Bulon-Sür-Mer

Vikipediya, açıq ensiklopediya
Keçid et: naviqasiya, axtar
Bulon-Sür-Mer
Boulogne vue generale phare beffroi mer.jpg
Gerb
Gerb
Xəritə
Xəritə
Məlumatlar
Ölkə Flag of France.svg Fransa
Bölgə O-de-Frans
Ərazi 8.42 km²
Əhali 42,537 nəfər (2013)
Əhali sıxlığı 5,100 nəfər/km²
Telefon kodu +9
Poçt indeksi 62160 /62200
İcra başçısı Friderik Kuvelir
İnternet saytı Bulavayo şəhərinin rəsmi internet saytı

Bulon-Sür-Mer (fr. Boulogne-sur-Mer) – Fransanın şimalında şəhər.[1]

Əhalisi[redaktə | əsas redaktə]

Əhalisi 43,3 min (2010).

Coğrafiyası[redaktə | əsas redaktə]

Pa-de-Kale boğazı sahilində, Lyan çayının mənsəbindədir. Sürətli dəmiryolları vasitəsilə Parislə əlaqəsi var. Fransanın ikinci (Kaledən sonra) sərnişin dəniz portu (ildə təqribən 3 mln. nəfər; Böyük Britaniyanın Duvr və Folkston portlarına müntəzəm reyslər işləyir).[1]

Tarixi[redaktə | əsas redaktə]

Bononiya (Bononia) və Gezoriak (Gesoriacum) kelt məskənlərinin yerində, təqribən e.ə. 1-ci əsrdə meydana gəlmişdir; Qalliyanın şimalında və Britaniyada Roma ağalığının qorunub saxlanılmasında mühüm rolu olmuşdur. Eramızın 5-ci əsrində sakslar tərəfindən işğal edilmişdir. Yeni yüksəliş dövrü 10-cu əsrin əvvəllərindən başlamışdır; Bulon (Bulonne) qraflığının mərkəzi olmuşdur. 1419-cu ildən Burqundiya hersoqlarının mülklərinin tərkibində, 1477-ci ildən isə Fransa kralının hakimiyyəti altında idi.[1]

Memarlığı[redaktə | əsas redaktə]

Memarlıq abidələri: qəsr (13-cü əsr; içərisində 1825-ci ildən rəssamlıq muzeyi fəaliyyət göstərir), meriya binasının yanında gözətçi qülləsi (13-cü əsr; Qədim Roma qalasının yerində tikilmişdir), Müqəddəs Nikolay kilsəsi (1208, fasad və nef 18-ci əsrin 2-ci yarısına aiddir, memar J. Sanye) və Notr-Dam baş kilsəsi (1827–66, bünövrəsi 7-ci əsrdə qoyulmuşdur, orta əsrlərə aid kripta var), Müqəddəs Qan kapellası (1859–60), Ədliyyə sarayı (1852), yaşayış binaları (hotellər: Kruassan, 16-cı əsr; Desandruen, 1777).[1]

Sənayesi[redaktə | əsas redaktə]

Ölkənin əsas balıqçılıq portlarından (ildə 800 min t-dan çox balıq) biridir. Balıqdəniz məhsullarının emalı; balıqbalıq məhsulları ticarəti. Gəmiqayırma; ferromanqan ərintiləri; telefon və ofis avadanlığı; sement istehsalı inkişaf etmişdir.[1]









Qalereya[redaktə | əsas redaktə]


Xarici keçidlər[redaktə | əsas redaktə]





İstinadlar  [redaktə | əsas redaktə]

  1. 1,0 1,1 1,2 1,3 1,4  Bulon-Sür-Mer// Büssel – Çimli-podzol torpaqlar / baş red. M.K. Kərimov. — Azərbaycan Milli Ensiklopediyası. — Bakı: “Azərbaycan Milli Ensiklopediyası” Elmi Mərkəzi, 2014. — 25 cilddə. — V  cild. — Səhifələrin sayı:  592. — Səh.: 72. — 25 000 nüsx. — ISBN 978-9952-441-10-9.