Məzrəli (İmişli)

Məzrəli
39°46′09″ şm. e. 48°01′53″ ş. u.
Ölkə	Azərbaycan
Rayon	İmişli rayonu
Tarixi və coğrafiyası
Saat qurşağı	UTC+04:00
Əhalisi
Əhalisi	4.687 nəfər
Məzrəli

Məzrəli — Azərbaycan Respublikasının İmişli rayonunun inzibati ərazi vahidində kənd.

Tarixi

Məzrəli kəndi İmişli rayonu inzibati yaşayış məntəqələrtindən biridir. Araz çayının sağ sahilində , Mil - Muğan su kanalı boyu, Bakı- Horadiz şosse yolunun kənarında yerləşir. Kəndin tarixi XVIII əsrə aiddir. Məzrəli kəndinin əhalisi Cənubi Azərbaycanın Şahsevən tayfaları və Qarabağın Cavanşir, Kəbirli, Bəcrəvan, Otuziki tayfaları ilə əlaqədardır. Nadir şah Əfşar hakmiyyətə gəldikdən sonra onun hakimiyyətini qəbul etməyən bu tayfalar Xorsana və Əfqanıstana sürgün olundu, lakin bəzi nəsillər Araz boyu meşələrə çəkilərək gizli olaraq məskunlaşdılar. Tədricən bu ərazilərdə adının mənşəyi "Məzrə və ya Mezra " kimi formalaşan və mənası "əkin yeri, düzən yer , mənasını verən Məzrəli adı bu cür formalaşdı. Əhalinin burada kütləvi məskunlaşması SSRİ dövründə baş verdi. Kolxoz quruculuğu və sosializm quruculuğu burada geniş miqyasda aparıldı. "Kalinin" kolxozu kimi tanınan Məzrəli kəndi hal hazırda İmişli rayonunun böyük yaşayış məntəqələrindən biridir.^{[mənbə göstərin]}

I Qarabağ müharibəsi zamanı 14 nəfər Məzrəli kənd sakini Azərbaycanın ərazi bütövlüyü uğrunda gedən döyüşlərdə şəhid oldu. I Qarabağ Müharibəsində şəhid olmuş və itkin düşmüş Məzrəli kəndinin igid oğulları:

1. Əliyev Rafael Balamirzə oğlu
2. Qəmbərov Rəmzi Müvəkkil oğlu
3. Süleymanov Azər Fazil oğlu
4. Fətəliyev Sabir Kamil oğlu
5. Nərimanov Mürşüd Nadir oğlu
6. Nağıyev Nəriman Rüstəm oğlu
7. Sadıqov Yaşar Dövlət oğlu
8. Nəsirov Vasif Famil oğlu
9. Sadıqov Valid İsfəndiyar oğlu
10. Xəlilov Yusif Adna oğlu
11. Bağırov Ramil Ənvər oğlu
12. Qasımov Rasif Musavat oğlu
13. Əsgərov Həbib İzzət oğlu
14. Şirinov Qamət Teyyub oğlu

Qarabağ şəhidlərimizdən Fətəliyev Sabir Kamil oğlu "Azərbaycan bayrağı" ordeni ilə təltif edilmişdir.

Əhalisi

Kənd əhalisinin sayı 4687 nəfərdir. 1400 evdən ibarətdir. R.Əliyev adına Məzrəli kənd tam orta məktəbi

Tarixi haqqında qısa məlumat. 

İmişli rayon Məzrəli kənd tam orta məktəbinin tarixi XX əsrin 30 -cu illərinin sonu 40- cı illərinin əvvəllərinə təsadüf edir. Stalin yenidənqurmaları çərçivəsində  Mədəni quruculuq dövründə bir sıra obyektlərin tikintisi ilə əlaqədar Məzrəli kəndində də  kiçik  məktəb binası tikilib istifadəyə verilmişdir. lakin əhalinin sayı artıqca və kolxoz inkişaf etdikcə daha geniş binaya ehtiyac yarandı və 50 ci illərdə 1 mərtəbəli binada yeni məktəb fəaliyyətə başlayıb. ilk dövrlərdə bu məktəb 7 illik sonra 8 illik və 60-cı illərdə isə 10 illik məktəbə çevrildi.  1970 -ci illərin sonunda yeni daha böyük və müasir məktəb binasının tikintisinə başlanılıb və 1980 -ci ildə istifadəyə verilib. 11 illik ümumi təhsilə keçilmişdir. Məzrəli kənd tam orta məktəbi 800 şagird yerlik idi. 1993-cü ildə Azərbaycan Respublikası məlum Qarabağ münaqişəsi ilə üz üzə qalarkən 200 məcbur köçkün məktəbimizdə məskunlaşmış və məktəbin infrastrukturuna böyük ziyan dəymişdi. 2006 -cı ildə məktəb binasında yaşayan məcburi köçkünlər köçürüldükdən sonra məktəb binası tamamilə istifadəsi yararsız hala düşmüş 2016-cı ildə Azərbaycan Respublikası Prezidenti Cənab İlham Əliyevin sərəncamı ilə Məzrəli kənd tam orta məktəbində əsaslı təmir və yenidənqurma işləri aparılıb və müasir standartlara cavab verən yeni məktəb binası na çevrildi. hal hazırda məktəbimizdə 640 şagird təhsil alır və 40 müəllim 20 texniki işçi çalışır. 2016-cı ilin Müəllimlərin Diaqnostik Qiymətləndirilməsi imtahanlarında müəllim kollektivi yüksək nəticələr əldə etmişdir.

Məktəbimizin ən tanınmış müəllimi və uzun illər direktor işləmiş mərhum Xəlil Mayılov olmuşdur. Məzrəli kənd orta məktəbinin bir sıra  məzunları ölkə miqyasında tanınmış , ölkənin ictimai və mədəni həyatında fəal iştirak etmişlər. Məzunlarımızdan 16 nəfəri Azərbaycanın ərazi bütövlüyü və suverenliyi uğrunda gedən döyüşlərdə şəhid olmuş, Məzrəli kənd tam orta məktəbi ilk şəhidimiz Rafael Balamirzə oğlu Əliyevin adını daşıyır. 2 məzunumuz isə  Azərbaycan Respublikası prezidentinin fərmanı ilə "Azərbaycan bayrağı" ordeni ilə təltif edilib. Məktəbimizin ən tanınmış məzunları sırasında Vüqar Fətəliyev də var. Neft sahəsində çalışan Vüqar Fətəliyev Azərbaycan Milli Elmlər Akademiyasının üzvü, Neft sahəsində elmlər doktoru professordur. İndiyədək məktəbin məzunlarından Azərbaycan Silahlı qüvvələrinin sıralarında 1 polkovnik,  2 polkovnik Leytenant 2 mayor Mən ümumiyyətlə 14 zabit xidmət etmişdir. Məzunlarımızdan 1 nəfəri Hərbi Dəniz qüvvələrinin giziri Türkay Nərimanov ll Qarabağ vətən müharibəsində göstərdiyi igidliyə görə 5 medalla təltif olunub. Mayor Elsevər Hümbətov və Sabir Fətəliyev isə Azərbaycan bayrağı ordeni ilə təltif olunub.

Statistik göstəricilər üzrə Məktəbimiz hər il buraxılış və qəbul imtahanlarında region üzrə yüksək nəticələrə nail olub. 1992-2021-ci illər ərzində Məktəbimizin 356 məzunu Respublikanın müxtəlif Ali Təhsil ocaqlarına daxil olmuşdur.

Asim Nərimanov. İmişli rayon Məzrəli kənd Rafael Əliyev adına tam orta məktəbin Tarix müəllimi