Cümə məscidi (Masallı)

Vikipediya, azad ensiklopediya
Naviqasiyaya keçin Axtarışa keçin
Cümə məscidi
Ölkə  Azərbaycan
Şəhər Masallı
Tikilmə tarixi XIX əsr
Vəziyyəti stabil
İstinad nöm.4863
KateqoriyaMəscid
ƏhəmiyyətiYerli əhəmiyyətli

Cümə məscidiAzərbaycanın Masallı rayonunun inzibati mərkəzində, Füzuli küçəsində yerləşən tarixi-memarlıq abidəsi[1].

Tarixi[redaktə | mənbəni redaktə et]

Məscid XIX əsrin əvvəllərində inşa edilmiş, əsas və yardımçı binalardan, həmçinin mədrəsə binasından ibarətdir. Məscidin daxili 354 kv. metr, tutumu 400 nəfərdir. İnşasında qırmızı kərpicdən və yerli meşə materiallarından istifadə edilmişdir. Məscidin orta sütunları çoxillik palıd ağaclarındandır. İçi ağac şəbəkə ilə kişi və qadın ibadət yerlərinə ayrılmışdır. Pəncərələri ağac və rəngli şüşə şəbəkələrdən qurulmuşdur. Məscidin qabaq hissəsinə sütunvarı çıxıntı əlavə edilmişdir. Məscidin qabaq divarları sonradan ağ mərmər üzlüklə örtülmüşdür. Məscidin minarəsi olsa da, Sovet dövründə dağıdılmışdır. Məscid sonuncu dəfə XX əsrin 80-ci illərində restavrasiya olunaraq muzey kimi istifadə edilmişdir.

Hazırda məscid fəaliyyətdədir və tarixi abidə kimi Mədəniyyət və Turizm Nazirliyi tərəfindən qorunur.

İstinadlar[redaktə | mənbəni redaktə et]

  1. "Masallı şəhəri, "Cümə" məscidi — scwra.gov.az saytı". 2017-07-20 tarixində arxivləşdirilib. İstifadə tarixi: 2014-03-12.