Arif Bağırov

Arif Bağırov
Arif Yusif oğlu Bağırov
Doğum tarixi	1 oktyabr 1930(1930-10-01)
Doğum yeri	Lənkəran, Lənkəran rayonu, Azərbaycan SSR, ZSFSR, SSRİ
Vəfat tarixi	7 oktyabr 1999(1999-10-07) (69 yaşında)
Vəfat yeri	Lənkəran, Azərbaycan
Elm sahəsi	kimya
Elmi adı	professor

Arif Yusif oğlu Bağırov (1 oktyabr 1930, Lənkəran – 7 oktyabr 1999, Lənkəran) — Azərbaycan dövlət xadimi, Azərçay Trestinin (1964–1968) və Azərqlavçay İdarəsinin (1968–1975) rəisi.

Həyatı

Arif Bağırov Yusif oğlu-1930-cu il oktyabrın 1-də Lənkəran şəhərində anadan olmuşdur. 1949-cu ildə Lənkəran 4 nömrəli orta məktəbin rus bölməsini bitirmişdir. Həmin ildə Gürcüstan Kənd Təsərrüfatı İnstitutuna daxil olmuş və 1954-cü ildə həmin institutu bitirmişdir. 1954-cü ildən Azərbaycan çay sənayesində ayrı-ayrı rəhbər vəzifələrində çalışmış, 1990-cı ildən Azərbaycan Meyvəçilik İnstitutunun Lənkəran çayçılıq filialının direktoru işləmişdir. A. Bağırov ETB və SBİ-nin Lənkəran Çay filialına rəbərlik etdiyi illərdə müəssisənin elmi fəaliyyətinin yüksəlməsində böyük xidmətləri olmuşdur.Belə ki, A. Bağırov çayın emal texnologiyasının elmi əsaslarla öyrənilməsində və bu sahə də gənc kadrların yetişdirilməsində böyük əməyi olmuşdur. 1967-ci doktorluq dessertasiyası etmiş, 200-dən artıq elmi əsəri vardır. 1993-cü ildən Lənkəran Dövlət Universitetində çayın emal texnologiyasından mühazirə oxumuşdur. Həmin illərdə Lənkəran şəhər deputatı seçilmişdir. 1998-ci ildə Lənkəran şəhəri Lənkəran Dövlət Universitetində "İqtisadiyyat və texnologiya" kafedrasının müdüri vəzifəsinə təyin olunmuş və ömrünün sonuna kimi o vəzifədə çalışmışdır. Üç övladı və doqquz nəvəsi var, nəvələrindən biri adını daşıyır. 1999-cu ilin oktyabrın 7-də dünyasını dəyişmişdir. Ölümündən sonra doğulduğu küçəyə Arif Bağırovun adı verilmişdir.

Çalışdığı vəzifələr

• 1954-cü ildən 1959-cu ilə qədər Astara şəhəri, Astara Çay fabrikinin baş mühəndis texnoloqu;
• 1959-cu ildən 1964-cü ilə qədər Lənkəran şəhəri, Avrora çay fabrikinin direktoru;
• 1964-cü ildən 1968-ci ilə qədər Lənkəran şəhəri, Azərçay Trestin rəisi;
• 1968-ci ildən 1975-ci ilə qədər Bakı şəhəri, Azərqlavçay idarəsinin rəisi;
• 1975-ci ildən 1981-ci ilə qədər Bakı şəhəri, Azərbaycan SSR yeyinti sənayesi nazirliyinin yanında çayçılıq idarəsinin rəisi;
• 1981-ci ildən 1986-cı ilə qədər Bakı şəhəri, Meyvə-tərəvəz nazirliyinin çay sənayesi və qiymət bürosunun rəisi;
• 1986-cı ildən 1989-cu ilə qədər Bakı şəhəri, Azərbaycan SSR, Qosaqprom çay şöbəsinin rəisi;
• 1989-cu ildən 1999-cu ilə qədər Lənkəran şəhəri, Azərbaycan meyvəçilik İnstitutunun Lənkəran çay filialının direktoru (elmi idarə).

Mükafatları

1. 1966 – Orden – Qırmızı Əmək Bayrağı
2. 1985 – Medal – Əməkdə fərqlənmə

Kitabları

• Arif Bağırov "Azərbaycan çayı", Azərbaycan Dövlət Nəşriyyatı, Bakı 1993, səh. 108
• Arif Bağırov "Çayın Kimyası", Lənkəran Dövlər Universiteti, Lənkəran 1998, səh. 92.
• Bağırov A.Y., əhməzov H., Nuriyev Ə.N. "Çay Yarpağı İstehsalı və Keyfiyyət", Lənkəran 1999, səh. 30.