Balamet Balametov

Balamet Balametov
Naxçıvan MSSR Nazirlər Sovetinin sədri
1947 – 1950
Əvvəlki	Vəzifə təsis edilib
Sonrakı	Nemət Novruzov
Azərbaycan Kommunist Partiyası Qusar Rayon Komitəsinin birinci katibi
1942 – 1947
Naxçıvan MSSR Xalq Komissarları Sovetinin sədri
1938 – 1942
Əvvəlki	Məmmədxan Məmmədxanov
Sonrakı	İsak Gülməmmədov
Şəxsi məlumatlar
Doğum tarixi	1906
Doğum yeri	Əniq, Hil rayonu, Azərbaycan SSR
Vəfat tarixi	2007
Partiya	Sovet İttifaqı Kommunist Partiyası
Təltifləri

Balamet Yüzəhməd oğlu Balametov (1906, Əniq, Hil rayonu – 2007) — Naxçıvan MSSR Nazirlər Sovetinin sədri, Qusar Rayon Partiya Komitəsinin birinci katibi, Naxçıvan MSSR Xalq Komissarları Sovetinin sədri.

Həyatı

Balamet Balametov 1907-ci ildə Əniq kəndində anadan olmuşdur. Bakıda neft mədənlərində fəhlə olaraq çalışmış, daha sonra Rustov kəndində kitabxanada işləmişdir.

Bakı Ali Partiya Məktəbində və Zaqafqaziya Kommunist Kənf Təsərrüfatı Məktəbində təhsil almışdır. 1949-cu ildə Ümumittifaq Kommunist (bolşevik) Partiyası yanında Ali Partiya məktəbini bitirmişdir.

Siyasi fəaliyyəti

Balamet Balametov Qusar Rayon Zəhmətkeş Deputatları Sovetinin İcraiyyə Komitəsinin sədr müavini olmuşdur.

Təhsilini tamamladıqdan sonra, 1938-ci ildə Naxçıvan Muxtar Sovet Sosialist Respublikası Xalq Komissarları Sovetinin sədri vəzifəsinə təyin olunmuşdur. 1942-ci ildən Qusar Rayon Partiya Komitəsinin 1-ci katibi, 1947-ci ildən Naxçıvan Muxtar Sovet Sosialist Respublikası Nazirlər Sovetinin sədri vəzifəsinə təyin olunmuşdur.

SSRİ Ali Sovetinin III çağırış, Azərbaycan SSR Ali Sovetinin II, Naxçıvan MSSR Ali Sovetinin isə I, II və III çağırışlarının deputatı olmuşdur.

2 dəfə "Lenin" ordeni (biri 25.02.1946) və "Qırmızı əmək bayrağı" ordeni (27.04.1940) ilə təltif olunmuşdur.

Mənbə

• Balametov Balamet Yüzəhməd oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 25.