Aygün Həsənoğlu

Aygün Həsənoğlu
Doğum tarixi	27 sentyabr 1967(1967-09-27) (56 yaş)
Doğum yeri	Qutqaşen rayonu, Azərbaycan SSR, SSRİ
Təhsili	Azərbaycan Dövlət Pedaqoji Universiteti
Fəaliyyəti	yazıçı, publisist, dramaturq

Aygün Həsənoğlu (27 sentyabr 1967, Qutqaşen rayonu) - Azərbaycan yazıçısı, dramaturqu, publisisti

Həyatı

Aygün Həsənoğlu 27 sentyabr 1967-ci ildə Azərbaycan Respublikasının Qəbələ rayonunda anadan olmuşdur. Burada 2 saylı orta məktəbi bitirdikdən sonra Azərbaycan Dövlət Pedaqoji İnstitutunun filologiya fakültəsini bitirmişdir. 1989-1996-cı illərdə Qəbələ 2 saylı orta məktəbdə müəllim, 1996-2002-ci illərdə Dövlət Gənc Tamaşaçılar Teatrında ədəbi-dram hissə müdiri, 2002-2007-ci illərdə Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyasında referent (2004-cü ildən böyük referent) işləmişdir. 2007-ci ilin dekabrında yaradıcılıqla məşğul olmaq üçün öz ərizəsi ilə işdən ayrılmışdır. 2008-ci ildə "Azərbaycan əbəbiyyatında Şeyx Şamil" mövzusunda dissertasiya işini müdafiə edərək Filologiya üzrə fəlsəfə doktoru elmi dərəcəsini almışdır.

2009-cu ildə "Elmi Araşdırmalar" İctimai Birliyini qurmuş, "Ermənistan, əsir-girovları geri qaytar" təbliğat kampaniyasına başlamışdır.

2012-ci ildə Türkiyəyə yerləşmişdir. Hazırda Türkiyədə yaşayır.

Dramaturgiya, ssenari, nəsr yaradıcılığı, publisistika və elmi araşdırmalarla məşğul olur.

İctimai fəaliyyəti

Aygün Həsənoğlu, hələ orta məktəbdə oxuduğu dövrdən ictimai sahədə fəallığı ilə seçilmişdir. 6-cı sinifdə oxuyarkən sinif yoldaşları ilə birlikdə kimsəsizlərə kömək üçün tədbir keçirmişdir. Şagirdlər Qəbələ rayon mərkəzində iki kimsəsiz qadının evinə gedərək təmizlik aparmış, həyətini süpürmüş, suyunu və odununu daşımışlar. Bundan başqa tərtibçilərinin kim olduğunu bilinməyən "İti gözlər" adlı bir divar qəzeti buraxmışdır. Divar qəzetinə dərsdən qaçan, siqaret çəkən uşaqların gizlincə çəkilmiş fotoşəkilləri vurulmuşdu.

Qəbələ şəhər 2 saylı orta məktəbdə işləyərkən dram dərnəyi yaratmış və məktəbdə müxtəlif tədbirlər hazırlamışdır. 21 Azər inqilabına, Azərbaycan Cumhuriyyətinə, Nizami Gəncəviyə. M.Ə.Rəsulzadəyə Almas İldırıma həsr olunmuş tədbirlər böyük maraqla qarşılanmışdır. Dramaturq, şair və filosov Hüseyn Cavidin həyat və yaradıcılığına həsr olunmuş tədbirdə müxtəlif əsərlərindən göstərilmiş parçalar böyük böyük səs gətirmişdir.

20 Yanvar 1990-cı il qətliamının 40 mərasiminə qədər məhz Aygün Həsənoğlunun təklifi və təşkilatçılığı ilə Qəbələ 2 saylı məktəbin həyətində 20 Yanvar şəhidləri adına xatirə bulaq-abidəsi ucaldılmışdır.

1996-cı ildən Bakı şəhərinə köçərək yaradıcılıq və fəaliyyətini davam etdirən A.Həsənoğlu Azərbaycanda ilk qurulan ictimai təşkilatlardan birinin -1997-ci ildə yaradılmış Yeni Yazarlar və Sənətçilər Qurmunun qurucularından biri olmuşdur. Bu təşkilatda olarkən Bakı Kitab Bayramı, Müəlliflik Hüququ və digər səs gətirmiş tədbirlərin təşkilatçılarından biri olmuşdur. Daha sonra təşkilat sədri ilə fikir və əqidə ayrılığına görə bu təşkilatfdan uzaqlaşan Aygün Həsənoğlu şair Əkbər Qoşalının rəhbərliyi altında Dünya Gənc Türk Yazarlar Birliyinin qurucularından və əsas təşkilatçılarından olmuşdur. DGTYB xətti ilə keçirilmiş tədbirlərdə fəal iştirak etmişdir.

