Belqrad Universitetinin kitabxanası

Vikipediya, azad ensiklopediya
Jump to navigation Jump to search
Belqrad Universitetinin kitabxanası
serb. Универзитетска библиотека Светозар Марковић
Univerzitetska biblioteka, Beograd 10.jpg
Növü: Akademik kitabxana
Yaranma tarixi: 1844
Ünvan: Belqrad
Ölkə: Serbiya
Sayt: unilib.rs

Belqrad Universitetinin kitabxanası (serb. Универзитетска библиотека Светозар Марковић) — Belqrad Universiteti mərkəzi kitabxanası; XIX əsr serb siyasi fəalı Svetozar Markoviçin adını daşıyır. Direktoru Aleksandar Yerkovdur.

Tarixi[redaktə | əsas redaktə]

Kitabxananın zalı

Kitabxananın əsası 1844-cü ildə qoyulmuşdur. Həmin vaxt bu kitabxana Belqrad liseyinə aid idi. Hansı ki, həmin lisey Serbiya Knyazlığının ən böyük təhsil ocağı idi və kitablar ianələr hesabına ölkə daxilindən burada toplanmışdır. Liseyin nizamnaməsinə uyğun olaraq, ilk kitabxanaçı filoloq və tarix müəllimi olan doktor Yanko Şafarik idi. 1850-ci ilə aid məlumata görə bu kitabxanada 927 kitab var idi.

1863-cü ildə lisey Ali Məktəbə çevrilmişdir. Həmin zaman xüsusi təhsil ədəbiyyatı istisna olmaqla, digər bütün kitablar Serbiya Milli Kitabxanasına köçürülmüşdür.

Binası[redaktə | əsas redaktə]

Kitabxananın hazırki binası 1926-cı ildə istifadəyə verilmişdir.

Kitabxana Kral Aleksander Bulvarı üzərində, Hüquq fakültəsinin yaxınlığında, Mülki mühəndislik, Elektrik mühəndisliyi və Memarlıq fakültələrinin qonşuluğunda yerləşir.

Kitabxana fondu[redaktə | əsas redaktə]

1,7 milyonluq kolleksiyası ilə bu kitabxana ölkənin ən böyük universitet kitabxanasıdır. Belqrad Universitetinə aid olmasına baxmayaraq, digər ali təhsil müəssisələri, elmi-tədqiqat institutları və başqa qrupların üzvlüyünə açıqdır.

Kataloq[redaktə | əsas redaktə]

Belqrad Universitetinin kitabxanasında iki kataloq sistemi var. Birincisi kart kataloq sistemi, digəri isə elektron kataloq sistemidir. 1998-ci ildən bu yana kart kataloqu yenilənməsə də, məlumatlar elektron kataloqda yenilənir.

Kart kataloq sistemi[redaktə | əsas redaktə]

Bu kitabxanada kart kataloqu iki əsas istiqamət üzrə qurulmuşdur. Biri müəllif, digəri isə xüsusi kataloqdur.

Elektron kataloq sistemi[redaktə | əsas redaktə]

Kitabxanada elektron kataloq yayınıyla axtarış aparmaq mümkündür. Bu sistem kitabxanadakı kart kataloqları ilə birlikdə 1989-cu ildən bəri istifadə edilməkdədir. Sistem tam avtomatlaşdırılmışdır. İnternet üzərindən hər gün 24 saat mütəmadi olaraq aktivdir. Əsas, aralıq və qabaqcıl olmaqla burada elektron kataloqun üç növü var.

Xarici əlaqələri[redaktə | əsas redaktə]

Kitabxananın universitetlər, institutlar və digər kitabxanalar ilə geniş əməkdaşlıq fəaliyyəti var.

Şəkilləri[redaktə | əsas redaktə]

Xarici keçidlər[redaktə | əsas redaktə]

Vikianbarda Belqrad Universitetinin kitabxanası ilə əlaqəli mediafayllar var.