Boqdan Boqdanoviç

Vikipediya, açıq ensiklopediya
Jump to navigation Jump to search
Boqdan Boqdanoviç
serb. Богдан Богдановић
Bogdan Bogdanović (cropped).JPG
Boyu 1.97 m
Kütləsi 93 kq
Vətəndaşlığı Flag of Serbia.svg Serbiya
Doğum tarixi 18 avqust 1992(1992-08-18)
Doğum yeri Belqrad, Serbiya
Oyunçu seçimiMBA seçmələri 2014: I tur 27-ci sıra
Commons-logo.svg Vikianbarda əlaqəli mediafayllar

Boqdan Boqdanoviç (18 avqust 1992, Belqrad, Yuqoslaviya İttifaq Respublikası[d]) — hal-hazırda MBA komandalarından Sakramento Kinqzdə oynayan Serb professional basketbolçu. Həmçinin Serbiya milli basketbol komandasında da forma geyinir. Onun boyu 1.97 metrdir. 2014 MBA Seçmələrində 1. tur 27. Sıradan Foniks Sans tərəfindən seçilib. 2016–2017 Avroliqada Fənərbaxça ilə çempionluq sevinci yaşayıb. 2017-ci ilin iyulundan Sakramento Kinqzdə forma geyinməyə başlayıb.

Peşəkar karyerası[redaktə | əsas redaktə]

Partizan Belqrad[redaktə | əsas redaktə]

Boqdanoviç ilk peşəkar müqaviləsini 18 yaşında – 2010-cu ilin sentyabrında Serb komandası Partizan BK ilə imzalayıb.[1] 2012–2013 sezonu onun komandası ilə keçirdiyi ilk Avroliqa sezonu idi.

2013–2014 sezonundan başlayaraq isə Boqdanoviç komandada liderliyi əlinə almağa başladı. Həmin sezon Avroliqada 23 oyuna 14.8 xal ortalaması ilə oynadı və Avroliqa Yüksələn Ulduz nominasiyasına layiq görüldü. Adriatik liqası finallarında Partizan əzəli rəqibi Srvena Zvezdanı 3-1 məğlub edərək Serb Liqasının çempionu oldu. Boqdanoviç isə final seriyasında hər oyun üçün ortalama 30.8 xalla oynadı və finalların Ən Dəyərli Oyunçusu seçildi.

26 iyun 2014-də keçirilən 2014 MBA seçmələrində Foniks Sans tərəfindən seçildi.

Fənərbaxça Ülkər[redaktə | əsas redaktə]

2014-cü il 11 iyul tarixində Boqdanoviç Türkiyə Basketbol Liqası komandalarından Fənərbaxça Ülkər ilə 4 illik müqavilə imzaladı.

Komandada yeni olmasına baxmayaraq elə ilk sezonunda Boqdanoviçə önəmli bir rol verildi və oyunlara ilk beşdə çıxmağa başladı. 7 May, 2015də Boqdanoviç bir daha Avroliqa Yüksələn Ulduz mükafatını qazandı və tarixdə Nikola Mirotiçdən sonra bunu bacaran ilk oyunçu oldu. Komandası Fənərbaxça isə Avroliqanın ¼ finalında Makkabi Təl-Əvivə 3-0 qalib gələrək tarixində ilk dəfə Avroliqa Dördlü Finalına vəsiqə qazandı, amma yarı finalda Real Madrid ə, üçüncülük oyununda isə ÇSKA Moskvaya məğlub olaraq sezonu dördüncü bitirdi. Boqdanoviç isə Avroliqada sezon boyunca hər oyun üçün 10.6 xal, Türkiyə liqasında isə 11.5 xal ortalamaları ilə oynadı.

MBA[redaktə | əsas redaktə]

26 İyun 2014-cü ildə Boqdanoviç 2014 NBA seçmələrində Foniks Sans tərəfindən 27. Sıradan seçildi. 13 iyun 2017-ci ildə isə o, Sakramento Kinqz ilə müqavilə imzaladı.

Milli komanda karyerası[redaktə | əsas redaktə]

Serbiya milli komandasında da forma geyinən Boqdan Boqdanoviç ilk dəfə 2009-cu ildə gənc milli komanda ilə FİBA U-18 Avropa Basketbol Çempionatında forma geyinib. 2011-ci ildə isə Boqdanoviç FİBA U-19 Avropa Çempionatında milli komandanın heyətində yer aldı və finala qədər yüksəldi, amma onlar finalda Litvaya 85-67 məğlub olaraq gümüş medalın sahibi oldular.

Boqdanoviç Serbiya A milli komandasının formasını isə ilk dəfə Avrobasket 2013-də geyinməyə nail olub. O, bu turniri hər oyun üçün ortalama 26.1 dəqiqə və 9.4 xal statistikaları ilə tamamlayıb. 2014-cü il Basketbol üzrə dünya çempionatında Boqdanoviçin də formasını geyindiyi Serbiya milli komandası ABŞ milli komandasına məğlub olaraq gümüş medal qazanıb. Boqdanoviç isə bu turnirdə hər oyun üçün 12 xal ortalaması ilə yadda qalıb.

Serbiya milli komandası Avrobasket 2015-i 4-cü olaraq bitirərkən, Boqdan Boqdanoviç həmin turnirdə oynadığı doqquz oyuna əsasən hər oyun üçün ortalama 8.9 xal atması ilə yadda qalıb.

İstinadlar[redaktə | əsas redaktə]

  1. ZVANIČNI SAJT. "Bogdan Bogdanović u Partizanu" (serb. ). b92.net (17 sentyabr 2010). 24 may 2019 tarixində arxivləşdirilib.

Xarici keçidlər[redaktə | əsas redaktə]