Bakcell

Vikipediya, açıq ensiklopediya
Jump to navigation Jump to search
"Bakcell" MMC
"Bakcell Ltd" MMC loqotipi
Tipi: Mobil rabitə operatoru
Şirkətin şüarı: Bax nələr mümkündür
Təsis edilib: 1 mart 1994
Baş qərargah: AZ1010, Bakı ş., Neftçilər pr.153, "Port Baku Cənub Qülləsi"
Yerləşməsi: Bakı
Flag of Azerbaijan.svg Azərbaycan
Hakim simaları: Nikolay Bekers

Baş icraçı direktor

Sahəsi: Mobil rabitə
Veb-saytı: http://www.bakcell.com, http://www.ulduzum.az
Bax nələr mümkündür

Bakcell — GSM standartlı mobil rabitə operatoru, Azərbaycanda ilk mobil rabitə xidmətləri göstərən şirkət.

Şirkət haqqında[redaktə | əsas redaktə]

“Bakcell” şirkəti 1994-cü ildə təsis edilib və Azərbaycanda mobil rabitə xidmətləri göstərən ilk şirkətdir. Abunəçilərinə ən müasir rabitə xidmətləri təqdim etmək üçün hər il öz şəbəkəsinin inkişafına düzgün sərmayə yatırımları sayəsində “Bakcell” şəbəkəsi hazırda əhalinin 99%-ni, ölkə ərazisinin isə 93%-ni (işğal olunmuş ərazilər istisna olmaqla) əhatə edir. İnnovasiyalar sahəsində lider olan “Bakcell” şirkəti öz Sür@ xidməti və yeni əməkdaşlıqlar vasitəsilə Azərbaycan xalqını ən yüksək səviyyəli mobil internet xidmətləri ilə təmin edir. “Bakcell”in 3G texnologiyası əsasında təqdim edilən xidmətləri Azərbaycanın bütün regionlarında mövcud olmaqla əhalinin 93%-ni əhatə edir. Hazırda 5400-dən çox baza stansiyasının fəaliyyətdə olması ilə ən ucqar ərazilərdə də yüksək keyfiyyətli rabitə təmin olunur. 250-yə yaxın pərakəndə satış nöqtəsi və paytaxt və bölgələrdə fəaliyyət göstərən 30 Müştəri Xidməti Mərkəzində “Bakcell” abunəçilərinə ən üstün müştəri xidməti göstərilir. Hazırda “Bakcell”in aktiv abunəçilərinin sayı 3 milyondan çoxdur və onların sayı günbəgün artır.

Abunəçi qrupları[redaktə | əsas redaktə]

“Bakcell” öz müştərilərinə əvvəlcədən ödəmə - prepaid (CIN, Klass) və sonradan ödəmə - postpaid (Business) tipli tariflər təklif edir.

CIN[redaktə | əsas redaktə]

Prepaid qrupundan olan CIN şirkətin ən sadə tarif planıdır. CIN tarifinin abunəçiləri zəng edə, mesaj göndərə, zəng və mesaj qəbul edə bilər, internet, rouminq və şirkətin təklif etdiyi digər xidmətlərdən istifadə edə bilərlər. Hazırda CIN tarif planında müxtəlif maraqları təmin edən tariflər mövcuddur. 

Klass[redaktə | əsas redaktə]

Klass aylıq danışıq, mesajlaşma və mobil internet ehtiyaclarından asılı olaraq müxtəlif qrup abunəçilər üçün nəzərdə tutulmuş tarif planlarından ibarətdir. Burada abunəçi öncədən müvafiq məbləğ (abunə haqqı) ödəməklə danışıq, mesaj, internet paketi ala bilər. Hazırda Klass tarif planında çeşidli tariflər mövcuddur.

Business[redaktə | əsas redaktə]

Bu tarif planı korporativ abunəçilər və həmçinin fiziki şəxslər üçün müxtəlif, aylıq limitsiz və limitli danışıq tarif planları təqdim edir. Bəzi tariflərdə bonus olaraq internet və SMS paketləri də təqdim edilir.

Əhatə dairəsi[redaktə | əsas redaktə]

5300-dən artıq baza stansiyası sayəsində “Bakcell”in 2G şəbəkəsi Azərbaycan ərazisinin 93%-ni (işğal olunmuş ərazilər istisna olmaqla), əhalinin isə 99%-ni keyfiyyətli mobil rabitə ilə təmin edir.

3G texnologiyası əsasında təqdim edilən xidmətlər Azərbaycanın bütün regionlarında mövcud olmaqla əhalinin 93%-ni əhatə edir.

