Arslan Murat
| Arslan Murat | |
|---|---|
| Doğum tarixi | 1974 |
| Vətəndaşlığı |
 Türkiyə |
| Milliyyəti | türk |
| İxtisası | hüquqşünas |
| Təhsili | İstanbul Universitetinin Hüquq fakültəsi |
| Fəaliyyəti | hakim |
| Mükafatları | Vatslav Havel adına mükafatı qalibi (2017) |
Arslan Murat (türk. Murat Arslan; 1974) — Türkiyənin keçmiş hakimi, Hakimlər və Prokurorlar Birliyinin fəal üzvü, siyasi məhbus.
Həyatı
[redaktə | mənbəni redaktə et]Arslan Murat ailəlidir və iki uşaq atasıdır.[1]
1999-cu ildə İstanbul Universitetinin Hüquq fakültəsini bitirib. 2001-ci ildə Türkiyə Hesablama Palatasında işə başlayıb. O, 2011-ci il martın 16-dan 2016-cı il iyulun 23-dək YARSAV-ın sədri olub.[2] YARSAV 23 iyul 2016-cı il tarixli Rəsmi Qəzetdə dərc edilmiş fərmanla bağlanmışdır. 26 oktyabr 2016-cı ildə həbs olunub.[3] 9 oktyabr 2017-ci ildə Avropa Şurası Parlament Assambleyasında Arslana İnsan Hüquqları üzrə Vatslav Havel Mükafatı təqdim edilib. Avropada və onun hüdudlarından kənarda insan haqları müdafiəçilərini təltif edən mükafatın elanında onun Türkiyədə məhkəmə sisteminin müstəqilliyini müdafiə edən fəaliyyətindən bəhs edilib.[4]
2019-cu ilin yanvarında Arslan Murat “terror təşkilatında iştirak” ittihamı ilə 10 il müddətinə azadlıqdan məhrum edilib. İttihamda heç bir zorakılıq və ya zorakılığa təhrik iddiası yox idi və ittiham anonim ifadəyə və Muratın smartfonunda Türkiyə prokurorlarının Gülən hərəkatının üzvləri tərəfindən geniş istifadə edildiyini bildirən "ByLock" adlı məxfilik proqramının olmasına əsaslanırdı.
BMT-nin hakimlərin və vəkillərin müstəqilliyi üzrə xüsusi məruzəçisi Dieqo Qarsiya-Sayan[5] məhkəmənin ədalətsiz olması bəyanatı ilə çıxış edib. “Hakim Arslanın hökmü Türkiyədə və demokratik dövlətdə məhkəmə sisteminin müstəqilliyinə ciddi və açıq hücumdur. Qanunun aliliyinin, müstəqil və qərəzsiz məhkəmə hakimiyyətinin bütövlükdə cəmiyyət üçün fundamental təminatının pozulmasıdır”, – deyə ekspert bildirib.[6]
İstinadlar
[redaktə | mənbəni redaktə et]- ↑ "Report of MEDEL's observer to the ongoing trial of Murat Arslan, President of YARSAV (in German and English) - MEDEL - Magistrats européens pour la démocratie et les libertés". www.medelnet.eu. 2019-02-17 tarixində arxivləşdirilib. İstifadə tarixi: 2019-02-16.
- ↑ "Former YARSAV Chair Murat Arslan Sentenced to 10 Years in Prison". Bianet. 18 January 2019.
- ↑ "Turkish MP slams Europe body for rewarding FETO suspect". en:Anadolu Agency. 23 October 2017 tarixində arxivləşdirilib. İstifadə tarixi: 23 October 2017.
- ↑ "Turkey slams PACE for awarding a former judge linked with Gülenists". en:Hürriyet Daily News. 23 October 2017 tarixində arxivləşdirilib. İstifadə tarixi: 23 October 2017.
- ↑ Md sul processo a Murat Arslan Arxivləşdirilib 2020-09-30 at the Wayback Machine, 8 February 2019.
- ↑ Turkey must ensure fair appeal for Judge Murat Arslan after gross attack on judicial independence, says UN expert Arxivləşdirilib 2022-01-26 at the Wayback Machine, UN Human Rights, 6 February 2019.