Aslan Aslanov (alim)

Vikipediya, açıq ensiklopediya
Jump to navigation Jump to search
Aslan Aslanov
Aslan Məhəmməd oğlu Aslanov
Aslan Aslanov.png
Doğum tarixi 20 avqust 1926(1926-08-20)
Doğum yeri Qazax, Zaqafqaziya SFSR, SSRİ
Vəfat tarixi 23 avqust 1995 (69 yaşında)
Vəfat yeri Bakı, Azərbaycan
Vətəndaşlığı SSRİ SSRİAzərbaycan Azərbaycan
Elm sahəsi Fəlsəfə
Elmi dərəcəsi Fəlsəfə elmləri doktoru
Elmi adı AMEA-nın Fəlsəfə və Hüquq İnstitutunun direktoru (1988-1995).
İş yeri AMEA
Tanınır Estetik, şair
Mükafatları Qızıl qələm

Aslanov Aslan Məhəmməd oğlu (20 avqust 192623 avqust 1995) — fəlsəfə elmləri doktoru, Azərbaycan Respublikası EA-nın həqiqi üzvü, əməkdar elm xadimi, Azərbaycan Dövlət İncəsənət Universitetinin rektoru (1977), Azərbaycan Elmlər Akademiyasının vitse-pezidenti, Fəlsəfə və Hüquq İnstitutunun direktoru (1988-1995).

Həyatı[redaktə | əsas redaktə]

Heydər Hüseynov Fəlsəfə şöbəsinin tələbələri arasında akademik Aslan Aslanov, AMEA-nın müxbir üzvü Məqsəd Səttarov və b.

Aslan Aslanov 1926-ci ildə Qazax rayonunda anadan olmuşdur. Məktəbi qurtardıqdan sonra II Dünya müharibəsi illərində müəllim çatışmadığından 1 il Ağstafa şəhəri Dəmiryol məktəbində ibtidai sinfdə müəllim işləmişdir. Sonra Bakıya getmiş və 1950-ci ildə Azərbaycan Dövlət Universitetinin tarix fakültəsinin fəlsəfə ixtisası üzrə bitirmişdir.

Fəaliyyəti[redaktə | əsas redaktə]

Aslan Məmməd oğlu Aslanov 1959-cu ildə fəlsəfə doktoru, 1974-cü ildə elmlər doktoru elmi dərəcəsini almış, 1976-cı ildə isə professor elmi adma layiq görülmüşdür.

A.Aslanov 1961-ci ildən 1977-ci ilədək Azərbaycan Dövlət Universitetinin Es­tetika və etika kafedrasının müdiri olmuşdur. 1977-ci ildən 1987-ci ilə qədər Azərbaycan Dövlət İncəsənət İnstitutunun rektoru olmuşdur.

A.Aslanov 1989-cu ildə Azərbaycan Elmlər Akademiyasının həqiqi üzvü seçilmişdir.

1987-ci ilin martında Azərbaycan Elmlər Akademiyasının Tarix, İqtisadiy­yat, Fəlsəfə və Hüquq Bölməsinin akademik-katibi vəzifəsinə təyin olunan A.Aslanov 1995-ci ilədək bu vəzifəni icra etmişdir. O, həm də 1990-1995-ci illərdə Azərbaycan Milli Elmlər Akademiyası Fəlsəfə və Hüquq İnstitutunun direktoru olmuşdur.

AAslanov Qərb fəlsəfi-estetik fikrinin məsələlərini tədqiq etmiş, milli mədə­niyyətlərin qarşılıqlı zənginləşməsi təsirinin fəal tərbiyəvi mahiyyətinin estetik aspektlərini araşdırmışdır. 0, Aristotelin "Poetika"sını və Didronun "Qardaşım oğlu Ramo" əsərini, C.Bayronun "Gavur", A-Tvardovskinin "Vasili Tyorkin” poemalarını Azərbaycan dilinə tərcümə etmişdir. "Səni düşünürəm" (1957), "Qızlar və bənövşələr” (1961), "Nəğməli günlərim" (1985) şeir kitablarının müəllifidir.

A.Aslanov 1968-ci ildə İsveçdə keçirilən Estetika üzrə VI Beynəlxalq Konqre­sin iştirakçısı olmuşdur. Bundan başqa, 1970-ci ildə Berlində keçirilmiş VII Beynəlxalq Hegel yubiley Konqresində və 1972-ci ildə Buxarestdə Estetika üzrə VIII Beynəlxalq Konqresdə çox maraqlı məruzələrlə çıxış etmişdir. A.Aslanovun elmi kadrların hazırlanmasında da böyük xidmətləri olmuşdur.

Azərbaycan Milli Elmlər Akademiyasının həqiqi üzvü Aslan Aslanov 1995-ci ildə Bakı şəhərində vəfat etmişdir.[1][2]

İstinadlar[redaktə | əsas redaktə]

Mənbə[redaktə | əsas redaktə]

Xarici keçidlər[redaktə | əsas redaktə]