1997-ci ildə Azərbaycan Yazıçılar Birliyinə daxil olmuş, 2004-cü ildə AYB İdarə Heyətinin üzvlüyünə seçilmişdir.

2001-ci ildə yaradılmış Azərbaycan Gənclər Təşkilatları Milli Şurasının Əsir və itkin düşmüş, girov götürülmüş vətəndaşlarla əlaqədar Dövlət Komissiyası ilə Əlaqələndirici İşçi qrupunun üzvü seçilmişdir.

2009-cu ildə Beynəlxalq Elmi-Strateji Araşdırmalar İctimai Birliyini yaratmış, birlik "Elmi Araşdırmalar" İctimai Birliyi adı ilə qeydiyyata alınmışdır.

Türk dünyası və digər beynəlxalq tədbirlərdə iştirak edərkən Azərbaycan-Qarabağ həqiqətlərinin tanıdılması üçün durmadan çalışmışdır. 2004-cü ildə Ankara şəhərində Dünya Gənc Türk Yazarlar Birliyinin təşkilatçılığı ilə təşkil olunmuş Füzuli adına şeir yarışması tədbirində Ankara şəhər Keşiörən Bələdiyyə başqanı ilə görüşdə ona Xocalı soyqırımı haqqında material təqdim edərək Xocalı soyqırımının Türkiyə əleyhinə dünyada aparılan qondarma "Erməni soyqırımı" təbliğatına qarşı ciddi bir fakt olduğunu bildirmiş və Keçiörən bələdiyyəsinin Xocalı soyqırımını rəsmən tanımasını xahiş etmişdir. Qısa müddət sonra dünyada ilk dəfə olaraq Xocalı soyqırımı Ankara şəhər Keçiörən Bələdiyyəsi tərəfindən rəsmən tanınmışdır.

2012-ci ildə Türkiyə Respublikasının İstanbul şəhərinə yerləşmiş Aygün Həsənoğlu, 2016-cı ildə yaradılmış Türk Xalqları Konseyinin qurucularından olmuşdur. 2017-ci ildə Azərbaycan Təhsil və Mədəniyyət (Eğitim ve Kültür) Dərnəyini yaratmış, xeyli tədbirlər təşkil etmiş, İstanbulda yaşayan aztəminatlı azərbaycanlı ailələrə yardımlar təşkil etmiş, sənədələri tam olmadığı üçün qaçaq yaşayan azərbaycanlı uşaqların təhsil alması üçün məktəbə dəstək vermiş, məktəb bağlanmaq həddinə gəldikdə isə onu yenidən təşkil etmişdir. Azərbaycan və Türkiyə arasında əlaqələrin möhkəmləndirilməsi üçün əlindən gələni etmiş, Azərbaycan-Qarabağ həqiqətlərinin, Xocalı soyqırımının, Azərbaycan mədənyyyət və ədəbiyyatının tanıdılması üçün geniş fəaliyyət göstərmiş, 80-ə qədər konfrans və tədbirdə məruzə etmişdir. Eyni zamanda Türkiyənin TRT Haber, 7 gün, 24 Saat, ATV Haber. Bengü Türk, Kanal 34, Gala və digər televiziyalarda Qarabağ problemi, Xocalı soyqırımı haqqında çıxışlar etmişdir.

