Cahidə Eke

Vikipediya, azad ensiklopediya
Naviqasiyaya keç Axtarışa keç
Cahidə Eke
Şəxsi məlumatlar
Vətəndaşlığı
Doğum tarixi 25 yanvar 2000(2000-01-25) (24 yaş)
İdman növü Para-cüdo
Ağırlıq dərəcəsi 48 kq
Komandası Karaman GSK
Medallar
9 oktyabr 2024 tarixində yenilənib.

Cahidə Eke (25 yanvar 2000) — +48 kq çəki dərəcəsində mübarizə aparan türkiyəli görmə məhdudiyyətli cüdoçu. O, 2024-cü ildə Fransanın Paris şəhərində keçirilən Yay Paralimpiya Oyunlarında bürünc medal qazanıb.[1]

İdman karyerası

[redaktə | mənbəni redaktə et]

Eke para-cüdo ilə məşğul olmağa 15 yaşında ikən, oxuduğu liseyin açılış mərasimində bir cüdo məşqçisi ilə tanış olduqdan sonra başlayıb. İki aylıq məşqdən sonra o, Türkiyə çempionatında iştirak edib və qalib olub.[2] Bundan sonra o, milli komandaya qəbul edilib.

O, Karaman GSK klubunun üzvüdür[3][4] və 48 kq çəki dərəcəsində J2 kateqoriyasında yarışır. Onun beş Türkiyə çempionu titulu var.[2]

Eke 2018-ci ilin aprel ayında Türkiyənin Antalya şəhərində keçirilən IBSA Cüdo üzrə Dünya Kubokunda, sentyabr ayında isə Qazaxıstanın Atırau şəhərində keçirilən IBSA Cüdo üzrə Dünya Kubokunda –48 kq çəki dərəcəsində mübarizə aparıb. O, hər iki turnirdə 5-ci yeri tutub.[5][6] Dekabr ayında Türkiyədəki yerli bir turnirdə görmə məhdudiyyəti olmayan rəqiblərlə qarşılaşan Eke bunu etmiş ilk görmə məhdudiyyətli türk cüdoçu olub.[7][8]

13 may 2019-cu ildə Bakıda keçirilən IBSA Cüdo Qran Prisində –52 kq çəki dərəcəsində mübarizə aparmış və 7-ci yeri tutmuşdur.[9] Həmin ilin sentyabrında Daşkənddə keçirilən IBSA Cüdo Qran Prisində isə o, –52 kq çəki dərəcəsində mübarizə apararaq 5-ci yerin sahibi olub.[10]

2019-cu ilin iyul ayında İtaliyanın Genuya şəhərində keçirilən IBSA Avropa Cüdo Çempionatında –52 kq çəki dərəcəsində yarışmış və beşinci yeri tutmuşdur.[2][11]

2022-ci ildə Eke Bakıda keçirilən IBSA Cüdo üzrə Dünya Çempionatında –48 kq çəki dərəcəsində yarışaraq 5-ci yerin sahibi olub.[12] Növbəti il ​​o, İngiltərənin Birminhem şəhərində keçirilən IBSA Cüdo üzrə Dünya Çempionatında eyni turnirdə yenidən mübarizə aparmış və burada da 5-ci olmuşdur.[13] 2023-cü ildə o, həmçinin Bakıda keçirilən IBSA Cüdo Qran Prisində –48 kq çəki dərəcəsində iştirak edib və 5-ci olub.[14]

2024-cü ilin fevralında Heydelberqdə keçirilən IBSA Cüdo Qran Prisində bürünc medal qazanıb.[2][15] Eke Paralimpiya oyunları üçün Kastamonudakı Olimpiadaya Hazırlıq Mərkəzində məşq edib.[2] O, Parisdə keçirilən 2024 Yay Paralimpiya Oyunlarında mübarizə aparmış və qadınlar arasında 48 kq J2 çəki dərəcəsində bürünc medal qazanmışdır.[16][1]

Şəxsi həyatı

[redaktə | mənbəni redaktə et]

