Azad Yaşar

Vikipediya, açıq ensiklopediya
Jump to navigation Jump to search
Azad Yaşar
Azad yashar 4.jpg
Doğum tarixi 10 aprel 1961 (1961-04-10) (57 yaş)
Doğum yeri Bakı
Vətəndaşlıq Flag of Azerbaijan.svg Azərbaycan
Milliyyətiazərbaycanlı
Fəaliyyətişair, tərcüməçi, publisist, memar, xəttat
http://www.azadyashar.com/

Həyatı[redaktə | əsas redaktə]

Azad Yaşar (Fərəcov Azad İlyas oğlu) 10 aprel 1961-ci ildə Bakıda anadan olub. Əli Bayramlı şəhərində böyüyüb, orada orta təhsilini başa vurub. Ali təhsilini Azərbaycan İnşaat Mühəndisləri İnstitutunun Memarlıq fakültəsində alıb. Əli Bayramlı şəhərində baş memar, baş rəssam və zavodda dizayn qrupunun rəhbəri vəzifələrində işləyıb.

1993-2001-ci illərdə Rusiyada fəaliyyət göstərən türk inşaat firmasında memar və müdir yardımçısı vəzifələrində çalışıb. 2002-2004-cü illərdə "Space" telekanalında yayınlanan "Gecə kanalı" proqramının bədii redaktoru, 2004-2016-cı illərdə isə Azərbaycan Respublikası Dövlət Sosial Müdafiə Fondunun (DSMF) mətbu orqanı "PENSİYAÇI" qəzetinin baş redaktoru vəzifəsində çalışmışdır.

1976-cı ildən bədii yaradıcılıqla və tərcümə işi ilə məşğul olur. "Gözlərimin günahı" adlı ilk mətbu şeiri 1980-ci ildə sonralar müasir dövr Azərbaycan demokratik mətbuatının banisi olacaq görkəmli ziyalı Nəcəf Nəcəfovun tövsiyəsi ilə "İnşaatçı" qəzetində çap olunub. Dünya ədəbiyyatını təmsil edən 330-dan çox yazarın ən müxtəlif janrlardakı əsərlərini uğurla dilimizə çevirmişdir. Bunların təxminən yarısı ilə Azərbaycan oxucusu ilk dəfə tanış olub. 2001-ci ildən fəaliyyətə başlayan, ədəbiyyatımızda köklü dəyişikliklərə nail olan və ölkədə kitaba, bədii qiraətə marağın təkrar canlanmasında önəmli rol oynayan Azad Yazarlar Ocağının (AYO) və onun mətbu orqanı "Alatoran" dərgisinin təsisçilərindəndir. 7 dilə (ingilis, rus, türk, ukrayna, gürcü, özbək və qırğız dillərinə) çevrilən şeirləri Moskvada, İstanbulda, Kiyevdə, Tbilisidə və Bişkekdə çıxan aparıcı ədəbi-bədii jurnallarda işıq üzü görmüşdür.

Şeir, esse, müsahibə və tərcümələri bir çox qəzet, jurnal, antologiya və ədəbi saytların oxucularına təqdim edilib.

2014-cü ilin sentyabrında Türkiyənin Tokat şəhərində keçirilən Beynəlxalq Şeir Şölənində Azərbaycanı uğurla təmsil edib.

Əli Bayramlıda (Şirvan) onun layihələri əsasında şəhərin Bakı və Salyan səmtdəki giriş-çıxış meydan-kompleksləri və bir neçə inzibati bina tikilib. 1980-ci illərin sonlarında o, adıçəkilən şəhərdəki 2 məscidin layihəsini hazırlayıb, onların tikintisində yaxından iştirak edib. Bir neçə il memar kimi çalışdığı Əli Bayramlı Xətti-İstismar İdarəsi onun iştirakıyla layihələndirilən ikisəviyyəli yol qovşaqlarının, şəhər və rayonlarda giriş meydanlarının, yolüstü kiçik memarlıq obyektlərinin (dayanacaq, bulaq və sair) tikintisini gerçəkləşdirib.

Dizayn sahəsində də fəaliyyətini davam etdirir. Ötən on ildə imza atdığı bir sıra loqo, loqotip, kitab qrafikası nümunələri və dizayn əsərləri sənətsevərlər tərəfindən maraqla qarşılanıb. Bunlara nümunə kimi Əli Bayramlı şəhərində çıxan "İşıq" qəzetinin, Mədəniyyət Nazirliyinin mətbu orqanı "Kino+" qəzetinin, Azad Yazarlar Ocağının (AYO) və Azərbaycan Respublikası Dövlət Sosial Müdafiə Fondunun (DSMF) loqolarını göstərmək olar. Tələbəlik illərində yaratdığı karikaturalardan bəzilərini "İnşaatçı" qəzetinin səhifələrində dərc etdirib.

Orijinal kalliqrafiya (xəttatlıq) kompozisiyaları ilə Azərbaycanda keçirilən iki böyük sərgiyə qatılıbdır. "Allahu-əkbər" adlı kufi xətli orijinal kompozisiyası uşaqlar üçün "Azərbaycan incəsənəti" ensiklopediyasının (2011) "Xəttatlıq" bölümündə oxuculara təqdim olunub.[1]

Əsərləri[redaktə | əsas redaktə]

1. Hamı və heç kim (şeirlər və rəsmlər). Bakı, "Adiloğlu", 2003, 282 səh.

2. Postmodern rus ədəbiyyatı (tərcümə antologiyası). Bakı, "Adiloğlu", 2006, 144 səh. "Azad Yaşar çeviriləri" dizisindən 1-ci kitab

3. Mövlanə Cəlaləddin Rumi. Məsnəvidən seçmələr. I nəşr. Bakı, "Mütərcim", 2007, 232 səh.

4. Mövlanə Cəlaləddin Rumi. Məsnəvidən seçmələr. II nəşr. Bakı, "Qanun", 2007, 232 səh.

5. Çin mədəniyyəti. Bakı, "CBS Polygraphic Production", 2008, 109 səh.

