Bakı Özəl Türk Liseyi

Vikipediya, azad ensiklopediya
Jump to navigation Jump to search

Bakı Özəl Türk LiseyiBakıda Azərbaycan-Türkiyə özəl liseyi.

Azərbaycanın XX əsrdə yaşadığı ən ağır, ən çətin dövrlərdən biri idi. Türkiyədən gəlmiş maarifçilər isə o dövrün qalmaqallı və faciəli günlərinin birində bir təklif irəli sürdulər: Bakıda və Sumqayıtda müştərək məktəb açmaq. Elə buna görə də 4 sentyabr 1992-ci il tarixində Azərbaycan Respublikası Xalq Təhsili Nazirliyi ilə niyyət protokolu imzalandı.

Həmin ilin payızına doğru xoşniyyətli insanlar böyük həvəslə Bakıda ayrılmış binanın təmirini və avadanlıqlarla təchizatını başa çatdırdılar. Beləliklə, 6-cı və 8-ci siniflərə 84 şagird qəbul edən lisey tədrisə başladı.

Müharibə faciəsi yaşayan Azərbaycana sevinc gərək idi. 1993-cu ildən başlayan yeni dövr bir-birinin ardınca sevinc gətirməyə başladı və... bu sevinclərə biri də Bakı özəl Türk liseyindən əlavə olundu. Fəaliyyətə başlamasından cəmi iki il keçən liseyin beş şagirdi Bolqarıstanda keçirilən məktəblilərin VIII Beynəlxalq Biologiya Olimpiadasında 2 qızıl, 2 gümüş və 1 bürünc olmaqla ilk beş medalını qazandı. Cari tədris ili etibarı ilə lisey şagirdləri müxtəlif ölkələrdə keçirilən bilik yarışlarında və olimpiadalarda Azərbaycana 13 qızıl, 21 gümüş, 27 bürünc olmaqla cəmi 51 medal qazandırmışlar.

Yetişdirmələrinin sorağı dünyanın 21 ölkəsinin universitetlərindən gələn lisey fəaliyyət göstərdiyi müddət ərzində 647 məzununu müstəqil həyata hazırlayıb təhvil vermişdir.

2014-cü ilin iyun ayında, Azərbaycanda bütün digər türk məktəbləri kimi, Bakı Özəl Türk Liseyi bağlanıb.

Xarici keçidlər[redaktə | əsas redaktə]

Məktəbin illərə görə məzun göstəriciləri

Mənbə[redaktə | əsas redaktə]