4G (LTE) Bakı və Abşeron yarımadasının əksər hissəsini əhatə edir. Daha geniş əhatə dairəsi yaratmaq üçün təkmilləşmə işləri aparılır.

Bakı Metropoliteni[redaktə | əsas redaktə]

Bakı Metropoliteninin bütün sahələrində xidmət göstərən 127 2G və 3G baza stansiyası sabit siqnal qəbulunu təmin edərək, “Bakcell” abunəçilərinin həm metronun stansiya platformalarında, həm də tunellərində həmişə əlaqədə olmalarına imkan yaradır. “Bakcell” abunəçiləri 2G və 3G şəbəkələrinin əhatə dairəsindən metronun girişlərində, stansiya birləşmələrində və platformalarda faydalana bilirlər. Metropolitenin bütün xətlərində tunellərdə “Bakcell” 2G şəbəkəsinin əhatə dairəsi 90%, 3G şəbəkəsinin əhatə dairəsi isə 80% təşkil edir.

“Bakcell Wi-Fi”[redaktə | əsas redaktə]

“Bakcell Wi-Fi” xidməti abunəçiləri Bakı şəhərinin və Abşeron yarımadasının 200-dən artıq nöqtəsində pulsuz internetlə təchiz edir. Milli Park, H. Əliyev adına Beynəlxalq Hava Limanı, Tibb Universiteti, Qubernator bağı, Elmlər Akademiyası parkı, Fəvvarələr meydanı, Sahil Parkı, Hüseyn Cavid parkı, Rixard Zorge parkı, Malakan bağı, Qış bağı və bir çox digər mədəni-tarixi və istirahət yerlərində quraşdırılmış nöqtələrdə abunəçilər Bakcell şirkətinin yüksəksürətli pulsuz Wi-Fi şəbəkəsindən istifadə edirlər. Əlavə olaraq pulsuz Wi-Fi xidməti bəzi taksi və sərnişindaşıma xidməti təqdim edən şirkətlərin nəqliyyat vasitələrində mövcuddur.

Rouminq[redaktə | əsas redaktə]

“Bakcell”in dünyanın 170-dən çox ölkəsində 425-dən çox operatorla səsli, SMS və internet rouminq üzrə müqaviləsi sayəsində Bakcell abunəçiləri Avropa, Asiya, Şimali və Cənubi Amerika, Avstraliya və Afrikada olarkən sərfəli rouminq xidmətlərindən istifadə edə bilirlər. Azərbaycanda ilk dəfə olaraq, “Bakcell” öz abunəçilərinə rouminqdə zəng və internet paketləri təqdim edir.

“Bakcell” şirkəti Azərbaycana səfər edən qonaqlara 4G LTE rouminq xidmətlərini təklif edən ilk mobil operatordur. Eyni zamanda, “Bakcell” şirkəti ölkədə yeganə mobil operatordur ki, 4G LTE texnologiyasından istifadə edən abunəçilərinə başqa ölkədə səfərdə olarkən yüksək sürətli genişzolaqlı mobil rabitə xidmətindən faydalanmaq imkanı yaradır. Hazırda bir sıra ölkədə 4G/LTE rouminq tərəfdaşlarınının vasitəsi ilə “Bakcell” abunəçiləri xaricdə də yüksək keyfiyyətli mobil rabitədən istifadə edə bilir.

Sür@[redaktə | əsas redaktə]

Sür@ bir Bakcell brendidir. Bakcell bu brend altında Azərbaycanda müasir texnologiyalar üzərindən mobil internet sahəsində sərfəli və çeşidli məhsullar və xidmətlər təklif edir.

Azərbaycanın ilk mobil operatoru Bakcell şirkəti 2011-ci ilin noyabrın 23-də “BakuTel” sərgisində Azərbaycan Respublikasının prezidenti cənab İlham Əliyevin iştirakı ilə öz 3G xidmətlərinin kommersiya istifadəsinə verməklə Sür@ brendinin təqdimatını etdi. Bakcell şirkəti öz Sür@ xidməti vasitəsilə 3G və 4G LTE texnologiyası üzərindən müştərilərinə ən keyfiyyətli əlaqə və görünməmiş təcrübəni təqdim etmək üçün böyük işlər görüb. Bakcell smartfon istifadəçilərinə xüsusi paketlər, həmçinin noutbuk və planşet üçün mobil modemlərin istifadəçiləri üçün çeşidli internet paketləri təklif edir.

Bakcell-in Sür@-i bütün hədləri aşaraq getdiyiniz hər bir yerdə keyfiyyətli İnternet və məlumat ötürmə sahəsində müasir xidmətlər təqdim edir.

