Aqrar böhran

ABŞ-nin Cənubi Dakota ştatında yerləşən Dallas şəhəri. 1936-cı ilin mayı.

Aqrar böhran — kənd təsərrüfatında ifrat istehsal böhranı. Satılmış kənd təsərrüfatı malları ehtiyatının artması, fermerlərin bu mallara qoyduğu qiymətin aşağı düşməsi, tələbat olmayan kənd təsərrüfatı mallarının bir sıra hissəsinin məhvi, fermerlərin xalis gəlirinin azalması, xırda və orta kənd təsərrüfatı istehsalçılarının müflisləşməsi və ekspropriasiyası prosesinin sürətlənməsi, aqrar əhali artıqlığının güclənməsi (gizli işsizliyin artması) və kənd təsərrüfatı fəhlələrinin əmək haqqının azalmasında təzahür edir. Kapitalizmin inkişafı ilə əlaqədar kənd təsərrüfatında təkrar istehsal prosesi sənayedə təkrar istehsal prosesi ilə sıx əlaqələnir. Buna görə də başqa sahələr kimi, kənd təsərrüfatı da ümumi iqtisadi böhranın zərbələrinə məruz qalır. Kapitalist kənd təsərrüfatına məxsus spesifik aqrar böhran da var. Bu böhranlar on illərlə uzanır. Məsələn, 1873-cü il sənaye böhranı ilə birlikdə başlayan Qərbi Avropa, Rusiya, sonralar isə ABŞ-ni bürüyən aqrar böhran gah güclənmək, gah da zəifləməklə 1890-cı illərin ortalarınadək uzanmışdır. Birinci və İkinci Dünya müharibələri arasında və İkinci Dünya müharibəsindən sonrakı aqrar böhranları da (ABŞ, Kanada, Avstraliya və s.-də) uzunmüddətli olmuşdur.

Əlavə ədəbiyyat

• Geoffrey Drage. Austria-Hungary (1909). J. Murray. 1909. - Total pages: 846
• D. Kirk. Europe's Population in the Interwar Years (1969). Taylor & Francis. 1969. ISBN 978-0-677-01560-6. - Total pages: 309
• George F. McLean, John Kromkowski. Urbanization and Values: Volume 5 of Cultural Heritage and Contemporary Change (1991). Council for Research in Values and Philosophy. 1991. ISBN 978-1-56518-011-6. - Total pages: 380
• Ludwig von Mises. Economic Policy: Thoughts for Today and Tomorrow (when). Ludwig von Mises Institute. March 2006. ISBN 978-1-933550-01-5. - Total pages: 108
• Jacob Salwyn Schapiro, James Thomson Shotwell. Modern and Contemporary European History (1815–1922) (1922). Houghton Mifflin Harcourt. - Total pages: 799
• Gershon Shafir. Land, Labor and the Origins of the Israeli-Palestinian Conflict, 1882–1914 (1996). University of California Press. 1996-08-19. ISBN 978-0-520-20401-0. - Total pages: 287
• Ravenstein, E. G. (1885): "The Laws of Migration", in London: Journal of the Royal Statistical Society - vol. 48, nº. June 1885, pp. 167–227.
• Ravenstein, E. G. (1889): "The Laws of Migration", in London: Journal of the Royal Statistical Society - vol. 52, nº. June 1889, pp. 241–301.

Xarici keçidlər

• Т. Нефедова. Депопуляция сельской местности и агропроизводство