Azər Tağıyev

Vikipediya, azad ensiklopediya
Jump to navigation Jump to search
Azər Tağıyev
Azər Tağıyev.jpg
bayraqAzərbaycan Respublikasının Vəkillər Kollegiyasının 1-ci sədribayraq
3 noyabr 2004 — 7 dekabr 2017
Sələfi təsis edilib
Xələfi Anar Bağırov
Şəxsi məlumatlar
Təhsili Azərbaycan Dövlət Universiteti Hüquq fakültəsi
Doğum tarixi 25 aprel 1948(1948-04-25)
Doğum yeri Şəki, Azərbaycan Azərbaycan SSR
Vəfat tarixi 30 aprel 2018 (70 yaşında)
Vəfat yeri Bakı, Azərbaycan
Mükafatları Azərbaycan Respublikasının əməkdar hüquqşünası

Azər Cabir oğlu Tağıyev (25 aprel 1948, Şəki, Azərbaycan SSR30 aprel 2018, Bakı, Azərbaycan) — azərbaycanlı vəkil, Azərbaycanın "Əməkdar hüquqşünas"ı, Mərkəzi Seçki Komissiyasının üzvü, Azərbaycan Respublikasının Vəkillər Kollegiyasının sabiq sədri.[1][2][3]

Həyatı[redaktə | əsas redaktə]

Azər Tağıyev 25 aprel 1948-ci ildə Şəki şəhərində anadan olmuşdur.[3]

Təhsili[redaktə | əsas redaktə]

Orta məktəbi bitirdikdən sonra o, 1967-1973-cü illərdə Azərbaycan Dövlət Universitetinin hüquq fakültəsində ali təhsil almışdır.[1]

Karyerası[redaktə | əsas redaktə]

1974-cü ildə Azərbaycan SSR Vəkillər Kollegiyası üzvlüyünə qəbul olunaraq Bakı şəhəri 14 saylı hüquq məsləhətxanasında vəkillik fəaliyyətinə başlamışdır. 1980-ci illərin əvvəlində Vəkillər Kollegiyası Rəyasət Heyətinin üzvü, 1980-ci illərin sonunda Rəyasət Heyətinin sədr müavini, 1995-ci ildə isə Vəkillər Kollegiyası Rəyasət Heyətinin sədri seçilmişdir.

2004-cü il 3-4 noyabr tarixində Bakı şəhərində Təsis Yığıncağı keçirilərək, Azərbaycan Respublikasının yeni Vəkillər Kollegiyası yaradılmış və o, 7 dekabr 2017-ci ilədək Kollegiyaya rəhbərlik etmişdir.

26 iyun 1998-ci ildə Mərkəzi Seçki Komissiyasına üzv təyin edilmiş və vəfat edənə qədər Komissiyanın işində fəal iştirak etmişdir.

Ölümü[redaktə | əsas redaktə]

Azər Tağıyev uzun sürən xəstəlikdən sonra, 30 aprel 2018-ci ildə vəfat etmişdir.

Mükafatları[redaktə | əsas redaktə]

Azərbaycan Respublikasının Prezidentinin 24 aprel 2008-ci il tarixli Sərəncamı ilə Azər Tağıyevə əməkdar hüquqşünas fəxri adı verilib. O, Azərbaycan Respublikası Vəkillər Kollegiyasının "Fəxri fərmanı" və "Fəxri diplomu" ilə təltif edilib, ona Azərbaycan Respublikası Vəkillər Kollegiyasının "Fəxri Hüquq Doktoru" və "Fəxri vəkil" adları verilib, onun adı Kollegiyanın "Vəkillərin Şərəf Kitabı"na daxil edilib.[3]

İstinadlar[redaktə | əsas redaktə]