Bonni Tayler

Vikipediya, azad ensiklopediya
Naviqasiyaya keçin Axtarışa keçin
Bonnie Tyler
Geynor Hopkins
Ümumi məlumatlar
Digər adı Şeren Devis
Doğum adı Gaynor Hopkins
Ləqəbi Bonnie Tyler
Doğum tarixi 8 iyun 1951(1951-06-08)[1] (72 yaş)
Vətəndaşlığı
Musiqiçi məlumatları
Fəaliyyəti Müğənni
Fəaliyyət illəri 1970-indiyə kimi
Janrlar rok, pop musiqisi, kantri, soft-rok[d], pop-rok
Səs tembri kontralto
Albom şirkətləri RCA Records[d], Columbia Records
Official Site
Vikianbarın loqosu Vikianbarda əlaqəli mediafayllar

Bonni Tayler (ing. Bonnie Tyler - 8 iyun 1951[1]) — Uels əsilli müğənni. Əsl adı Geynor Hopkins (Gaynor Hopkins) olan Taylerin yaradıcılığının ən aktiv dövrü XX əsrin 70–80-ci illəri olub.[2]

Bonni Tayler 2013 Avroviziya Mahnı Müsabiqəsində Böyük Britaniyanı "Believe In Me" mahnısı ilə təmsil etmiş və Böyük Britaniyaya 19-cu yeri qazandırmışdır.[3]

Erkən illəri[redaktə | mənbəni redaktə et]

Geynor Hopkins Uelsin Skuene şəhərində 1951-ci il 8 iyun tarixində anadan olub. Atası Qlindur kömür mədənçisi və anası Elsi evdar qadın idi. Hopkins ailəsi dörd qız və iki oğul böyüdüb, onlar dörd otaqlı evdə yaşayırdılar.[4] Onun böyük bacıları gözəl musiqi zövqlərinə malik idilər və onlar Taylerdə Elvis Presli ,The Beatles kimi ifaçılara maraq oyatdılar. Hopkinslər ailəsi çox dindar protestant idilər. Onun ilk ictimai çıxışı uşaq ikən məhz ibadətgahda olub.[5]

O, attestat almadan məktəbi yarımçıq tərk etdi və ərzaq mağazasında işləməyə başladı.[6] 1969-cu ildə yerli musiqi istedadı müsabiqəsində iştirak etdi və ikinci yeri tutaraq gələcəyini müğənni karyerası ilə qurmaq qərarına gəldi.[7]

Yaradıcılığı[redaktə | mənbəni redaktə et]

Bonni Tayler yaradıcılığının tam əvvəlində buraxdığı albomları ona çox da böyük uğurlar gətirməmişdi.[8] O, 80-ci illərdə prodüser Cim Steynman ilə tanışlıqdan sonra uğurla irəliləməyə başladı.

Steynman Taylerdən əvvəlki albomlarından bəzilərini dinləmək üçün ona göndərməsini xahiş etdi. Dinlədikdən sonra Steynman Taylera heyran olmasa da, səsində potensial görürdü və ona görə onu Nyu Yorka dəvət etdi. Burada ona 1983-cü ildə "transatlantik bir nömrəli hit" adlandırılan "Total Eclipse of the Heart" mahnısını hədiyyə etdi. Sinql RIAA tərəfindən platin sertifikatı almış Faster Than the Speed ​​​​ of Night albomuna daxil edilmişdir. Mahnını ifa etdiyinə görə Bonni iki Qremmi nominasiyası aldı - Ən Yaxşı Qadın Pop Vokal PerformansıƏn Yaxşı Qadın Rok Vokal Performansı.

Faster Than the Speed ​​​​ of Night Taylerin Columbia Records altında buraxılmış ilk albomu olub, Böyük Britaniyanın Albomlar Qrafikinə daxil olub, burada bir nömrəyə yüksəlib və 60.000-dən çox nüsxə satdığı üçün BPI tərəfindən Gümüş sertifikatına layiq görülüb. ABŞ-da albom platin oldu və yarım milyondan çox nüsxə satıldı. Cim Steynman Taylerin icraçı prodüseri kimi fəaliyyətini davam etdirdi və 1984-cü ildə "Footloose" ABŞ istehsalı olan film üçün saundtrek olaraq yazdığı "Holding out for a hero" Taylerin yaradıcılığında ona çox böyük şöhrət gətirdi.

1986-cı ildə Tayler yenə da Steynman ilə "Secret Dreams and Forbidden Fire" adlı altıncı studiya albomunu buraxdi. Alboma məşhur "If You Were a Woman (And I Was a Man)" sinqlı daxil idi. Bu albom Bonni Taylerin Amerika çartlarına daxil olan sonuncu albomu oldu.[9] Bundan sonrakı dövrdə onun fəaliyyəti yalnız Avropa səviyyəsində uğurlar qazanırdı.

