Cəfər Hümbətov

Vikipediya, azad ensiklopediya
Jump to navigation Jump to search
London Olimpiya Oyunları 2012

Cəfər Hümbətov (Hümbətov Cəfər İslam oğlu) — Azərbaycan Respublikasının Əməkdar Bədən Tərbiyəsi və İdman Xadimi.

Həyatı[redaktə | əsas redaktə]

Cəfər Hümbətov 1959-cu ildə Naxçıvan şəhərində anadan olub.

1966-1976-cı ildə Naxçıvan şəhər 2 saylı orta məktəbdə ümumi orta təhsil alıb.1976-cı ildə Naxçıvan şəhər İdman Komitəsində məşqçi-müəllim vəzifəsinə işə qəbul olunub.

1977-1979-cu illlərdə hərbi xidmət keçib. 1979-cu ildə Azərbaycan Dövlət Bədən Tərbiyəsi və İdman İnstitutunun qiyabi fakultəsinə daxil olub. 1984-cü ildə həmin institutun tam kursunu bitirib.

1979-cu ildə Naxçıvan MR Dövlət Bədən Tərbiyəsi və İdman Komitəsinin Uşaq-Gənclər İdman məktəbinə məşqçi-müəllim vəzifəsinə işə qəbul olunub. 1980-cı ildən 1982-ci ilədək həmin məktəbdə metodist vəzifəsində çalışıb. 1982-ci ildən 1993-cü ilədək həmin məktəbin direktoru vəzifəsində işləyib.

1993-cü ildə Naxçıvan MR Dövlət Bədən Tərbiyəsi və İdman Komitəsinin sədri vəzifəsinə təyin olunub.1995-ci ildə komitə ləğv olunaraq, Naxçıvan MR Gənclər və İdman Nazirliyi yaradılıb və Cəfər Hümbətov nazir vəzifəsinə təyin olunub. 2000-ci ilədək Naxçıvan MR Gənclər və idman naziri vəzifəsində çalışıb.

2000-ci ildən 2014-cü ilədək Azərbaycan Respublikası Təhsil Nazirliyi «Təhsil» Respublika İdman Mərkəzinin direktoru vəzifəsində işləyib. Həmin ildən Respublika Yüksək İdman Ustalığı Məktəbində direktor vəzifəsində çalışır.

Beijing Olimpic Games

Sərbəst güləş üzrə əməkdar məşqçi. 1989-cu ildən sərbəst güləş üzrə Milli dərəcəli hakimdir.

1990-cı ildə Azərbaycan Respublikasının «İdman əlaçısı» adına layiq görülüb.

Azərbaycan Respublikası Prezidentinin 3 oktyabr 2006-cı il tarixli sərəncamı ilə Cəfər Hümbətova «Azərbaycan Respublikasının Əməkdar Bədən Tərbiyəsi və İdman Xadimi» fəxri adı verilib.

Sərbəst güləş üzrə idman ustalığına namizəddir.

İstinadlar[redaktə | əsas redaktə]