Bəhmən Quliyev
| Bəhman Quliyev | |
|---|---|
| Quliyev Bəhmən Hidayət oğlu | |
| Doğum tarixi | |
| Doğum yeri | Qırıxlı, Xanlar rayonu, Azərbaycan SSR, SSRİ |
| Vətəndaşlığı |
 SSRİ |
| Elmi dərəcəsi | Tibb elmləri doktoru |
| Elmi adı | Professor |
Bəhmən Quliyev (Quliyev Bəhmən Hidayət oğlu; d. 14 fevral 1969. Qırıxlı, Xanlar rayonu, Azərbaycan SSR, SSRİ) — Tibb elmləri doktoru, Professor. İ.İ.Meçnikov adına Şimal‑Qərb Dövlət Tibb Universitetinin urologiya kafedrasının professoru.[1]
Həyatı[redaktə | mənbəni redaktə et]
Quliyev Bəhmən Hidayət oğlu 1969-cu il fevralın 14-də Azərbaycan Respublikasının Göygöl rayonunun Qırıxlı kəndində anadan olub. 1986-cı ildə Cəmşid Naxçıvanski adına hərbi liseyi fərqlənmə ilə bitirib və təhsilini davam etdirmək üçün Leninqrada göndərilib. 1993-cü ildə İ.P.Pavlov adına Sankt-Peterburq Tibb Universitetinin müalicə fakültəsini bitirib. O, 1993-1996-cı illərdə “urologiya” ixtisası üzrə internatura və klinik ordinaturada təhsil alıb. 1996-cı ildən Rusiyanın Şimal-Qərb bölgəsinin ən böyük stasionarlarından biri olan 2 saylı şəhər çoxprofilli xəstəxanasının urologiya şöbəsinin ordinatoru vəzifəsində çalışır. 2010-cu ildə bu şöbənin bazası əsasında Rusiyanın bütün regionlarının, eləcə də MDB ölkələrinin xəstələrinə yüksək ixtisaslı yardım göstərən Elmi-Praktik Urologiya Mərkəzi yaradılıb. B.Quliyev bu elmi-praktik mərkəzin direktor müavinidir. 2003-cü ildə ona tibb elmləri namizədi, 2008-ci ildə tibb elmləri doktoru elmi dərəcəsi verilib. 2006-cı ildə “urologiya” ixtisası üzrə ali ixtisas dərəcəsi alıb. 2010-cu ildən B.Quliyev İ.İ.Meçnikov adına Şimal-Qərb Dövlət Tibb Universitetinin urologiya kafedrasının professorudur.[2][3]
Karyera və Üzvlük[redaktə | mənbəni redaktə et]
- Müqəddəs Fedorovun adı. Sankt-Peterburq Elmi Uroloqlar Cəmiyyətinin həqiqi üzvü
- Rusiya Uroloqlar Assosiasiyasının üzvü
- Rusiya Onkoloqlar Assosiasiyasının üzvü
- Avropa Urologiya Assosiasiyasının üzvü
- Dünya Endourologiya Assosiasiyasının üzvü
- Ümumdünya Urologiya Assosiasiyasının üzvü
- Urologiya bülleteni” jurnalının redaksiya heyətinin üzvü
İstinadlar[redaktə | mənbəni redaktə et]
- ↑ "Quliyev Bəhmən Hidayət oğlu - Urologiya". Mariin.ru (rus). 2024-02-19 tarixində arxivləşdirilib. İstifadə tarixi: 2024-02-19.
- ↑ Bağıyeva, Mətanət. Xaricdə yaşayan azərbaycanlılar. Qısa bioqrafik məlumat kitabçası (PDF) (az.). Bakı: "Papirus NP". 2016. ISBN 978-9952-8299-1-4. 2017-10-21 tarixində arxivləşdirilib (PDF). İstifadə tarixi: 2017-10-21.
- ↑ "Meçnikov adına Şimal-Qərb Tibb Universitetinin Urologiya kafedrasının professoru". Robot-davinci.ru (rus). 2024-02-19 tarixində arxivləşdirilib. İstifadə tarixi: 2024-02-19.