Arxeoqrafiçeskiy yejeqodnik

Arxeoqrafiçeskiy yejeqodnik
Dil	rus dili
annales.info/sbo/contens…

"Arxeoqrafiçeskiy yejeqodnik" (rus. Археографи́ческий ежего́дник; mənası – "Arxeoqrafiya illiyi") — Rusiya Elmlər Akademiyasının Arxeoqrafiya Komissiyasının illik nəşri. Burada arxeoqrafiya, mənbəşünaslıq və köməkçi tarixi fənlər, sənədlərin icmalları və fərdi mənbələrə dair məqalələr dərc olunur.

Tarixi

1956-cı ildə akademik Mixail Tixomirovun təşəbbüsü ilə SSRİ Elmlər Akademiyası nəzdində Arxeoqrafiya Komissiyasının bərpasından sonra 1957-ci ildə "Arxeoqrafiçeskiy yejeqodnik"in çapına hazırlıq işlərinə başlanılmışdır. Nəşri məsul redaktorları M. N. Tixomirov (1957–1965), SSRİ Elmlər Akademiyası müxbir üzvü V. İ. Şunkov (1965–1967), tarix elmləri doktoru S. O. Şmidt (1968-2013), Rusiya Elmlər Akademiyası müxbir üzvü S. M. Kaştanov (2013-cü ildən).

Redaksiya heyətinin hazırkı tərkibinə tarix elmləri namizədi Y. V. Andryuşinayte, Rusiya Elmlər Akademiyası müxbir üzvü V. P. Kozlov, tarix elmləri namizədi A. V. Melnikov (müavin cavab. redaktor), tarix elmləri doktoru R. Q. Pixoya, tarix elmləri namizədi V. A. Çernık, tarix elmləri namizədi S. V. Çirkov və tarix elmləri doktoru Y. N. Şveykovskaya daxildir.

Mükafatlar

• 1977-ci ildə Beynəlxalq Kitab Sərgisində birinci mükafata layiq görülmüşdür.
• 2012-ci ildə akademik D. S. Lixaçyov adına mükafata layiq görülmüşdür.

Əlavə ədəbiyyat

• Медушевская О. М., Пережогин М. А. «Археографический ежегодник» — итоги и перспективы
• Археографические комиссии  // Энциклопедический словарь Брокгауза и Ефрона: В 86 томах (82 т. и 4 доп.). СПб.. 1890–1907.

Xarici keçidlər

• Информация на сайте Института славяноведения РАН
• Археографический ежегодник за 1957—2003 годы