Avstriya–Prussiya müharibəsi

Avstriya-Prussiya müharibəsi
Almaniyanın birləşdirilməsi (1871), Risorcimento
Georq Blaybtroy. Köniqqres döyüşü, 1869.
Tarix	14 iyun — 23 avqust 1866 (2 ay 9 gün)
Yeri	Almaniya, Bohemiya, Şimali İtaliya
Səbəbi	Almaniya uğrunda Avstriya-Prussiya rəqabəti, İtaliyanın Venesiya, Triest, Trient və Cənubi Tirol ərzilərinə iddiası
Nəticəsi	Prussiyanın qələbəsi, Praqa və Vyana sülh müqavilələri
Münaqişə tərəfləri
Avstriya İmperiyası Prussiya krallığı
Komandan(lar)
I Frans İosif I Vilhelm
Tərəflərin qüvvəsi
517123 nəfər 637262 nəfər
Vikianbarda əlaqəli mediafayllar

Avstriya-Prussiya müharibəsi (Almaniya tarixində həm də Alman müharibəsi və Yeddihəftəlik müharibə, İtaliya tarixində isə Üçüncü istiqlaliyyət müharibəsi kimi tanınır) — 1866-cı ildə Prussiya krallığı və İtaliya ilə Avstriya imperiyası arasında baş vermiş hərbi münaqişə.

Müharibədə ümumilikdə 29 dövlət bilavasitə iştirak etmiş, onlardan 13-ü Avstriya, 16-sı Prussiya tərəfində olmuşdur. Müharibə yeddi həftə davam etmişdir (15 iyun - 26 iyul 1866). Avstriya iki cəbhədə vuruşmaq məcburiyyətində qalmış, 1856-cı ildən bəri texnoloji çatışmazlığı və siyasi təcrid edilməsi onun bu müharibədə məğlubiyyətinə səbəb olmuşdur. 3 iyul 1866-cı ildə baş vermiş Sadova döyüşündə general-feldmarşal Moltkenin komandanlıq etdiyi Prussiya qoşunları Avstriya ordusunu darmadağın etdilər.

Avqustun 23-də bağlanmış Praqa sülh müqaviləsinə görə, Avstriya Holşteyni Prussiyaya verdi və Alman Birliyini tərk etdi. 1866-cı il müharibəsinin siyasi nəticəsi Avstriyanın rəhbərliyi altında Alman dövlətlərini birləşdirməkdən imtina etməsi və Almaniyadakı hegemonluğunu Şimali Alman İttifaqına, yeni bir konfederativ dövlət quruluşuna rəhbərlik edən Prussiyaya keçməsi oldu.