Atabala Səfərov

Atabala Səfərov
Səfərov Atabala Osman oğlu
Doğum tarixi	1 sentyabr 1949
Doğum yeri	Şabran, Azərbaycan SSR, SSRİ
Vəfat tarixi	20 dekabr 2020 (71 yaşında)
Vəfat yeri	Bakı, Azərbaycan
Vəfat səbəbi	ürək çatışmazlığı
Vətəndaşlığı	SSRİ→ Azərbaycan
Peşəsi	aktyor
Mükafatları

Atabala Səfərov (1 sentyabr 1949(1949-09-01), Dəvəçi, Dəvəçi rayonu – 20 dekabr 2020(2020-12-20), Bakı) — aktyor, Azərbaycanın əməkdar artisti (2012)

Həyatı

Səfərov Atabala Osman oğlu - 1949-cu ildə Şabran şəhərində anadan olub. 1971-ci ildə Azərbaycan Dövlət İncəsənət İnstitutunun aktyorluq fakültəsini bitirən Atabala Səfərov həmin ildə Azərbaycan Dövlət Musiqili Komediya Teatrında fəaliyyətə başlayıb. 1972-1973-cü illərdə ordu sıralarında xidmət etdikdən sonra yenidən doğma teatra qayıdıb. Burada işlədiyi müddətdə bir neçə maraqlı obraz yaratmağa nail olmuş, özünü tamaşaçılara sevdirə bilmişdir. 1990-cı ildən 1998-ci ilə qədər Azərbaycan Dövlət Gənclər teatrında direktor müavini vəzifəsində çalışmış, 1998-ci ildə yenidən Musiqili Komediya Teatrına qayıtmış və burda yaradıcılıq fəaliyyətini davam etdirmişdir. Bu müddətdə o "Subaylarınızdan görəsiniz" tamaşasında Seyfi, "Səhnədə məhəbbət"də Milyonçu, "Bir saat xəlifəlik"də Bəhlul Danəndə, "Bir günlük siğə"də Qazi, "Şeytanın yubileyi"ndə Səlim və s. kimi rollarda uğurla çıxış etmişdir. 9 may 2012-ci il tarixdə Əməkdar artist fəxri adına layiq görülmüşdür.

Filmoqrafiya

1. Adı sənin, dadı mənim (film, 1980)(tammetrajlı televiziya tamaşası)(Aztv)
2. Topal Teymur (film, 1983)
3. Evləri köndələn yar (film, 1982)
4. Müəmmalı yubiley (film, 2007)
5. Qovğalı kəndinin gecələri (film, 2008)
6. Əlavə təsir (film, 2010)

Mənbə

• Atabala Səfərov

Həmçinin bax

	Azərbaycan kino sənəti portalı