Sür@ — gücdür! Sür@ — dinamikadır! Sür@ — enerjidir! Hamı Sür@-li olmağı xoşlayır. Elə bir insan tapılmaz ki, Sür@-i sevməsin.

Bakcell və futbol[redaktə | əsas redaktə]

"Mançester Yunayted" klubu ilə tərəfdaşlıq[redaktə | əsas redaktə]

2012-2018-ci illəri əhatə edən tərəfdaşlıq müqaviləsi çərçivəsində “Bakcell” şirkəti bütün MDB məkanında “Mançester Yunayted”in ilk rəsmi telekommunikasiya və yayım tərəfdaşı olaraq bu komandanın ölkədəki azarkeşlərinə və 3 milyondan artıq “Bakcell” abunəçisinə geniş çeşidli xüsusi və eksklüziv məzmun təqdim edir. “Bakcell” eyni zamanda məşhur olan futbol klubu ilə əməkdaşlıq quran ilk Azərbaycan şirkətidir.

“Bakcell”in rəsmi “Mançester Yunayted” mobil xidmətlər paketinin abunəçiləri klubun ən son xəbərləri, son oyunların video görüntüləri, rinqtonlar, divar kağızları və s. əldə edirlər.

“Bakcell” və “Mançester Yunayted” arasında əməkdaşlığa həsr olunmuş xüsusi WAP portal fəaliyyət göstərir. Həmin portal vasitəsilə abunəçilərə klubla bağlı xəbərlər, videolar, canlı hesab, divar kağızları, rinqtonlar, çağırış siqnalları, tədbirlər haqqında informasiya və s. kimi müxtəlif xidmətlər və məlumatlar təqdim edilir.

Bakcell Mançester Yunayted və AFFA ilə birlikdə Bakıda, Mançester Yunayted Futbol Məktəbini qurub. Məktəbdə istedad və kommersiya qrupları üzrə 100-ə yaxın futbolçu İngiltərədən ezam olunmuş məşqçilər tərəfindən təlim alır.

AFFA ilə tərəfdaşlıq[redaktə | əsas redaktə]

2013-cü ilin dekabrın 17-də Azərbaycan Futbol Federasiyaları Assosiasiyası (AFFA) ilə Azərbaycanın ilk mobil operatoru və aparıcı mobil internet provayderi Bakcell şirkəti arasında 5 illik əməkdaşlıq müqaviləsi imzalanıb. Bu əməkdaşlıq çərçivəsində Bakcell şirkəti futbol üzrə Azərbaycan milli komandasının sponsoru oldu.

Azərbaycanda futbolun inkişafına xüsusi diqqət göstərən Bakcell şirkəti 2012-ci ildə FIFA U-17 Qadınlararası Dünya Çempionatı Azərbaycan 2012 çərçivəsində AFFA ilə əməkdaşlığa başlayıb. Bu uğurlu başlanğıcdan sonra 2013-cü ilin yanvar ayında Bakcell və AFFA keçmiş 8-ci KM stadionunun "Bakcell Arena" adlandırılması və onun daha da modernləşdirilməsi ilə bağlı razılığa gəliblər.

Futbol bir xalq oyunudur, Bakcell isə xalqın mobil operatorudur. Ona görə də Bakcell futbola bu qədər yaxın olmaqdan və Azərbaycan milli futbol komandasına dəstək olmaqdan qürur duyur. Bakcell inanır ki, Azərbaycanda böyük futbol potensialı var və bu potensial ölkə futbolunu irəliyə aparmağa qadirdir.

AFFA ilə əməkdaşlıq Bakcell-in futboldakı hədəflərini daha da böyütdü və bu səbədən Bakcell Azərbaycan futbolunun inkişafına yönəlmiş layihələri dəstəkləməkdə davam edəcək.  AFFA ilə birgə biz futbol meydançaları açmaq və futbolun inkişafına töhfə vermək kimi addımlar atmaqla ölkənin bütün futbolsevərləri üçün hədsiz imkanlar yaradırıq.

"Ulduzum" sadiqlik proqramı[redaktə | əsas redaktə]

“Ulduzum”  proqramı çərçivəsində “Bakcell” bütün abunəçilərinə müxtəlif sahələrdə bir çox imtiyazlar və dəyərli xidmətlər təklif edir. “Ulduzum”a qoşulan hər kəs seçilmiş restoranlarda, dəbdəbəli geyim, aksessuar, ətriyyat, mebel, məişət cihazları və elektrotexnika mağazalarında, sağlamlıq, idman və istirahət mərkəzlərində və bir sıra xidmət məntəqələrində endirimlər əldə edə bilir. 2 milyondan çox abunəçisi olan “Ulduzum” sadiqlik proqramı 2015-ci ildə Yaxın Şərq, Mərkəzi və Cənubi Asiya və Şimali Afrika ölkələrində telekommunikasiya sahəsində “Ən yaxşı istehlakçı xidməti” adına layiq görülüb. Ulduzum tərəfdaşları və endirimlər haqqında daha ətraflı www.ulduzum.az saytından əldə etmək olar.