Yaradıcılığı

Aygün Həsənoğlunun ilk qələm təcrübələri 1988-ci ildə "Qəbələ" rayon qəzetində dərc olunmuşdur. Sonralar ədəbi fəaliyyətini uğurla davam etdirən müəllif daha çox nəsr və dramaturgiya ilə məşğul olmuşdur. 20 yanvar qırğınını əks etdirən "Vətənə oğul gərəkdir" adlı pyesi 1994-cü ilin fevralında Goranboy teatr-studiyasında, Qarabağ müharibəsi ilə tariximizin səsləşməsini əks etdirən "Mağara" pyesi 1994-cü ilin iyul ayında Dövlət Gənc Tamaşaçılar Teatrında, "Oxu, bülbül" pyesi yenə həmin teatrda səhnələşdirilmişdir. Ümumiyyətlə, 8 pyesi Azərbaycan özəl və dövlət teatrlarında səhnəyə qoyulmuşdur. Xocalı Soyqırımını əks etdirən "Adsız qadın" pyesi 2016-cı ildə İstanbul Azərbaycan-Türkiyə Vizyon Teatrı tərəfindən səhnələşdirilərək müntəzəm nümayiş etdirilir. 2018-ci ildə "Gözlə məni, məktəb" pyesi İstanbulda Uşaq Teatrı tərəfindən səhnələşdirilmiş və İstanbulda məktəblərdə göstərilmişdir.

9 kitabı nəşr edilmiş, 70-dən artıq məqaləsi çap olunmuşdur. 2010-cu ildə ssenarisi əsasında "Girov uşaqlar" sənədli filmi çəkilmişdir. Hazırda Qarabağ atından bəhs edən "Həsrət" hekayəsi əsasında yazdığı ssenarisinin animasiya filminin çəkilişi üzərində iş gedir.

Azərbaycan tarixinin ən əhəmiyyətli dövrlərini qələmə almış A.Həsənoğlunun yaradıcılığında vətənpərvərlik və tarixi mövzularla birlikdə, milli-mənəvi dəyərlər, milli-tarixi simvollar da xüsusi yer tutur.

Uşaqlar üçün yazdığı pyeslər, nağıl və hekayələr vətənsevərlik duyğuları aşılamaqla bərabər, uşaqlara düzgün davranış modelləri təqdim edir, onların psixoloji, mənəvi tərbiyəsinə təsir edən, onları istiqamətləndirən və dünyagörüşünü inkişaf etdirən ədəbi nümunələrdir.

Kitabları

1. Qovuq. Bakı, Ağrıdağ, 2000, 240 s.
2. Yeddi qapı. Bakı, Nurlan, 2004, 340 s.
3. Şeyx Şamil obrazı Azərbaycan elmi-bədii təfəkküründə. Bakı, Vektor, 2004, 140 s.
4. Ölməz eşqim Almas Yıldırım: Almas Yıldırımın şəxsiyyəti və poetikası, Bakı, 2007, 200 s.
5. Erməni sindromu. Bakı, Elm, 2007, 440 s.
6. Erməni əsirliyində, Bakı, Adiloğlu, 2008, 376 s.
7. Bütün müharibələrə lənət. Bakı, Təknur, 2009, 200 s.
8. Uşaq pyesləri. Bakı, Adiloğlu, 2009, 200 s.
9. Azərbaycan ədəbiyyatında dissidentlik və Tofiq Vəndamlı. Bakı, Elm və təhsil, 2011, 200 s.
10. Gökten düşen masallar. İstanbul. Göksu, 2019, 20 s.
11. Ceyhunun zaman maşını. Uşaq romanı. İstanbul, AyGÜN. 2022, 168 s.
12. Hər kəsin öz nəğməsi. Uşaq romanı. İstanbul, AyGUN. 2022, 200 s.
13. İncilər. Uşaqlar üçün hekayə və nağıllar. İstanbul, AyGün. 2022, 200 s.
14. Nənə sandığı. Uşaqlar üçün hekayələr. İstanbul. AyGÜn. 2022, 174 s.

