Cerom Selincer

Cerom Selincer
Cerom Selincer
	ing. Jerome David Salinger
Doğum tarixi	1 yanvar 1919
Doğum yeri	Nyu-York, ABŞ
Vəfat tarixi	27 yanvar 2010 (91 yaşında)
Vəfat yeri	Korniş, Nyu-Hempşir, ABŞ
Dəfn yeri	bilinmir;
Vətəndaşlığı	ABŞ
Təhsili	Kolumbiya Universiteti,; Kolumbiya Universiteti Mühəndislik Məktəbi[d];
Fəaliyyəti	Çovdarlıqda uçurumdan qoruyan (roman, 1951), Doqqoz hekayə (1953), Seymur: Giriş (1963)
Fəaliyyət illəri	1940-1965
Əsərlərinin dili	İngilis
İlk əsəri	Gənc adamlar (1940)
Tanınmış əsərləri	Çovdarlıqda uçurumdan qoruyan;
	Vikianbarda əlaqəli mediafayllar

Cerom Devid Selincer (ing. Jerome David Salinger; 1 yanvar 1919^[1]^[2]^[…], Nyu-York – 27 yanvar 2010^[3]^[2]^[…], Korniş^[d], Nyu-Hempşir) — Amerika yazıçısı.

Yazıçının ilk qələm əsəri "Gənc adamlar" hekayəsi 1940-cı ildə işıq üzü görüb. 1941–48-ci illərdə "Colliers", "Esquire" və "Cosmopolitan" kimi dəbli jurnallarda iyirmi hekayə yayımlayıb. Selincerə dünya şöhrətini 1951-ci ildə yazdığı yeganə romanı "Çovdarlıqda uçurumdan qoruyan" gətirmişdi. Əsər dünyada qısa müddətdə 60 milyon nüsxə ilə satılmışdı.

Selincer Dzen-Buddizm məktəbindən təsirlənmiş və bunu əsərlərinə yansıtmışdır.

1963-cü ildən heç bir yeni kitabı çıxmamış və yazıçı qapalı həyat tərzi keçirməyə başlamışdır.

1951-ci ildə yazdığı "Çovdarlıqda uçurumdan qoruyan" romanı isə əməlli-başlı səs-küyə səbəb olmuşdu. Burada baş qəhrəman olan Holden Kolfildin necə uşaqlıq, gənclik illüziyalarından böyüməsi əsrarəngiz və ən əsası bənzərsiz təsvir olunub. Xüsusən o dövrün gənc oxuyucularını təsirləndirən bu roman Selincerə məşhurluq qazandırır. Dünyanın müxtəlif ölkələrində ümumilikdə 60 milyon nüsxə ilə satılmış bu roman Devidin yazdığı yeganə romandır.

Həyatı

Atası Solomon Selincer yəhudi əsilli Litvalıdır. O, gündəlik topdan satış pendir alveri ilə məşğul olurdu. Anası Meri Cillik yəhudi dinini qəbul etmiş şotland-irlandıyalıdır. Ceromun yeganə bacısı Dorris isə ondan səkkiz yaş böyük idi.

1942-ci ildə Cerom hərbi xidmətə çağırılmış, daha rabitə qoşununda zabit-serjant məktəbini bitirmişdi. Hətta bəzi əsirlərlə bağlı əməliyyatlarda da iştrak etmişdi.

Yaradıcılığı

1940-cı illərin sonunda dzen- buddizmi araşdırmağa başlamışdı.

Romanı çap edilməmişdən qabaq Ceromun artıq iyirmi altı əsəri, yeddi novellası işıq üzü görmüşdü. Daha sonralar yazdığı iki novellanı birləşdirərək 1953-cü ildə " Doqquz novella " kitabını çıxarmışdı.

60-cı illərdə dərc olunan "Freeni və Zui" novellası və "Raise High the Roof Beam, Carpenters" povesti Devidə ədəbiyyat yolunda yenilik gətirir. O, əsərdə yaratdığı intellektual, zərif, incə Qlass ailəsi obrazını yeni fikirlərinin bələdçisinə çevirir. Bu qəhrəmanları sayəsində Dzen buddizm, iddiasız, mülayim mistisizm, nihilizm və Tolstoy ideyalarını sintez etməyi bacarır. Romanından sonra Devid demək olar müsahibə verməkdəm tamamilə imtina etməyə başladı. 1965-cı ildə isə çap etdirməyi ümumiyyətlə dayandırdı və yalnız özü üçün yazmağı qərara aldı. Bəzi köhnə yazılarına isə qadağa qoydu.

Həyatının son illərində isə öz böyük darvazalı evində qalır və heç kimlə görüşmürdü. Müxtəlif ruhani meditasiyalar, praktikalar edirdi. Buddizm, hinduizm, yoqa, makrobiotika, dianetika ilə maraqlanırdı. Və eləcə də qeyri- ənənəvi tibblə, urinoterapiya ilə, homeopatiya ilə, müəyyən xristian elmləri ilə məşğul olurdu.

Devid Selincer 2010-cu il 27 yanvarda 91 yaşında Nyu-Hempşir ştatında, öz evində vəfat etmişdir.^[4].

İstinadlar

↑ Itaú Cultural. J. D. Salinger (порт.). // Enciclopédia Itaú Cultural. São Paulo: Itaú Cultural. ISBN 978-85-7979-060-7. (İstifadə tarixi: 9 oktyabr 2017).
1 2 J. D. (Jerome David) Salinger (alm.). // Brockhaus Enzyklopädie. F.A. Brockhaus. (İstifadə tarixi: 9 oktyabr 2017).
↑ Charles McGrath. J. D. Salinger, Literary Recluse, Dies at 91 (ing.). // The New York Times. / ed. Joseph Kahn. Manhattan: New York Times Company, A. G. Sulzberger. 29 yanvar 2010. ed. size: 443000 ISSN 0362-4331. (İstifadə tarixi: 13 mart 2021).
↑ "Selincer vəfat edib". 8 may 2021 tarixində arxivləşdirilib. İstifadə tarixi: 9 fevral 2010.

Xarici keçidlər

[_70218dae2000908a-1] Itaú Cultural. J. D. Salinger (порт.). // Enciclopédia Itaú Cultural. São Paulo: Itaú Cultural. ISBN 978-85-7979-060-7. (İstifadə tarixi: 9 oktyabr 2017).

[_37bfe8c21221d210-2] 1 2 J. D. (Jerome David) Salinger (alm.). // Brockhaus Enzyklopädie. F.A. Brockhaus. (İstifadə tarixi: 9 oktyabr 2017).

[_677377af0a57881a-3] Charles McGrath. J. D. Salinger, Literary Recluse, Dies at 91 (ing.). // The New York Times. / ed. Joseph Kahn. Manhattan: New York Times Company, A. G. Sulzberger. 29 yanvar 2010. ed. size: 443000 ISSN 0362-4331. (İstifadə tarixi: 13 mart 2021).

[4] "Selincer vəfat edib". 8 may 2021 tarixində arxivləşdirilib. İstifadə tarixi: 9 fevral 2010.

[1]

[2]

[3]

[4]