6. Əhməd Həmdi Paşa. Missioner. Bakı, "Qismət", 2008, 120 səh.

7. YAHU. Sufizm, Dao, Dzen hekayətləri. Bakı, "NURLAR", 2008, 248 səh. "Azad Yaşar çeviriləri" dizisindən 2-ci kitab

8. Mövlanə Cəlaləddin Rumi. Məsnəvidən seçmələr. Genişləndirilmiş və redaktə olunmuş III nəşr. Bakı, "NURLAR", 2010, 272 səh. "Azad Yaşar çeviriləri" dizisindən 3-cü kitab

9. Gi de Mopassan. Seçilmiş əsərlərı ("Əziz dost" romanı, 36 hekayə, ön söz ve izahlar). Bakı, "Şərq-Qərb", 2010, 800 səh.

10. Elias Kanetti. Korlaşma (roman). Bakı, "Alatoran", 2011, 564 səh.

11. Gi de Mopassan. Sevgi dalanları. (18 hekayə, yeni redaktədə). Bakı, "NURLAR", 2012, 152 səh. "Azad Yaşar çeviriləri" dizisindən 4-cü kitab

12. Gi de Mopassan. Bitmiş insanlar. (18 hekayə, yeni redaktədə). Bakı, "NURLAR", 2012, 152 səh. "Azad Yaşar çeviriləri" dizisindən 5-ci kitab

13. Mövlanə Cəlaləddin Rumi. Məsnəvidən seçmələr. Genişləndirilmiş və redaktə olunmuş IV nəşr. Bakı, "NURLAR", 2013, 288 səh. "Azad Yaşar çeviriləri" dizisindən 3-cü kitab

14. Mövlanə Cəlaləddin Rumi. Məsnəvidən seçmələr. Genişləndirilmiş və redaktə olunmuş V nəşr. Bakı, "NURLAR", 2014, 288 səh.

15. Azad Yaşar "Bu da keçər" (İrfan hikmətləri). Bakı, "NURLAR", 2015, 200 səh.

16. Erik-Emmanüel ŞMİTT "Müsyö İbrahim və "Quran" çiçəkləri". Bakı, "NURLAR", 2015, 200 səh. "Azad Yaşar çeviriləri" dizisindən 7-ci kitab

17. Azad Yaşar "KONSEPT" (konseptual şeirlər, esselər və rəsmlər toplusu). Bakı, "NURLAR", 2016, 200 səh.

18. "Samir Kaçayev" (Xalq Bankın "Xalq Əmanəti" layihəsindən Aprel döyüşlərində şəhid düşən gənc heykəltəraş S.Kaçayev haqda kitabın dilimizə tərcüməsi). Bakı, 2016. 200 səh.

19. "Vəli Axundov - 100" yubiley kitabının rusca bölümlərinin dilimizə çevirisi və ümumi redaktəsi. 2015-2016. Xatirələr kitabı 10 il boyu (1959 - 1969) Azərbaycan SSR-in rəhbəri olmuş görkəmli siyasətçiyə və elm xadiminə həsr olunmuşdur.

20. İqor Volnitski "Mənə ölməyi öyrət" romanının dilimizə tərcüməsi. "Parlaq imzalar", Bakı, 2017, 226 səh.

21. YAHU. Sufizm, Dao, Dzen hekayətləri. Bakı, "CBS", 2018, 248 səh. "Azad Yaşar çeviriləri" dizisindən 2-ci kitabın 2-ci nəşri

İstinadlar[redaktə | əsas redaktə]

Xarici keçidlər[redaktə | əsas redaktə]

http://kulis.az/author/78

http://www.azadliq.org/a/2337891.html

http://www.kitabxana.net/files/books/file/1360054526.pdf

http://www.achiqkitab.az/Books/Read/1152/Azad-Yashar-Sheirler

http://www.azerbaijans.com/content_1135_az.html

http://ann.az/az/gi-de-mopassan-sen-teltif-olunmusan-e-kitab#.WCVpJNWLSM8

http://www.qafqazinfo.az/etrafli-axtaris?search_word=azad+ya%C5%9Far

http://eprints.ibu.edu.ba/2001/2/CELALEDD%C4%B0N%20RUM%C4%B0%20EDEB%C4%B0%20M%C4%B0RASININ%20AZERBAYCANDA%20ARA%C5%9ETIRILMASI%20VE%20YAYINI.pdf

http://www.bir6.com/video.php?id=hxU6VLijGhw

http://kultur.az/?cat=21&paged=54

http://kultursehritokat.web.tv/video/azad-yasar__byyj3kbnrdi

http://arxiv.az/az/kulis.az/1190855/Dahilerin+azerbaycanli+oxsharlari

http://artolsun.az/xabarlar/q%C9%99dim-dovr-inc%C9%99s%C9%99n%C9%99ti/

http://www.azerbaycanedebiyati.com/index.php/sayfa/detay/azad_yasar

http://publika.az/news/yazarlar/16563.html