Boşçalılar

Vikipediya, açıq ensiklopediya
Jump to navigation Jump to search
BOŞÇALILAR

39°48′56″ şm. e. 47°57′34″ ş. u.


Ölkə Azərbaycan Azərbaycan
Rayon İmişli rayonu
Tarixi və coğrafiyası
Mərkəzin hündürlüyü 4 m
Saat qurşağı UTC+04:00
Əhalisi
Əhalisi
  • 1.583 nəf.
Xəritəni göstər/gizlə
Boşçalılar xəritədə
Boşçalılar
Boşçalılar

BoşçalılarAzərbaycan Respublikasının İmişli rayonunun inzibati ərazi vahidində kənd.

Boşçalılar İmişli rayonunda inzibati ərazi vahidi. Mil düzündə yerləşir. Boşçalı toponimi özündə təklə tayfasının boşçalı tirəsinin adını əks etdirir[1].

Tarixi[redaktə | əsas redaktə]

Boşçalı toponimi özündə təklə tayfasının boşçalı tirəsinin adını əks etdirir. Oğuz türk tayfa ittifaqına daxil olan Təklələr əvvəllər Türkiyə ərazisində yaşamış, 1540-cı ildə isə tayfa başçısı Qazı xanın rəhbərliyi ilə Səfəvi hökmdarı I Təhmasibin hakimiyyətini qəbul edərək Mahmudabad ərazisində (indiki Salyan rayonu) məskunlaşmışlar. Onlar sonra Şahsevənlərin tərkibinə daxil olmuşlar. Ağsu, Kürdəmir, Masallı, Cəlilabad və Şamaxı rayonlarında təkləlilərlə bağlı kəndlər mövcuddur. Hal-hazırda Yevlax rayonunda Boşçalı kəndi var. Don Juan İranlı adı ilə tanınmış Oruc bəy Bayat öz əsərlərində qızılbaş tayfaları içərisində boşçalı (bozçalı) tayfasının da adını çəkmişdir[2].

Mədəniyyəti[redaktə | əsas redaktə]

Kənddə 2 klub, kitabxana 3 orta məktəb,1 uşaq bağçası,1 feldşer-mama məntəqəsi fəaliyyət göstərir.

Coğrafiyası və iqlimi[redaktə | əsas redaktə]

Boşçalılar kəndi Araz çayının sol sahilində Mil düzündə, rayon mərkəzindən 29 km cənub-qərbdə yerləşir. Bu kəndin çox gözəl mənzərəsi və bərəkətli torpaqları var. Kənd düzənliklərlə əhatə olunub və tamailə Mil düzündə yerləşir. Ələt-Culfa dəmiryolu xətti kəndin yanından keçir. Kənd Vətəgə dəmiryolu stansiyasına çox yaxındır.

Kənddə yayı quraq keçən mülayim isti, yarımsəhra və quru çöl iqlimi var. Orta temperatur yanvar ayında 5 ˚C, iyul ayında isə 27˚C-dir. İllik yağıntının miqdarı 300 mm-dir.

Əhalisi[redaktə | əsas redaktə]

Kəndin əhalisi 11435

nəfər olmaqla tamamilə azərbaycanlılardan ibarətdir.

İqtisadiyyatı[redaktə | əsas redaktə]

Kənd camaatı əsasən heyvandarlıq və əkinçiliklə məşğul olur. Suvarma əkinçiliyi çox inkişaf edib. Kənd torpaqları suvarma kanalları ilə əhatə olunub. Pambıqçılıq, yem istehsalı və heyvandarlıq əsas təsərrüfat sahələridir. Boşçalılar əhalisi tərəkəmə olduğundan köçəri həyat tərzi sürər, yay aylarını Kiçik Qafqazın alp çəmənliklərində yerləşən yaylaqlarda keçirərdi. Qarabağ müharibəsinə qədərki dövrdə kəndin Laçın rayonu ərazisində geniş yay otlaqları olmuşdur. Bu yaylaqlar əsasən Alagöllər, Pəri çınqılı, Qaragöl, Qaranlıq dərə, Qızılboğaz dağı ətrafında yerləşirdi. Hal-hazırda həmin ərazilər erməni işğalı altında olduğundan istifadə olunmur.

Din[redaktə | əsas redaktə]

Kənddə "İmam Hüseyn" məscidi dini icması fəaliyyət göstərir[3].

İstinadlar[redaktə | əsas redaktə]

  1. ”Azərbaycan toponimlərinin ensiklopedik lüğəti”. İki cilddə. I cild. Bakı, “Şərq-Qərb”, 2007, səh.147
  2. Книга Орудж-бека Байата Дон-Жуана Персидского. Баку - Язычы - 1988 c.21
  3. MÜSƏLMAN DİNİ İCMALAR - 2017-ci ildə qeydiyyatdan keçənlər. scwra.gov.az  (azərb.)