Asey Kobayaşi

Asey Kobayaşi
yap. 小林亜星
Ümumi məlumatlar
Doğum tarixi	11 avqust 1932(1932-08-11)
Doğum yeri	Hataqaya[d], Yaponiya
Vəfat tarixi	30 may 2021(2021-05-30) (88 yaşında)
Vəfat yeri	Tokio, Yaponiya
Vəfat səbəbi	ürək çatışmazlığı
Vətəndaşlığı	Yaponiya
Uşağı	Asao Kobayaşi[d]
Musiqiçi məlumatları
Fəaliyyəti	aktyor, mahnı yazarı[d], bəstəkar, söz yazıçısı[d], seyyu
Janrlar	anime, reklam musiqisi[d], kayokyoku[d]
Təhsili	Keyo Universiteti[d], Keyo liseyi[d], Taypey Yapon Məktəbi[d]
remus.dti.ne.jp/~astro/a…

Asey Kobayaşi (小林 亜星, Kobayaşi Asey, 11 avqust 1932, Hataqaya^[d] – 30 may 2021, Tokio) – Yaponiya bəstəkarı və aktyoru. Bəstələdiyi minlərlə televiziya reklamı musiqilərinə və anime mahnılarına tanınır.

Həyatı

Asey Kobayaşi 1932-ci ildə Tokio şəhərində doğulmuş və Keyo Universitetindən məzun olmuşdur. Şirkətlərin birində işlədikdən sonra bəstəkar Tadaşi Hattorinin tələbəsi olmuşdur.

1961-ci ildə "Renown" adlı geyim şirkəti üçün bəstələdiyi "Wansaka Musume" adlı cinqldan sonra tanınmışdır. Bundan sonra bir çox şirkət üçün televiziya reklamı musiqisi hazırlamağa davam etmişdir: "Hitachi" ("Konoki nannoki"), "Suntory" ("Yoru ga kuru"), "Meiji" ("Meiji Chelsea no uta") və "Bridgestone" ("Dokomademo iko"). 1975-ci ildə enka müğənnisi Harumi Miyakonun "Kita no yado kara" mahnısının musiqisini bəstələmişdir.

"Himitsu no Akko-chan", "Sally the Witch", "Turn A Gundam", "Science Ninja Team Gatchaman", "Time Patrol Bon", "Wolf Boy Ken", "Japanese Folklore Tales", "Dororon Enma-kun", "Angie Girl", "Asari-chan Ai no Marchen Shōjo", "Hana no Ko Lunlun", "King of Beasts Golion", "Voltus 5" və "Kick no Oni" animeləri üçün mahnılar və musiqilər bəstələmişdir. 1974–1975-ci illərdə Yaponiyada yayımlanmış "Kantaro Terauçinin ailəsi" serialındakı ata obrazını canlandırmış və aktyor kimi də tanınmışdır.

Ölümü

30 may 2021-ci ildə ürək çatışmazlığı səbəbilə Tokioda yerləşən bir xəstəxanada ölmüşdür.

Xarici keçidlər

• Asey Kobayaşi Oricon saytında