Korporativ seqment[redaktə | əsas redaktə]

“Bakcell” şirkəti korporativ seqmentdə də uğurla inkişaf edib və hər bir korporativ müştərisinə fərdi yanaşır. Onların telekommunikasiya xidmətlərinə olan ehtiyaclarını təmin etmək üçün “hər şey daxildir” planlarından tutmuş istifadə etdikcə ödəmə əsaslı planlara qədər çeşidli tarif planları təklif edilir. Əlavə olaraq əməkdaşların şirkətdaxili zəngləri üçün pulsuz danışıqlar, həmçinin ən müasir 4G şəbəkə texnologiyası ilə dəstəklənən bütün növ məlumat ötürmə xidmətləri üçün cəlbedici paketlər təklif edilir. Müştərilərlə iş üzrə xüsusi təyin olunmuş menecerlər həftənin 7 günü 24 saat onlara xidmət göstərirlər. Bakcell Azərbaycan üzrə müxtəlif sənaye sahələrində fəaliyyət göstərən 1,800-dən çox biznes müştəriyə xidmət edir.

“Bakcell”in ən böyük korporativ müştəriləri aşağıdakılardır:[redaktə | əsas redaktə]

Biznes qurumları Beynəlxalq şirkətlər Dövlət strukturları
“AccessBank” ASC

“Atəşgah” Sığorta Şirkəti ASC “Avromed Company” MMC

“Azersun Holding”

“Bank of Baku” ASC

“Embawood”  MMC

“Koroğlu” MMC

Taksi 189

“Unibank” ASC

“Veysəloğlu” MMC

Beyker and Hudges

BP Exploration (Caspian Sea)

Halliburton Eurasia

Jumeirah Hotel chain

Panalpina Central Asia

PWC

AFFA

Azərsu ASC

Mərkəzi Bank

Ekologiya və Təbii Sərvətlər Nazirliyi

İqtisadiyyat Nazirliyi

Fövqəladə Hallar Nazirliyi

Xarici İşlər Nazirliyi

Daxili İşlər Nazirliyi

Vergilər Nazirliyi

ARDNŞ

Dövlət Gömrük Komitəsi

YAP

Korporativ sosial məsuliyyət[redaktə | əsas redaktə]

“Bakcell”in Korporativ Sosial Məsuliyyət (KSM) strategiyası iki istiqamətdə fəaliyyət göstərir: xüsusi qayğıya ehtiyacı olan uşaqların cəmiyyətə inteqrasiyası və gənclərin təhsili. 

Şirkətin 2009-cu ildən başlayaraq həyata keçirdiyi “Bakcell Stars” adlı KSM proqramının çox sadə bir məqsədi var: xüsusi qayğıya ehtiyacı olan uşaqlara yardım etmək. Bakcell öz KSM siyasəti ilə ölkənin hər yerində yaşayan fiziki və emosional qüsuru olan uşaqlara və onların ailələrinə ümid bəxş edir.  Bu sahədə şirkətin əsas tərəfdaşları bütün dünyada qayğıya ehtiyacı olan uşaqlara yönəlmiş uğurlu layihələrə imza atan, “Save the Children”, “SOS Uşaq Kəndləri”, “Azərbaycana Birgə Yardım” və “İnkişaf naminə idman” təşkilatlarıdır.

KSM strategiyasının ikinci istiqaməti olan təhsil proqramının məqsədi gəncləri informasiya-kommunikasiya texnologiyaları dünyası ilə daha yaxından tanış etmək, onların bu sahədə bilik və bacarıqlarını artırmaq və ölkənin telekommunikasiya sektorunda uğur qazanmaq potensialı olan gənc kadrları dəstəkləməkdir.

2010-cu ildə "Bakcell" Azeri Business Award tərəfindən "İlin KSM lideri" adına layiq görülüb.

2015-ci ilin sonunda Bakcell şirkətinin həyata keçirdiyi üç layihə Azərbaycanda Amerika Ticarət Palatasının (AmCham Azerbaijan) Korporativ Sosial Məsuliyyət (KSM) sahəsində əldə olunan nailiyyətlərə görə (CSR Excellence Award) Təhsil, Korporativ Filantropiya və Dayanıqlılıq kateqoriyaları üzrə mükafatına layiq görülüb.