2012-ci ildə yeni albomu "Rocks and Honey" üzərində çalışmağa başladı. Albom işıq üzü görmədən BBC-yə dinlənilməyə göndərildi. Albomun üçüncü treki "Believe in me" dinlənildikdən sonra Bonni Taylera Birləşmiş Krallığı Avroviziya Mahnı Müsabiqəsində təmsil etmək təklif olundu. Tayler öncə təklifi qəbul etmək istəməsə də, sonradan bunun albomu üçün yaxşı reklam olduğunu düşünüb razılıq verdi və 2013-cü ildə ölkəsini həmin müsabiqədə təmsil etdi. 18 may müsabiqənin final gecəsində Tayler 19-cu yeri tuta bildi. "Rocks and Honey" albomu isə 6 mayda buraxıldı və Britaniya çartlarında 52-ci yeri tutdu.

Şəxsi həyatı[redaktə | mənbəni redaktə et]

1973-cü il iyulun 14-də Tayler cüdo üzrə 1972-ci il olimpiya çempionu Robert Sallivan ilə ailə həyatı qurdu. Cütlüyün övladı yoxdur.[10]

1988-ci ildən bəri Tayler və əri vaxtlarının çoxunu Portuqaliyanın cənubunda Albufeyrada sahib olduqları evdə keçirirlər. Tayler və Sallivan qonorarlarının çoxunu daşınmaz əmlaka yatırırlar. 2005-ci ildə Taylerin evi məşhurların evlərinin yer aldığı Polşa əyləncəli şousunda nümayiş etdirildi.[11]

1999-cu ildə verdiyi müsahibəyə görə, onların PortuqaliyaYeni Zelandiyada əkin sahələri, İngiltərənin cənubu Berkşirdə və Londonda onlarla evlərə sahibdirlər.[12][13]

Albomlar[redaktə | mənbəni redaktə et]

İl Albom
1977 The World Starts Tonight
1978 Natural Force
1979 Diamond Cut
1981 Goodbye To The Island
1983 Faster Than The Speed Of Night
1986 Secret Dreams And Forbidden Fire
1988 Hide Your Heart
1991 Bitterblue
1992 Angel Heart
1993 Silhouette In Red
1995 Free Spirit
1998 All in One Voice
2002 Heart & Soul — 13 Rock Classics / Heartstrings
2004 Simply Believe
2005 Wings
2006 LIVE
2007 From The Heart — Greatest Hits
2011 Best Of 3 CD
2011 Live In Germany 1993 CD, DVD, CD+DVD Deluxe
2012 Live & Lost in France CD+DVD
2013 Rocks and Honey

İstinadlar[redaktə | mənbəni redaktə et]

  1. 1 2 Bonnie Tyler // SNAC (ing.). 2010.
  2. "Bonnie Tyler: My family values". The Guardian (ingilis). 2012-11-17. ISSN 0261-3077. 2019-03-20 tarixində arxivləşdirilib. İstifadə tarixi: 2023-10-22.
  3. "Bonnie Tyler to represent United Kingdom". eurovision.tv (ingilis). 2013-03-07. 2018-06-12 tarixində arxivləşdirilib. İstifadə tarixi: 2023-10-22.
  4. "BBC Radio 2 - Ken Bruce, Bonnie Tyler picks her final two songs on Tracks of My Years, Bonnie Tyler - Tracks Of My Years". BBC (ingilis). 2013-09-13. 2018-11-27 tarixində arxivləşdirilib. İstifadə tarixi: 2023-10-23.
  5. "Singing roots to Total Eclipse" (ingilis). 2009-09-23. 2019-03-20 tarixində arxivləşdirilib. İstifadə tarixi: 2023-10-23.
  6. Saner, Emine; @eminesaner. "Bonnie Tyler: 'I'm not part of the 80s, I'm part of now'". The Guardian (ingilis). 2013-05-13. ISSN 0261-3077. 2018-06-12 tarixində arxivləşdirilib. İstifadə tarixi: 2023-10-23.
  7. Tyler, Bonnie. "Bonnie Tyler: 'Forget being a star - do it for the love of it'". The Guardian (ingilis). 2009-05-10. ISSN 0261-3077. 2018-06-12 tarixində arxivləşdirilib. İstifadə tarixi: 2023-10-23.
  8. "Бонни Тайлер: фото, биография, фильмография, новости - Вокруг ТВ". Вокруг ТВ (ingilis). 2023-10-24 tarixində arxivləşdirilib. İstifadə tarixi: 2023-10-23.
  9. "Toledo Blade - Google News Archive Search". news.google.com. İstifadə tarixi: 2023-10-24.
  10. "Bonnie Tyler: My family values". The Guardian (ingilis). 2012-11-17. ISSN 0261-3077. 2019-03-20 tarixində arxivləşdirilib. İstifadə tarixi: 2023-10-24.
  11. "Zacisze Bonnie Tyler - Muzyka - WP.PL". web.archive.org. 2020-03-20. Archived from the original on 2020-03-20. İstifadə tarixi: 2023-10-24.
  12. "HOME TRUTHS BONNIE TYLER. - Free Online Library". www.thefreelibrary.com. 2023-10-20 tarixində arxivləşdirilib. İstifadə tarixi: 2023-10-24.
  13. "Bernard Arcadio avec Sylvain Luc, André Ceccarelli et Philippe Chayeb // Passi // L'tarn-et-Saône // Bonnie Tyler". France Inter (fransız). 2013-05-31. 2022-11-30 tarixində arxivləşdirilib. İstifadə tarixi: 2023-10-24.

Xarici keçidlər[redaktə | mənbəni redaktə et]