Məqalələri

1. Aygün Həsənoğlu. Mehdi Hüseynin yaradıcılığında Şeyx Şamil mövzusu. "Qobustan" jurnalı, 2002, №4;  
2. Aygün Həsənoğlu. Əsl lider obrazı (Şeyx Şamil). "Elturan" jurnalı, № 1-2, 2002.
3. Aygün Həsənoğlu. Almas Yıldırımın yaradıcılığında Şeyx Şamil və Qafqaz xalqları, "Elturan" jurnalı № 1-2, 2003.
4. Aygün Həsənoğlu. Laçın bütünlüklə yandırılıb. “Azadlıq” qəzeti, 22.05.2003;
5. Aygün Həsənoğlu. Sonu görünməyən tunel, “Yeni Azərbaycan” qəzeti, 2.12.2003;
6. Aygün Həsənoğlu. Alban mədəniyyəti təhlükədədir, “Respublika” qəzeti, 5.12. 2003;
7. Aygün Həsənoğlu. Biz nələr itirdik: İrəvanda dağıdılan abidələrimiz, “Mədəniyyət” qəzeti, 6.12.2003;
8. Aygün Həsənoğlu. Bu bizim tariximiz, taleyimiz, “Yeni Azərbaycan” qəzeti, 12.12.2003;
9. Aygün Həsənoğlu. “Uraqan” həqiqəti-еrməni vəhşiliyinin iç üzü, “Yeni Azərbaycan” qəzeti, 6. 01.2004;
10. Aygün Həsənoğlu. Dağıdılan abidələrimiz, “Axşam” qəzeti, 10-16.01.2004;
11. Aygün Həsənoğlu. Еrmənilərin azərbaycanlılara qarşı soyqırımı, “Azərbaycan” qəzeti. 24.04.2003;
12. Aygün Həsənoğlu. Erməni sindromu, “Mədəniyyət” qəzeti, 24.01.2004;
13. Aygün Həsənoğlu. Əfsanəyə dönən oğullar. “Üç nöqtə” qəzeti, 29.01.2004
14. Aygün Həsənoğlu. Dağıdılan abidələrimiz- İrəvan məscidləri, “Mədəniyyət” qəzeti, 31.01.2004;
15. Aygün Həsənoğlu. Bayraqlaşan oğul, “Xalq qəzeti”, 03.02.2004;
16. Aygün Həsənoğlu. Dünya erməni vəhşiliyinə göz yummamalıdır, “Xalq qəzeti”, 08.02.04;
17. Aygün Həsənoğlu. Qaradağlı faciəsi, “Üç nöqtə” qəzeti, 17.02.2004;
18. Aygün Həsənoğlu. Erməni terrorunun qurbanları. "Azərbaycan" qəzeti, 10.03.2004.
19. Aygün Həsənoğlu. Haradasınız, itkin uşaqlar, “525-ci qəzet”, 14.04.2004;
20. Aygün Həsənoğlu. Yeddi oğulun biri Natiq, “Azərbaycan” qəzeti, 15.04.2004;
21. Aygün Həsənoğlu. Erməni vəhşilikləri, “Olaylar” qəzeti, 17-19, 24-26.04;
22. Aygün Həsənoğlu. Vereşagin, “Apofeos voynı” və erməni xəstəliyi, “Səfillər” qəzeti 15.05. 2004;
23. Aygün Həsənoğlu. Didərgin ruhların fəryadı: Şuşada məzarlarımız da dağıdılır. “525-ci qəzet”, 25.05.2004.
24. Aygün Həsənoğlu. Erməni əsirliyindəki soydaşlarımızın vəziyyəti dözülməzdir, “Ayna”, 26.05.2004;
25. Aygün Həsənoğlu. Doğma torpaqda cəhənnəm-Şuşa həbsxanası, “525-ci qəzet”, 4.06.2004;
26. Aygün Həsənoğlu. Erməni terrorunun pərdəarxası, “Yeni xəbər”, 12.06.2004;
27. Aygün Həsənoğlu. Atam, anam, qardaşım, məni axtarın. “Olaylar” qəzeti, 22. 06.2004.
28. Aygün Həsənoğlu. Əsirlikdə yaşananlar, “Ekspress” qəzeti, 18.08.2004;
29. Aygün Həsənoğlu. Erməni vəhşilikləri, “Üç nöqtə” qəzeti, 20.08.2004;
30. Aygün Həsənoğlu. Erməni vəhşiliyi-Əsirlikdən qayıtmışlar danışır, “Ekspress”, qəzeti, 17.09.2004;
31. Aygün Həsənoğlu. Erməni vəhşiliyi şahidlərin dilindən, “Ekspress” qəzeti,18-20.09. 2004.
32. Aygün Həsənoğlu. Soyqırım-1918, “Yeni xəbər” qəzeti, 19.06.2004;
33. Aygün Həsənoğlu. Erməni vəhşiliyi – Uşaqların ürəklərini çıxarmışdılar, “Ekspress”, qəzeti, 21.09.2004;
34. Aygün Həsənoğlu. Cəzalarına çatmalıdırlar, “Olaylar” qəzeti, 28.09.2004;
35. Aygün Həsənoğlu. Ağdamda salamat bina qalmamışdır, “Ekspress” qəzeti, 29.10.2004;
36. Aygün Həsənoğlu. İşğal olunmuş ərazilərdə məzarlarımız da sökülür, “Ekspress” qəzeti, 26.10.2004;
37. Aygün Həsənoğlu. İşğal olunan, dağıdılan, yandırılan Qubadı, “Ekspress” qəzeti г., 3.11. 2004;
