Bulon-sür-Mer

Bulon-sür-Mer
Bulon-sür-Mer
	Boulogne-sur-Mer
Bayraq	Gerb
	50°43′32″ şm. e. 1°36′50″ ş. u.
Ölkə	Fransa;
Tarixi və coğrafiyası
Sahəsi	8,42 km²;
Mərkəzin hündürlüyü	110 m
Saat qurşağı	UTC+01:00; UTC+02:00;
Əhalisi
Əhalisi	40.251 nəf. (1 yanvar 2019);
Rəqəmsal identifikatorlar
Poçt indeksi	62200
	ville-boulogne-sur-mer.fr
	Xəritəni göstər/gizlə Bulon-sür-Mer
	Vikianbarda əlaqəli mediafayllar

Bulon-sür-Mer (fr. Boulogne-sur-Mer) — Fransanın şimalında şəhər.^[4]

Əhalisi[redaktə | mənbəni redaktə et]

Əhalisi 43,3 min (2010) nəfərdir.

Coğrafiyası[redaktə | mənbəni redaktə et]

Pa-de-Kale boğazı sahilində, Lyan çayının mənsəbindədir. Sürətli dəmiryolları vasitəsilə Parislə əlaqəsi var. Fransanın ikinci (Kaledən sonra) sərnişin dəniz portu (ildə təqribən 3 mln. nəfər; Böyük Britaniyanın Duvr və Folkston portlarına müntəzəm reyslər işləyir).^[4]

Tarixi[redaktə | mənbəni redaktə et]

Bononiya (Bononia) və Gezoriak (Gesoriacum) kelt məskənlərinin yerində, təqribən e.ə. 1-ci əsrdə meydana gəlmişdir; Qalliyanın şimalında və Britaniyada Roma ağalığının qorunub saxlanılmasında mühüm rolu olmuşdur. Eramızın 5-ci əsrində sakslar tərəfindən işğal edilmişdir. Yeni yüksəliş dövrü 10-cu əsrin əvvəllərindən başlamışdır; Bulon (Bulonne) qraflığının mərkəzi olmuşdur. 1419-cu ildən Burqundiya hersoqlarının mülklərinin tərkibində, 1477-ci ildən isə Fransa kralının hakimiyyəti altında idi.^[4]

Memarlığı[redaktə | mənbəni redaktə et]

Memarlıq abidələri: qəsr (13-cü əsr; içərisində 1825-ci ildən rəssamlıq muzeyi fəaliyyət göstərir), meriya binasının yanında gözətçi qülləsi (13-cü əsr; Qədim Roma qalasının yerində tikilmişdir), Müqəddəs Nikolay kilsəsi (1208, fasad və nef 18-ci əsrin 2-ci yarısına aiddir, memar J. Sanye) və Notr-Dam baş kilsəsi (1827–66, bünövrəsi 7-ci əsrdə qoyulmuşdur, orta əsrlərə aid kripta var), Müqəddəs Qan kapellası (1859–60), Ədliyyə sarayı (1852), yaşayış binaları (hotellər: Kruassan, 16-cı əsr; Desandruen, 1777).^[4]

Sənayesi[redaktə | mənbəni redaktə et]

Ölkənin əsas balıqçılıq portlarından (ildə 800 min t-dan çox balıq) biridir. Balıq və dəniz məhsullarının emalı; balıq və balıq məhsulları ticarəti. Gəmiqayırma; ferromanqan ərintiləri; telefon və ofis avadanlığı; sement istehsalı inkişaf etmişdir.^[4]