə olunan Madaqaskar balıq qartalı (Haliaeetus vociferoides) də aiddir.[1] Ravelobe gölündə nadir Humblot vağı da yaşayır.[3]
Qalereya
[redaktə | vikimətni redaktə et]
İstinadlar
[redaktə | vikimətni redaktə et]- ↑ 1 2 3 4 5 "Ankarafantsika". Madagascar National Parks. 2015-03-23 tarixində arxivləşdirilib. İstifadə tarixi: 2013-01-06.
- ↑ Goodman, S. M. and Soarimalala, V. 2005. A new species of Macrotarsomys (Rodentia: Muridae: Nesomyinae) from southwestern Madagascar. Proceedings of the Biological Society of Washington 118(2):450–464.
- ↑ "Ankarafantsika National Park". The Internet Bird Collection. 2016-04-30 tarixində arxivləşdirilib. İstifadə tarixi: 2013-01-07.
