Avstriyalı Yuanna

Vikipediya, azad ensiklopediya
Jump to navigation Jump to search
Avstriyalı Yuanna
isp. Juana de Austria
Alonso Sánchez Coello - Portrait of Juana of Austria, Princess of Portugal - Google Art Project.jpg
Şəxsi məlumatlar
Doğum adı Joana d'Habsburg i de Portugal
Doğum tarixi 24 iyun 1535
Doğum yeri
Vəfat tarixi 7 sentyabr 1573 (38 yaşında)
Vəfat yeri
Atası V Karl
Anası Portuqaliyalı İzabella
Həyat yoldaşı Con Manuel
Uşağı I Sebastiyan
Vikianbarın loqosu Vikianbarda əlaqəli mediafayllar

Avstriyalı Yuanna (24 iyun 1535, Madrid7 sentyabr 1573, Eskorial) — Müqəddəs Roma imperatoru V Karlın ən kiçik qızı, Portuqaliya kralı I Sebastiyanın anası. 1554-1558-ci illərdə öncə atasının, daha sonra isə qardaşı II Filippin İspaniya naibi olaraq xidmət etmişdir.

Həyatı[redaktə | mənbəni redaktə et]

Avstriyalı Yuanna 1535-ci ildə Madriddə dünyaya gəldi. Hər iki valideyni də vahid İspaniyanın bünövrəsini qoyan Kastilyalı İzabellaAraqonlu Ferdinandın nəvələri idi. Belə ki, atası V Karl Kastilyalı Yuannanın oğlu, anası İzabella isə onun bacısı Mariyanın Portuqaliya kralı I Manueldən doğulan qızı idi. Bu səbəblə hələ uşaq yaşlarında ikən AvstriyaBurqundiya hersoqinası, eləcə də KastiliyaAraqon infantası elan edilmişdir. Hələ 4 yaşında ikən anası Portuqaliyalı İzabella vəfat etdi və azyaşlı Yuanna anasının nədimələrindən Donna Elyanora de Maskarennasın himayəsində böyüdü.

16 yaşı tamam olan Yuanna 1552-ci ildə Portuqaliya kralı olan dayısı III Conun yeganə oğlu Con Manuellə evləndirildi. Özündən 2 yaş kiçik olan vəliəhdlə olan nigahı 11 yanvar 1552-ci ildə Toroda vəkalətən bağlandı. Madriddən yola çıxan Yuanna həmin ilin noyabrında Portuqaliya sarayına gəlib çatdı. Ancaq vəliəhd Con Manuelin səhhəti olduqca zəif idi və cəmi 2 il sonra - 2 yanvar 1554-cü ildə vəfat etdi. O əsnada hamilə olan Yuanna ərinin ölümündən 2 həftə sonra - 20 yanvar 1554-cü ildə yeganə övladı Don Sebastiyanı dünyaya gətirdi.

Ancaq bir neçə ay sonra atası V Karl qızını öz yerinə İspaniya taxt-tacını idarə etməsi üçün Madridə geri çağırdı. Beləcə, Yuanna cəmi 5 aylıq olan yeganə oğlunu qaynanası və bibisi olan Portuqaliya kraliçası Avstriyalı Ketrinə əmanət edərək Madridə qayıtdı. Atasının 1556-cı ildə səltənətdən əl çəkib monastıra qapanmasının ardından Yuanna eyni vəzifəni 2 il boyunca qardaşı II Filipp adına davam etdirdi. Naibəliyi dönəmində dövlət işləriylə yanaşı, dini məsələlərlə də maraqlanan Yuanna bir çox kilsə və monastıra ianələr payladı.

İtalyan zərgər Yakop da Trezzo tərəfindən hazırlanan və Avstriyalı Yuannanın təsvir edildiyi broş, 1566

Qalan ömrü boyunca yenidən evlənməyən Yuanna bir daha Portuqaliyaya qayıtmadı və övladını görə bilmədi. Oğlunu yalnız Portuqaliyadan göndərilən portretləriylə görən Yuanna ona tez-tez məktublar göndərirdi.

7 sentyabr 1573-cü ildə Eskorialda vəfat edən Yuannanın cənazəsi vəsiyyətinə uyğun şəkildə Madriddə inşa etdirdiyi monastırlardan birinə dəfn edildi.

Mənbə[redaktə | mənbəni redaktə et]

  • Padberg, John (1999). "A Woman Jesuit".
  • Stephens, Henry Morse (1903). The story of Portugal. G.P. Putnam's Sons. pp. 139, 279. ISBN 9780722224731
  • Chisholm, Hugh, ed. (1911). "Joanna" . Encyclopædia Britannica. 15 (11th ed.). Cambridge University Press.
  • Maria (D.). Rainha de Portugal". Portugal - Dicionário Histórico, Corográfico, Heráldico, Biográfico, Bibliográfico, Numismático e Artístico (in Portuguese). Vol. IV. pp. 823–824

İstinadlar[redaktə | mənbəni redaktə et]