Cəhənnəmağzı mağaraları
| Cəhənnəmağzı mağaraları | |
|---|---|
| Ümumi məlumatlar | |
| Ziyarətçilər üçün əlçatılan | 2001 |
| Yerləşməsi | |
| 41°19′01″ şm. e. 31°26′57″ ş. u. | |
| Ölkə | |
| Rayon | |
| Şəhər | |
|
|
|
 Vikianbarda əlaqəli mediafayllar | |
Cəhənnəmağzı mağaraları (türk. Cehennemağzı Mağaraları) — Türkiyənin şimalında, Zonquldak ilinin Qaradaəniz Ereğli ilçəsində yerləşən, yan-yana düzülmüş üç mağaradan ibarət mağara sistemi.[1] Mağaralardan biri erkən xristianlıqda kilsə kimi istifadə olunmuşdur.
Cəhənnəmağzı mağaraları Ereğli muzeyinə bağlı arxeoloji ərazidir.[2]
Mağaralar[redaktə | mənbəni redaktə et]
İlk mağara iki hissəyə bölünmüşdür. Birinci hissənin döşəməsi orijinal bitkilərdən və həndəsi motivlərdən ibarət mozaika ilə döşənmişdir.Bölmədə sütunlar, kapitellər və yağ lampası üçün nişələr var. İkinci hissənin şərq divarında kiçik bir apsida açılmışdır və onun qarşısında pilləkənlər var. Çox qədim xristian kilsəsi olan bu mağara xristianlığın ilk illərində gizli bir ibadət yeri olaraq istifadə edilmişdir.[2][3]
İkinci mağara yol kənarından təxminən 10–12 metr (33–39 ft) yüksəklikdəki yamacda yerləşir. Bura yerli xalq tərəfindən "Böyük Yusif mağarası" adlanır. Yamacdakı dar bir girişdən başalayn 3 pilləli şaquli bir pilləkənlə çıxılan mağara, dağın içinə doğru 1.5 kilometr (0.93 mil) irəliləyir. Daş hörgü izləri səbəbi ilə insanlar tərəfindən qazıldığı düşünülən bu mağara təxminən 400 kv. metr (4,300 sq ft) ərazini əhatə edir və iki ağır sütunla dəstəklənir.[2][4]
Üçüncü mağara sahəsinə görə ən böyüyüdür. Mağaranın dibi yeraltı sularla örtülmüşdür. Bu süni mağara birinci və ikinci mağaralar üçün su mənbəyi olan su anbarı olaraq istifadə edilmişdir.[2][4]
Mifologiya[redaktə | mənbəni redaktə et]
Yunan mifologiyasına görə, Cəhənnəmağzı mağaraları ilahi qəhrəman Heraklın ölülərin tanrısı və yeraltı dünyanın kralı Aidin iti olan Kerberi qaçırmaq üçün ölülər diyarına endiyi yerdir.[2][3][5] Mağaraların antik dövrün ən əhəmiyyətli iki peyğəmbərlik mərkəzindən biri olduğu bilinir. Bunlardan digəri isə Yunanıstanın Delfi şəhərindədir.[2][5]
Turizm[redaktə | mənbəni redaktə et]
Mağaralar 2001-ci ildə ictimaiyyətə açılmışdır.[5] Həm də dini bir məkanı olan mağara, yerli vaxtla 09–19 saatları arasında ziyarət üçün açıqdır.[6] Mağara bazar ertəsi və həftə sonları bağlıdır.[7] 2016-cı ildə mağaraları ümumilikdə 26 853 turistin ziyarət etdiyi bildirilmişdir.[5] 2018-ci ilin ilk altı ayında mağaralar təxminən 13 000 yerli və xarici ziyarətçini cəlb etmişdir. Son beş ildə isə ziyarətçilərin sayı 140 000 civarında olmuşdur.[3]
İstinadlar[redaktə | mənbəni redaktə et]
- ↑ "Karadeniz Mağaraları-Cehennemağzı Mağarası" (türk). Karadeniz Gezi. 2020-11-20 tarixində arxivləşdirilib. İstifadə tarixi: 2016-05-18.
- ↑ 1 2 3 4 5 6 "Cehennemağzı Mağaraları - Zonguldak" (türk). Türkiye Kültür Portalı. 2022-02-19 tarixində arxivləşdirilib. İstifadə tarixi: 6 aprel 2021.
- ↑ 1 2 3 Kabatepe, Sinan. "Herkül'ün üç başlı köpeği yakaladığı mağaraya ziyaretçi akını". Hürriyet (türk). 22 avqust 2018. 2021-07-31 tarixində arxivləşdirilib. İstifadə tarixi: 6 aprel 2021.
- ↑ 1 2 "Cehennemağzı Mağaraları" (türk). Karadeniz Ereğli Belediyesi. 2022-03-03 tarixində arxivləşdirilib. İstifadə tarixi: 7 aprel 2021.
- ↑ 1 2 3 4 "Zonguldak cave made famous in Hercules' myth draws large crowds". Daily Sabah. 25 yanvar 2017. 2021-07-31 tarixində arxivləşdirilib. İstifadə tarixi: 7 aprel 2021.
- ↑ "Herkül'ün mağaraları kapılarını yeniden ziyaretçilere açtı". Hürriyet (türk). 21 iyul 2020. 2021-11-08 tarixində arxivləşdirilib. İstifadə tarixi: 6 aprel 2021.
- ↑ "Cehennemağzı Mağaraları" (türk). Müze. 2021-07-31 tarixində arxivləşdirilib. İstifadə tarixi: 7 aprel 2021.