Azərbaycan Tikinti Kompleksinin Ensiklopediyası

Vikipediya, açıq ensiklopediya
Jump to navigation Jump to search
Azərbaycan Tikinti Kompleksinin Ensiklopediyası (ATKE)
Fotoqrafiya
Müəllif(lər) Bəhram İbrahimov
Zərbalı Mirzə
Janr Ensiklopediya
Orijinalın dili Azərbaycan
Tərtibat Zərbalı Mirzə
Nəşriyyat Yeni Poliqrafist
Nəşr 2011
Səhifə 336
Növ kitab
Tiraj 400
isbn qrifli nəşr

Azərbaycan Tikinti Kompleksinin Ensiklopediyası – toplu, sorğu kitabı

Titul səhifə[redaktə | əsas redaktə]

  • Redaktor: Məzahir Alıyev, şair, şərqşünas
  • Kompüter səhifələyicisi, üz qabığının dizaynı: Niyazi Sadıqov
  • Operator: Həmid Allahverdiyev
  • Məsul korrektor: Niyazi Sadıqov
  • Korrektorlar: Südabə Mehdiyeva, Şəfiqə Babaşova
  • Müəlliflər:
    İbrahimov Bəhram Məhəmməd oğlu
    Allahverdiyev Zərbalı Mirzə oğlu
  • Azərbaycan Tikinti Kompleksinin Ensiklopediyası (ATKE) I cild. Bakı, Yeni Poliqrafist, 2011, 336 səh, 400 tiraj.
  • Azərbaycan Tikinti Kompleksinin Ensiklopediyası (ATKE) II cild, Bakı, Yeni Poliqrafist, 2012, 256 səh, 400 tiraj.
  • Azərbaycan Tikinti Kompleksinin Ensiklopediyası (ATKE) III cild, Bakı, Yeni Poliqrafist, 2013, 216 səh, 400 tiraj.
  • Azərbaycan Tikinti Kompleksinin Ensiklopediyası (ATKE) IV cild, Bakı, Yeni Poliqrafist, 2014, 232 səh, 400 tiraj.
  • Azərbaycan Tikinti Kompleksinin Ensiklopediyası (ATKE) V cild, Bakı, Yeni Poliqrafist, 2015, 216 səh, 400 tiraj.

Kitab haqqında[redaktə | əsas redaktə]

“Azərbaycan Tikinti Kompleksinin Ensiklopediyası” (ATKE) kitabının bütün cildlərində Azərbaycan məmləkətini kərpic-kərpic tikib abadlaşdıran memar və inşaatçılarımızın həyat və ömür yollarından qısa və lakonik dillə oxuculara məlumat verilir. Onların arasında memarı da var, inşaatçısı da, naziri də var, fəhləsi, bənnası da, hamının tanıdığı məhşurları da var, çox az adamın tanıdığı, lakin böyük işlər görən tanınmamışlar da var.

Həmin insanlar öz ləyaqətləri, bacarıq və qabiliyyətləri ilə örnək olduqları kimi həm də gənc inşaatçı kadrların yetişdirilməsi, kənd və qəsəbələrimizin gözəlləşdirilməsi, xalq təsərrüfatının bütün sahələri üçün vacib sayılan obyektlərin tikilməsi naminə əllərindən gələni etmişlər və bu gün də öz xeyirxah missiyalarını davam etdirirlər. Onlar fərqli zaman kəsiklərində yaşayıb yaratsalar da, eyni məqsəd və amal naminə çalışmış və bu gün də çalışmaqdadırlar.

Kitabda həmçinin milli memarlıq tariximizin inciləri olan qədim və müasir arxitektura tikililərinin, həm də hələ layihə olan gələcək memarlıq nümunələrinin foto-şəkilləri də oxuculara təqdim olunur.

Kitab keçmiş Azərbaycan Respublikası Dövlət Tikinti və Arxitektura Komitəsində 2003-cü ilin yanvar ayında tərtib və təsdiq edilmiş siyahı, hazırda ölkə tikinti kompleksində təmsil olunan səhmdar cəmiyyətlərin, MMC-lərin, tikinti yönümlü firma və qurumların rəhbərlərinin təqdim etdikləri siyahı, tanınmış alimlərin, peşəkar inşaatçıların rəyi və “İnşaatçı”- “Stroitel” qəzetlərinin arxiv materiallarından istifadə edilməklə hazırlanmışdır.

Müəllifdən[redaktə | əsas redaktə]

Azərbaycan inşaatçı və memarlarının ömür yoluna salnamə həyatının bəxş olunması ideyası 2003-cü ildə yaransa da ancaq aradan 8 illik zaman məsafəsi keçdikdən sonra bu çoxcildlik ensiklopedik toplunun materiallarının toplanmasına və nəşrinə başladıq. İlk baxışda asan görünən bu toplunun hazırlanması heç də göründüyü kimi sadə və asan deyil. Burada əsas amil ölkə tikintisində və layihələndirmə yönümündə ömrünü fəda eləmiş inşaatçı və memarları müəyyənləşdirmək və axtarıb tapmaq idi. Əlimizdə Komitədə tərtib və təsdiq olunmuş ilkin siyahı var idi. Ancaq siyahı üzrə materialların toplanması üçün qəhrəmanlarımızın axtarılıb tapılması işində çox çətinliklərlə üzləşdik və bu gün də bu problemlərin həllinə çalışırıq. Arxiv materiallarını araşdırmaq, İnşaatçı qəzetinin 60 illik podşivkalarını vərəqləmək, bir inşaatçı, yaxud memar haqqında kiçicik bir informasiya tapmaq üçün saatlarla tozun-torpağın içində vurnuxmaq, ancaq yenə də yorulub usanmadan axtarışları davam etdirmək yalnız bu sənəti sevənlər üçün maraqlı ola bilərdi.

Biz bu sənəti, jurnalistikanı sevdiyimiz üçün 2012-ci ildə üzü bu yana ildə 1 cild olmaqla artıq ensiklopediyanın 5 cildini nəşr etdirməyə müvəffəq olmuşuq. Və özü də çalışmışıq ki, bizim həyatımızı gözəlləşdirən inşaatçı və memarlarımızın həyatından bəhs edən bu toplunun bütün cildləri onların zövqünü oxşasın, kitabın tərtibatı və yüksək poliqrafik nəşri onları razı salsın.

Biz sözün həqiqi mənasında öz istəyimizə çatmışıq. Geniş tikinti ictimaiyyəti üçün nəzərdə tutduğumuz bu ensiklopediya bütün inşaatçılarımızın stolüstü kitabına çevrilib və qurucu insanlarımız arasında çox populyardır.

Zərbalı Mirzə
Əməkdar Jurnalist

Həmçinin bax[redaktə | əsas redaktə]