Asəf Hacıyev (jurnalist)

Vikipediya, açıq ensiklopediya
Jump to navigation Jump to search
Asəf Hacıyev
Asəf Adil oğlu Hacıyev
Fotoqrafiya
Doğum tarixi
21 sentyabr 1967 (1967-09-21) (51 yaş)
Doğum yeri Sarıxanlı, İmişli rayonu, Azərbaycan SSR, SSRİ
Vətəndaşlıq Flag of the Soviet Union.svg SSRİ
Flag of Azerbaijan.svg Azərbaycan
Peşəsi jurnalist
Təhsili BDU
Fəaliyyəti jurnalist
Mükafatları "Tərəqqi" medalı — 2010

Hacıyev Asəf Adil oğlu (21 sentyabr 1967, Sarıxanlı, İmişli rayonu) — "Xəzər" TV və "Xəzər" radiosunun təsisçisi və prezidentidir. BDU-nun Tarix fakültəsi, "Azərbaycanşünaslıq" ETM-nin "Dünya azərbaycanlıları" bölməsinin elmi işçisi. 2001-ci ildən Yeni Azərbaycan Partiyasının üzvüdür.

Həyatı[redaktə | əsas redaktə]

Asəf Hacıyev 1967-ci il sentyabrın 21-də İmişli rayonunun Sarıxanlı kəndində anadan olmuşdur. 1974-1984-cü illərdə İmişli rayonunun Sarıxanlı kənd orta məktəbində təhsil almışdır. 1985-1987-ci illərdə keçmiş SSRİ-nin Hərbi Hava Qüvvələri tərkibində hərbi xidmətdə olmuşdur. 1988-1990-cı illərdə İmişli rayonunun "Bakı" kolxozunda fəhlə işləmişdir. 1990-cı ildə Bakı Dövlət Universitetinin Tarix fakültəsinin əyani şöbəsinə daxil olmuşdur. 1995-ci ildə həmin fakültəni fərqlənmə diplomu ilə bitirmişdir. 1996-cı ildə Tarix fakültəsinin "Dünya azərbaycanlıları" bölməsinə elmi işçi vəzifəsinə götürülmüşdür. Tarix üzrə fəlsəfə doktorudur. 1995-1996-cı illərdə Bakı şəhəri Yasamal rayonu 225 saylı orta məktəbdə tarix müəllimi işləmişdir. 1998-2007-ci illərdə "Azadinform" İnformasiya Agentliyinin direktoru, 2000-2007-ci illərdə "İntellekt" Araşdırmalar Mərkəzinin direktoru vəzifəsində çalışmışdır. 2007-ci ilin sentyabr ayından "Xəzər" TV-nin, 2008-ci ilin may ayından isə "Xəzər” radiosunun təsisçisi və prezidentidir. 2001-ci ildən Yeni Azərbaycan Partiyasının üzvüdür. Azərbaycan Respublikasının Prezidenti İlham Əliyevin sərəncamı ilə 22 iyul 2010-cu ildə "Azərbaycan milli mətbuatının inkişafındakı xidmətlərinə görə" "Tərəqqi" medalı ilə təltif edilib.

Tədqiqat sahəsi[redaktə | əsas redaktə]

"Dərbənd əhalisi XIX-XX əsrin əvvəllərində (tarixi-demoqrafik tədqiqat)" mövzusunda dissertasiya müdafiə etmişdir.

Seçilmiş əsərləri[redaktə | əsas redaktə]

  • Dərbəndin adı və yaranması haqqında. Aspirantların və gənc tədqiqatçıların elmi konfransının materialları, Bakı, 1998.
  • Rusiya işğalından sonra Dərbəndin əhalisi. BDU-nun xəbərləri. Humanitar elmlər seriyası, Bakı № 1, 2001.
  • Dərbənd əhalisinin yerləşməsi ( XIX – XX əsrin əvvəllərində). ADPU-nun xəbərləri. Humanitar elmlər seriyası, Bakı № 1, 2008.
  • Dərbənd əhalisinin say dinamikası ( XVIII əsrin sonu – XX əsrin əvvəlləri). ADPU-nun xəbərləri. Humanitar elmlər seriyası, Bakı № 3, 2008.
  • Dərbənd əhalisinin etnik tərkibi (XIX-XX əsrin əvvəllərində). Tarix və onun problemləri (BDU), № 1-2, 2008
  • Dərbənd şəhərinin yaranması və adı haqqında. Tarix və onun problemləri (BDU), № 3, 2008
  • Dərbənd əhalisinin demoqrafik və miqrasiya prosesləri (XIX-XX əsrin əvvəllərində). BDU-nun xəbərləri. Humanitar elmlər seriyası. 2008, № 4.
  • XIX-XX əsrin əvvəllərində Dərbənd əhalisinin təhsil səviyyəsi.
  • Dərbənd Azərbaycan şəhəri kimi.