Bodonidae

*Bodonidae*
Bodonidae
Elmi təsnifat
	Domen: Eukariotlar Klad: Discoba Tipüstü: Discicristata Tip: Evqlenozoylar Yarımtip: Glycomonada Sinif: Kinetoplastidlər Yarımsinif: Metakinetoplastina Dəstə: Eubodonida Fəsilə: Bodonidae
Beynəlxalq elmi adı
	Bodonidae;

Bodonidae (lat. Bodonidae) — eukaryota domeninin euglenozoa tipinin kinetoplastea sinfinin parabodonida dəstəsinə aid parazit birhüceyrəli orqanizm fəsiləsi.

Xarakterik əlamətləri

Bədən forması ovalvarı, yumurtaşəkilli, armudşəkilli olmaqla dəyişir. Ölçüləri 1,4–15 mkm arasındadır. Çox vaxt 2 qamçısı olur. Nüvəsi birdir. Kinetoplast ön ucdadır. Çoxalması qeyri-cinsi və cinsi-avtoqamiya və ya qametlərin kopulyasiyası yolu ilə baş verir. Əksər fərdlərdə ağız dəliyi – sitostom var. Qidalanması animaldır. Torpaqların və su hövzələrinin biodinamik proseslərində fəal iştirak edir. Bodonidae fəsiləsinin parazit nümayəndələri təhlükəli heyvan və insan xəstəliklərinin törədiciləridir.^[2]

Növləri

Azərbaycanda aşağıdakı növləri: Bodo caudatus Stein, B. globosus Stein, B.lens Klebs, B. rostratus Klebs – Şirvan çölünün boz, Lənkəran təbii vilayətinin sarı torpaqlarında; B.celer Klebs, B.compressus Lemm., B.edax Klebs, B.uncinatus Klebs, B.mutabilis Klebs, B.saltans Ehrenberg, B.minimus Klebs, Bodo sp. – Lənkəran təbii vilayətinin sarı və Dağlıq Qarabağın şabalıdı torpaqlarında; Pleuromonas jaculans Petry – Lənkəran təbii vilayətinin sarı torpaqlarında; Amphimonas globosa Kent və A.fusiformis Mereschkovsky – Lənkəran təbii vilayətinin sarı torpaqlarında və Dağlıq Qarabağda tapılmışdır.^[3]

Costia necatrix (Heneguy) çəkinin, aynalı karpın, çapağın, xramulanın, qızılablığın qəlsəmələrində və dərisində parazitlik edir. Kür çayı hövzəsində yayılmışdır. Cryptobia branchialis Nie – qızılüzgəcdə, şirbitdə, sufda, xramulada, enlibaşda və b.; C. ninaekohlyakimovi (Yakimov et Schochar) Kür çayı hövzəsində naxada; C. guerneyorum (Minchin) Dəvəçi limanında və Kiçik Qızılağac körfəzində durnabalığında; C. borelli (Laveran et Mesnil) Şabran limanında və Kiçik Qızılağac körfəzində qızılüzgəcdə, lilbalığında, Kür çapağında; C. cyprini Piehn – Dəvəçi limanında, Ağgöl, Sarısu, Nohur göllərində çəkidə, gümüşü dabanbalığında parazitlik edir.

İstinadlar

↑ Cavalier-Smith T. Higher classification and phylogeny of Euglenozoa (ing.). // Eur. J. Protistol. Elsevier, 2016. Vol. 56. P. 250–276. ISSN 0932-4739; 1618-0429; 0932-4739 doi:10.1016/J.EJOP.2016.09.003 PMID:27889663
↑ "Протисты: Руководство по зоологии". — СПБ.: Наука, 2007.- Ч.2–1144 с. ISBN978-5-02-026224-9(Ч.2), ISBN 5-026258-7
↑ Azərbaycanın heyvanlar aləmi. I cild. Bakı, Elm, 2002, 268 s.

Həmçinin bax

[_213cd7ccb90fc673-1] Cavalier-Smith T. Higher classification and phylogeny of Euglenozoa (ing.). // Eur. J. Protistol. Elsevier, 2016. Vol. 56. P. 250–276. ISSN 0932-4739; 1618-0429; 0932-4739 doi:10.1016/J.EJOP.2016.09.003 PMID:27889663

[2] "Протисты: Руководство по зоологии". — СПБ.: Наука, 2007.- Ч.2–1144 с. ISBN978-5-02-026224-9(Ч.2), ISBN 5-026258-7

[3] Azərbaycanın heyvanlar aləmi. I cild. Bakı, Elm, 2002, 268 s.

[1]

[2]

[3]