Cahidə Eke 25 yanvar 2000-ci ildə anadan olub.[16] Hal-hazırda Türkiyənin Qaraman şəhərində yaşayır.[8]

O, anadangəlmə albinizm səbəbiylə 90% görmə məhdudiyyəti ilə demək olar ki, görmür.[2]

İstinadlar

[redaktə | mənbəni redaktə et]
  1. ↑ 1 2 Tiryaki, Erkan. "Milli sporcu Cahide Eke'den para judoda bronz madalya". Anadolu agentliyi (türk). 5 sentyabr 2024. 2024-09-05 tarixində arxivləşdirilib. İstifadə tarixi: 6 sentyabr 2024.
  2. ↑ 1 2 3 4 5 6 Kahyaoglu, Bilal. "Görme engelli albino hastası milli judocu Cahide'nin hedefi olimpiyat madalyası". Anadolu agentliyi (türk). 16 mart 2024. 2024-09-07 tarixində arxivləşdirilib. İstifadə tarixi: 2024-09-08.
  3. ↑ "Cahide Eke" (türk). Türkiye Judo Federasyonu. 2024-06-22 tarixində arxivləşdirilib. İstifadə tarixi: 6 sentyabr 2024.
  4. ↑ Bakanlığı, T. C. Gençlik ve Spor. "KARAMAN GENÇLİK VE SPOR İL MÜDÜRLÜĞÜ". karaman.gsb.gov.tr (türk). 2024-10-07 tarixində arxivləşdirilib. İstifadə tarixi: 2024-10-07.
  5. ↑ "IBSA Judo World Cup Atyrau 2018 - Results" (PDF) (ingilis). IBSA. 2018. İstifadə tarixi: 2024-10-07.
  6. ↑ "IBSA Judo World Cup Antalya 2018 - Results" (PDF) (ingilis). IBSA. 2018. 2021-11-02 tarixində arxivləşdirilib (PDF). İstifadə tarixi: 2024-10-07.
  7. ↑ "Blind judo player takes on sighted rivals". Daily Sabah (ingilis). 22 dekabr 2018. 2023-10-02 tarixində arxivləşdirilib. İstifadə tarixi: 2024-09-08.
  8. ↑ 1 2 "Görme Engelli Judocu Cahide Eke'den Bir İlk". Karaman Gündem (türk). 22 dekabr 2018. 2024-09-08 tarixində arxivləşdirilib. İstifadə tarixi: 6 sentyabr 2024.
  9. ↑ "IBSA Judo Grand Prix Baku 2019 - Results" (PDF) (ingilis). IBSA. 2019. İstifadə tarixi: 2024-10-07.
  10. ↑ "IBSA Judo Grand Prix Tashkent 2019 - Results" (PDF) (ingilis). IBSA. 2019. İstifadə tarixi: 2024-10-07.
  11. ↑ "IBSA Judo European Championships - Results" (PDF) (ingilis). IBSA. 2019. 2021-08-29 tarixində arxivləşdirilib (PDF). İstifadə tarixi: 6 sentyabr 2024.
  12. ↑ "IBSA Judo World Championships Baku 2022 - Event Report" (PDF) (ingilis). IBSA. 2022. İstifadə tarixi: 2024-10-07.
  13. ↑ "IBSA World Games and IBSA Judo World Championships - Event Report" (PDF) (ingilis). IBSA. 2023. 2024-03-13 tarixində arxivləşdirilib (PDF). İstifadə tarixi: 2024-10-07.
  14. ↑ "2023 IBSA Judo Grand Prix Baku Event Report" (PDF) (ingilis). IBSA. 2023. 2024-03-30 tarixində arxivləşdirilib (PDF). İstifadə tarixi: 2024-10-07.
  15. ↑ "2024 IBSA Judo Grand Prix Heidelberg Event Report" (PDF) (ingilis). IBSA. 2024. 2024-08-12 tarixində arxivləşdirilib (PDF). İstifadə tarixi: 2024-10-07.
  16. ↑ 1 2 "Eke Cahide". Paris 2024 Paralympics.
Mənbə — "https://az.wikipedia.org/w/index.php?title=Cahidə_Eke&oldid=7805963"