Bəylər Aslanov

Vikipediya, azad ensiklopediya
Jump to navigation Jump to search
Bəylər Aslanov
Bəylər Aslanov.jpg
Doğum tarixi 16 mart 1957 (1957-03-16) (62 yaş)
Doğum yeri Laçın rayonu, Fərəcan kəndi
Vətəndaşlığı azərbaycanlı
Fəaliyyəti siyasətçi

Bəylər Aslanov - Azərbaycanlı alim, geologiya-minerologiya elmləri doktoru.

Həyatı[redaktə | əsas redaktə]

Bəylər Aslanov 16 mart 1957-ci ildə Azərbaycan Respublikası, Laçın rayonu, Fərəcan kənd sovetliyinin Səfian kəndində anadan olmuşdur. 1975-ci ildə Laçın şəhər orta məktəbini qurtararaq həmin ildə M.Əzizbəyov adına Neft və Kimya (hal-hazırda Azərbaycan Dövlət Neft Akademiyası) institutunun geoloji-kəşfiyyat fakültəsinə daxil olmuş, institutu qırmızı dıplomla qurtararaq “Dağ mühəndisi-geofizik” ixtisası almış və həmin institutun aspirantura şöbəsinə qəbul olunmuşdur. 1990-cı ildə “Geofiziki məlumatlara görə Orta Xəzərin dərinlik quruluşu” mövzusunda namizədlik (geologiya-mineralogiya elmləri namizədi), 2010-cu ildə “Azərbaycanın əsas geostruktur elementlərinin tektonikası və onların qravitasiya sahəsində ifadəsi” mövzusunda doktorluq (geologiya-mineralogiya elmləri doktoru) dissertasiyası müdafiə etmişdir. 2007-ci ildə geoloji-geofiziki məlumatların interpretasiyası fənni üzrə ixtisas dosenti elmi adı almışdır.

2003-cü ildən Yeni Azərbaycan Partiyasının üzvüdür. Evlidir, iki övladı var.

Əmək fəaliyyəti[redaktə | əsas redaktə]

1975-1984 – M.Əzizbəyov adına Neft və Kimya institutunun tələbəsi; 1976-1978 – SSRİ Silahlı Qüvvələrində həqiqi

hərbi xidmət; 1978-1982 – Milli Elmlər Akademiyası “Geofizika” Elmi Mərkəzi, texnik; 1982-1983 – Milli Elmlər Akademiyası Geologiya institutu, böyük texnik; 1983-1995 – “Xəzərdənizneftgeofiz-kəşfiyyat” tresti, böyük texnik, geofizik, böyük geofizik; 1995-2004 – “Azərneft-geofizika” tresti (hal-hazırda Kəşfiyyat Geofizikası idarəsi) böyük geofizik, aparıcı geofizik; 2004-2010 – Zəlzələlərin Proqnozu və Öyrənilməsi Elmi-tədqiqat İnstitutu, “Geofiziki tədqiqatlar” laboratoriyasının müdiri, elmi işlər üzrə direktor müavini, paralel olaraq Müdafiə Nazirliyinin Mərkəzi Hərbi Elmi mərkəzində bölmə rəisi (Aspiranturanın direktoru); 04 iyun 2010-cu il tarixdən hal-hazıra qədər Respublika Dövlət Neft Şirkəti, “Neftqazelmitədqiqatlayihə” institutu, “Geoloji-geofiziki məlumatların ümumiləşdirilməsi” laboratoriyasının aparıcı elmi işçisi, sonradan həmin laboratoriyanın müdiri, paralel olaraq Bakı Dövlət Universiteti, “Seysmologiya və Yer təkinin fizikası” kafedrasının dosenti vəzifələrində işləyir.

Elmi fəaliyyəti[redaktə | əsas redaktə]

90-dan çox elmi məqaləsi, o cümlədən iki monoqrafiya, iki dərs vəsaiti, iki patenti var.

Elmi istiqaməti[redaktə | əsas redaktə]

Elmdə müdafiə etdiyi aspektlərdən başqa ilk dəfə isbat etmişdir ki, İran körfəzi nefti ilə Cənubi Xəzər çökəkliyinin nefti arasında tam bağlılıq mövcuddur və Yer qabığının quruluşundan asılı olaraq neftin əsas kütləsi İran körfəzinə “axır”.

Xarici keçidlər[redaktə | əsas redaktə]

  • [www.lacin.info/ziyalilar/alimler/202-aslanov-bjyljr-sgleyman-odlu.html ]