Butan milli muzeyi

Vikipediya, azad ensiklopediya
Jump to navigation Jump to search
Butan milli muzeyi
National Museum of Bhutan 01.jpg Muzeyin girişi (2018)
Əsası qoyulub 1641
Açılış tarixi 1968
Təsisçi Cinqme Dorci Vançuk
Mövzu Butan tarixi və mədəniyyəti
Yerləşir Paro, Butan
Direktor Xenpo Pxuntşok Taşi
Telefon
  • +975 8 271511
  • +975272544
  • +975 8 272543
  • +975 8 272545[1]
İş rejimi
  • Mart–oktyabr — 09:00–17:00
  • Noyabr–fevral — 09:00–16:00[2]
Bilet
  • Yerli — 10 Nu.
  • CARƏA ölkəsi vətəndaşı — 25 Nu.
  • Qeyri-CARƏA ölkəsi vətəndaşı — 150 Nu.
  • Butanlı tələbələr — 5 Nu.
  • Din adamları və 10 yaşdan aşağılar — pulsuz
nationalmuseum.gov.bt
Commons-logo.svg Vikianbarda əlaqəli mediafayllar

Butan milli muzeyi (dz. ལྟ་རྫོང་།, ing. National Museum of Bhutan) — Butan Krallığının qərbində yerləşən Paro dzonqxaqında mədəniyyət muzeyi.

Muzey Butan incəsənətinin ən yaxşı nümunələrini nümayiş etdirmək üçün təsis edilmişdir. Bunlara bürüncdən hazırlanmış heykəllər və rəsm əsərləri də daxildir. Muzeyin ətrafında ekstensiv kolleksiyaları nümayiş etdirmək üçün qalereyalar tikilmişdir.

Hal-hazırda milli muzeydə Butan incəsənətinin 3 mindən çox nümunəsi var. Bu nümunələr Butanın 1,500 illik mədəni irsini əhatə edir.

Tarix və memarlıq[redaktə | əsas redaktə]

Milli muzey 1968-ci ildə Butanın üçüncü kralı Cinqme Dorci Vançukun əmri ilə bərpa edilmiş Ta-dzonq adlı tarixi bir keşikçi qülləsinin binasında təsis edilmişdir. Bu dzonq 1641-ci ildə Rinpunq-dzonq adlı bir buddist monastırının şimal hissəsini müdafiə etmək üçün tikilmişdi.[3] 2014-cü ildə muzeydə yenidən abadlaşdırma işləri başlamışdır.[4] 2018-ci ildə muzeydəki elektrikləşdirmə işləri sona çatmışdır.[5]

Dairə formasında tikilən muzeyin yeddi mərtəbəsi var.

Eksponatlar[redaktə | əsas redaktə]

Muzeydə çoxlu buddist ibadətgahları və iki qurbangah var. Bunlar dindar ziyarətçilər üçün böyük əhəmiyyət daşıyırlar.

Muzeyin birinci mərtəbəsində qədim soyuq silahların, bürüncdən hazırlanmış qabların ekspozisiyası var. Muzeyin ikinci mərtəbəsində bambudan hazırlanmış konteynerlərin və kənd təsərrüfatı alətlərinin ekspozisiyası var. Muzeyin üçüncü mərtəbəsi buddist dini mərasimləri və buddizm tarixi mövzusuna həsr olunmuşdur. Muzeyin dördüncü mərtəbəsində iki dənə ekspozisiya var. Onlardan birincisi Butanda gündəlik həyat barədə etnoqrafik ekspozisiya var. Bu etnoqrafik ekspozisiyada qablar, geyimlər və bəzək əşyaları var. Həmin mərtəbədə yerləşən digər ekspozisiya ölkəni birləşdirən Şabdrunq Nqavanq Namqyala (15941651) həsr olunmuşdur. Muzeyin beşinci mərtəbəsində Butanın qədim tarixinə, kostyumlarına, dini mərasimlərinə, soyuq silahlarına və əlyazmalarına həsr olunmuş ekspozisiya var. Həmin mərtəbədə buddizmdə müqəddəs şəxs hesab edilən Pema Linqpaya həsr olunmuş bir hissə də var. Muzeyin altıncı mərtəbəsi orta əsrlərə (XIXV əsrlər) həsr olunub. Burada buddist dini mərasimlərinə dair əşyalar – txanqkalar, bürüncdən hazırlanmış heykəlciklər, naxışlı əşyalar və ibadətgahlar var. Muzeyin yeddinci mərtəbəsində filateliya şöbəsi, dzonqların şəkilləri, txanqkalardan ibarət qurbangah və Çoqşinq kainat mandalası var.

İstinadlar[redaktə | əsas redaktə]

  1. "General Information". nationalmuseum.gov.bt. İstifadə tarixi: 2 noyabr 2018.
  2. "Visiting Hours". nationalmuseum.gov.bt. İstifadə tarixi: 2 noyabr 2018.
  3. "Ta Dzong (Paro)". bhutan2008.bt. 10 iyun 2012 tarixində orijinalından arxivləşdirilib. İstifadə tarixi: 2 noyabr 2018.
  4. "MUSEUM RENOVATION UNDERWAY!". nationalmuseum.gov.bt. 12 dekabr 2017. 14 yanvar 2018 tarixində orijinalından arxivləşdirilib. İstifadə tarixi: 2 noyabr 2018.
  5. "Re-electrification of Ta Dzong". nationalmuseum.gov.bt. 20 iyul 2018. İstifadə tarixi: 2 noyabr 2018.

Xarici keçidlər[redaktə | əsas redaktə]