38. Aygün Həsənoğlu. Erməni vandalizmi, “Olaylar” qəzeti, 1.12.2004;
39. Aygün Həsənoğlu. Tabutda dirilən adam, “Ekspress” qəzeti, 28.12.2004;
40. Aygün Həsənoğlu. Kərkicahan döyüşü, “525-ci qəzet”, 29.12.2004;
41. Aygün Həsənoğlu. Əsrimizin Fərhadı, “Ekspress” qəzeti, 4-5.01.2005.
42. Aygün Həsənoğlu. “Nemezis” türklərə qarşı çevrilmişdi, “Qızıl pero” dərgisi, 1, 2005;
43. Aygün Həsənoğlu. Harada sən yoxsansa, orada sənin düşmənin var –Bitməyən erməni terroru. 525-ci qəzeti, 12.01.2005;
44. Aygün Həsənoğlu. Ermənilərin vəhşilikləri sonda onların özlərinə qarşı çevriləcəkdir., 525-ci qəzet, 4.02.2005;
45. Aygün Həsənoğlu. Şeyx Şamilin bədii obrazı. "Elm" qəzeti. 2005, aprel.
46. Aygün Həsənoğlu. Bəs mənim balam hanı, “Olaylar” qəzeti, “Xalq” qəzeti, 15.06.2005;
47. Aygün Həsənoğlu. Bu zülm yerdə qalmayacaq, “Аzərbaycan” qəzeti, 29.06.2005;
48. Aygün Həsənoğlu. 10 ildən sonra sonra tapıldılar, “525-ci qəzet”, 2.08.2005;
49. Aygün Həsənoğlu. Biz terrora "yox" deyirik, “525-ci qəzet”, 20.08.2005;
50. Aygün Həsənoğlu. Əsirlikdən gələn səs: Məni qurtarın. “525-ci qəzet”, 23.08.05;
51. Aygün Həsənoğlu. Dövlət Komissiyasının qapıları həmişə açıqdır, “Yeni Azərbaycan” qəzeti, 31.08.05;
52. Aygün Həsənoğlu. Sonu görünməyən labirint, “Üç nöqtə” qəzeti, 14.09.2005;
53. Aygün Həsənoğlu. Üçüncü qaçış-Əsirlikdən azadlığa, “Üç nöqtə” qəzeti., 23.11.2005;
54. Aygün Həsənoğlu. 15 sentyabr Bakının xilas edildiyi gündür-Xilaskar ordunun zəfər yürüşü, “Olaylar” qəzeti, 15.09.2005;
55. Aygün Həsənoğlu. Ağ xalatlı cəlladlar, “525-ci qəzet”, 17.12.2005;
56. Aygün Həsənoğlu. Cəhənnəmdən qayıtmışlar danışır, “Ekspress” qəzeti, 22-24.04.2006;
57. Aygün Həsənoğlu. İnsan alveri - qul kimi alınıb satılan vətəndaşlarımız, “525-ci qəzet”, 30.08.06.
58. Aygün Həsənoğlu. Erməni fitnəsinin daha bir üzü, “Azərbaycan” qəzeti, 30.8.2006.
59. Aygün Həsənoğlu. Biz, Yanan torpaq, tələsən Yer kürəsi və yurdlarını tərk etməyənlər. "525-ci qəzet", 11.05.2007.
60. Aygün Hasanoğlu. Karabağ savaşında rehine alınmış coçuklar. Antoloji com. 08.07.2007
61. Aygün Həsənoğlu. Azərbaycan hökmdarının nəvəsi olan aktyor. Təzə xəbər. 21.05.2018.
62. Aygün Həsənoğlu. Gerçək hadisə: - Siz mənə daş-qaya layiq gördünüz. 1.07.2018.
63. Aygün Hasanoğlu. Tabutta dirilenler. Sözcü.az. 03.09. 2019
64. Aygün Hasanoğlu. Azerbaycanlı milyoner - İlginç hayat hikayesi.  Asasmedya. 05.09.2019
65. Aygün Hasanoğlu. Karabağ savaşında Ermenilere silahları kimler gönderiyordu? - Yüzyılın en büyük banka soyguncusu-Gukasyan. Asasmedya.   13.09.2019
66. Aygün Hasanoğlu. Tamara'nın feryadı: "Beni kurtarın". Qaynar.info.com. 26.09.2019.
67. Aygün Hasanoğlu. Tek tesellim, kızımın yüzü yanarak çirkinleştiği için ona tecavüz etmemeleri idi. Asasmedya. 08.10.2019.
68. Aygün Hasanoğlu. Katil Primakov’un 90. Yaş gününü Bakü’deki Rusya elçiliği finans etmiş.02.11.2019
69. Aygün Hasanoğlu. "Karabağ Azerbaycan'ındır" deyince diri diri yaktılar. Derin Tarih. 02.2020
70. Aygün Hasanoğlu. Ermeniler gözümüzün önünde 12-13 yaşla­rındaki kızlara tecavüz ediyorlardı. Asasmedya,  03.03.2020
71. Aygün Hasanoğlu. Azerbaycan'da 1918 Soykırımı. Tarihistan. 31.03.2020.
72. Aygün Hasanoğlu. Katil Ermenileri tanıyın ve unutmayın. Evrasia Diary. 03.03.2020.
73. Devlet gibi insan-Haci Zeynalabdin Tağıyev. "Gelişim Erzurum" dergisi. say 3, Mart 2021.

