Avropa İttifaqı Şurası
Avropa İttifaqı Şurası | |
---|---|
![]() | |
Ümumi məlumatlar | |
Təsis tarixi | 1957 |
Sayt | |
consilium.europa.eu | |
![]() |
Avropa İttifaqı Şurası (rəsmi adı ilə Şura, adətən Nazirlər Şurası adlanır, kompromis qismində latınca Consilium da adlanır) — Avropa Parlamenti ilə birlikdə Avropa İttifaqının iki qanunverici orqanından biri və Aİ-nin yeddi qurumundan biri.
Şura 27 nazirdən - Avropa İttifaqına üzv dövlətlərin hər bir hökumətindən olan bir nazirdən ibarətdir. Həmçinin, müvafiq Avropa komissarı Şuranın iclaslarında səsvermə hüququ olmadan iştirak edir. Aİ Şurasının üzvü olan nazirlərin tərkibi müzakirə olunan məsələlərin əhatə dairəsindən asılıdır. Məsələn, 27 üzv dövlətin əməyin mühafizəsi və təhlükəsizliyinə cavabdeh olan nazirləri burada da əməyin mühafizəsi və təhlükəsizliyinə cavabdehdirlər. Tipik olaraq, hər bir şura bir sədrin səlahiyyət müddəti ərzində ən azı iki rəsmi və bir qeyri-rəsmi iclas keçirir. Şura eyni vaxtda müxtəlif tərkiblərdə toplana bilər.