Antifidantlar

Vikipediya, açıq ensiklopediya
Jump to navigation Jump to search
Doppeldecker 01 KMJ.jpg

Antifidantlar (anti… + ing. feed – qidalanmaq) – bitkiləri, bəzən də bitki və heyvan mənşəli məhsulları zərərvericilərin yeməsindən mühafizə etmək məqsədilə işlədilən maddələr. Həşəratfitofaq antifidantları daha çox öyrənilmişdir. Antifidantlar həşəratları repellentlər kimi qorxutmur; həşəratlar bitkiyə zərər vermədən onun üzərinə qonur. Bəzən antifidantlarla kontaktdan sonra onlar bir müddət, demək olar ki, heç qidalanmırlar. Həşərat antifidantları, əsasən, bitkilərin sintez etdiyi ikincili birləşmələrdir. Bitkinin belə maddə hasil etməsi üçün onun genomunu biotexnoloji üsullarla dəyişirlər. Ayrı-ayrı həşərat və gənə növlərinin antifidantları pestisidlər də ola bilər. Məs., mis-xloroksid fungisidləri (Kolorado böcəyini məhv etmək üçün), bəzi insektisidlər (hörümçək gənələrini məhv etmək üçün). [1]

İstinadlar[redaktə | əsas redaktə]

  1. Antifidantlar // Azərbaycan Milli Ensiklopediyası  : [25 cilddə] / baş red. M. K. Kərimov. — Bakı: “Azərbaycan Milli Ensiklopediyası” Elmi Mərkəzi, 2009. — I  cild. — Səhifələrin sayı:  608. — Səh.: 537. — 10 000 nüsx. — ISBN 978-9952-441-02-4.