Layihələri

1. Beynəlxalq terror qurbanlarına həsr olunmuş fotosərgi.
2. "Beynəlxalq terror" fotoalbomu.
3. "Erməni terroru" fotoalbomu. (2005-ci ildə Əsir və itkin düşmüş, girov götürülmüş vətəndaşlarla əlaqədar Dövlət Komissiyası tərəfindən 9 dildə nəşr edilmişdir.).
4. "Erməni vandalizmi" fotoalbomu. (2005-ci ildə türk dilində nəşr edilmişdir.)
5. "Erməni əsirliyində" (İşgəncələr, qətllər, terror, vandalizm, işğal, soyqırım) 2008-ci ildə ingiliscə nəşr edilmişdir.
6. "Bizi əsirlikdən qurtarın" (Əsir və itkin düşmüş, girov götürülmüş vətəndaşlarla əlaqədar Dövlət Komissiyası tərəfindən nəşr edilmişdir).
7. Azərbaycanda Strateji Araşdırmalar Mərkəzinin qurulması.
8. "Ermənistan, əsir-girovları qaytar" təbliğat kampaniyası.
9. "Girov uşaqlar" haqqında sənədli filmin çəkilməsi.
10. Türk dünyasına xidmət ödülü ("Türksav" tərəfindən "Qızıl alma ödülü" adı ilə gerçəkləşdirilmişdir.
11. Azərbaycanda Milli Təbii Toxum Ehtiyatı Fondunun yaradılması.
12. "Azərbaycan xalçaları" sənədli filmlər serialının çəkilişi.
13. Bakıdakı Erməni kilsəsində erməni terroru muzey-mərkəzinin yaradılması.
14. "Soyqırım" muzey-mərkəzinin yaradılması...
15. Ümumiyyətlə, 600-dən artıq təklif-layihəni dövlət orqanlarına təqdim etmişdir.

Mükafatları

1. Antinarkomaniya mövzusunda ədəbi əsərlərin müsabiqəsində 2-ci yer.
2. Gənclər Təşkilatları Milli Şurası tərəfindən mədəniyyət sahəsindəki uğurlarına görə "Fəxri gənc" medalı (2002)
3. Gənclər Təşkilatları Milli Şurası tərəfindən Fəxri Fərman. (2001)
4. "Dədə Qorqud" fondu və "Azərbaycan dünyası" jurnalı tərəfindən Vətən və Türk dünyası qarşısındakı xidmətlərunə görə "Vətən övladı" medalı (2010)
5. "Türksoy" təşkilatı tərəfindən Türk dünyası ədəbiyyatı qarşısındakı xidmətlərinə görə Təşəkkür
6. Azərbaycan Respublikası Diaspor Komitəsi tərəfindən Diaspor fəaliyyətindəki töhfələrinə görə "Azərbaycan dili və mədəniyyətinin təbliğinə görə" medalı (2020)
7.