Chengdu FC-1 Xiaolong

Vikipediya, açıq ensiklopediya
Keçid et: naviqasiya, axtar
JF-17 Thunder/ FC-1 Xiaolong
Side view of JF-17 taxiing with trucks in background cropped version.jpg
JF-17 Dubay hava şousunda
Tipi qırıcı-çoxməqsədli
Dizayner CAC, PAC, MiQ (məsləhətçi qismində)
İstehsalçı ÇinPakistan
İlk uçuş 25 avqust 2003
İstismara verilib 12 may 2007
Status istismar edilir
Əsas istismarçılar Pakistan Hərbi Hava Qüvvələri
Pakistan, Nigeriya, Birma
İstehsal illəri Çində: 2007-ci il iyun - davam edir

Pakistanda: 2008-ci il yanvar - davam edir

İstehsal sayı Pakistan HHQ: 250 ədəd (planlaşdırılıb)
Proqramın icra dəyəri 500 milyon dollar $
Vahidinin qiyməti Blok 1: 15–20 milyon ABŞ dolları (təxminən)[1]
Blok 2: 20–25 milyon ABŞ dolları [2]
JF-17

JF-17 Thunder və ya FC-1 Xiaolong - yüngül, tək mühərrikli, çoxməqsədli dördüncü nəsil qırıcı-bombardmançı təyyarə. Qırıcı ilk növbədə Pakistan hava qüvvələrinin təlabatını ödəmək üçün Pakistan Hərbi Hava Qüvvələri və Pakistan Aviasiya Kompleksinin (PAC) iştirakı ilə Çin şirkəti olan Çenqdu Aviasiya Sənaye Korporasiyası (CAC- Chengdu Aircraft Industries Corporation) tərəfindən hazırlanmışdır.

Təyyarə proqramı ilk dövrlər Pakistanda "Super 7" adı ilə tanınsa da, sonradan "JF-17 Thunder" adı ilə tanınmağa başlanmışdır. Təyyarənin adındakı "JF" abreviaturasının açılışı "Joint-Fighter" (Vahid Qırıcı), "Thunder" isə "İldırım" mənasını verir.

Çində təyyarə "FC-1 Xiaolong" adı ilə tanınır. "FC" abreviaturasının açılışı "Fighter-China" (Çin Qırıcısı), "Xiaolong" isə "Qəddar Əjdaha" mənasını verir.

Bu hərbi təyyarə ilk dəfə olaraq 2006-cı ildə sınaqdan keçirilmşdir. Azərbaycan Silahlı Qüvvələrinin bu qırıcı təyyarədən artıq sifariş etdiyi barədə mətbuatda məlumat verilib. Hesab edilir ki, JF-17 Thunder təyyarələri MiQ-29 təyyarələri ilə eyni xüsusiyyətlərə malikdir. Təyyarənin yüksək manevrlik qabiliyyəti var.

Təyyarənin 58%-i Pakistanda, 42%-i isə Çində istehsal olunur. 2016-cı il hesablamalarına görə Pakistanın hər il özü üçün 25 ədəd JF-17 istehsal edəcəyi gözlənilir. Hər hansı başqa ölkədən sifariş olacağı halda bu rəqəmin artacağı gözlənilir.

2016-cı ilin dekabr məlumatlarına əsasən Pakistan Aeronautical Complex 70 ədəd JF-17 Blok-1 qırıcısını və 33 ədəd daha müasirləşdirilmiş Blok-2 qırıcısını Pakistan Hərbi Hava Qüvvələrinə təhvil verib.

Taktiki-texniki xüsusiyyətləri (Blok-1)[redaktə | əsas redaktə]

Ümumi xüsusiyyətləri[redaktə | əsas redaktə]

  • Ekipaj: 1 nəfər
  • Uzunluğu: 14.93 m
  • Hündürlüyü: 4.72 m
  • Qanad genişliyi: 9.45 m
  • Qanad sahəsi: 24.4 kv.m.
  • Boş çəki: 6,586 kq
  • Yüklənmiş çəki: 9,100 kq
  • Maksimum qalxma ağırlığı: 12,500 kq
  • G-limit: +8g / -3g
  • Daxili yanacaq çəni: 2,350 kq
  • Güc təminatçısı: 1 ədəd RD-93 Klimov mühərrik

Uçuş keyfiyyətləri[redaktə | əsas redaktə]

  • Maksimum sürət: Mach 1.6 (1960 km/s)
  • Döyüş radiusu: 1,352 km
  • Uçuş tavanı: 16,920 m
  • Çəkmə gücünün çəkiyə nisbəti: 0.95

İstifadə edən ölkələr[redaktə | əsas redaktə]

Pakistan Hərbi Hava Qüvvələri[redaktə | əsas redaktə]

Birma Hərbi Hava Qüvvələri[redaktə | əsas redaktə]

Nigeriya Hərbi Hava Qüvvələri[redaktə | əsas redaktə]

İnsident və qəzalar[redaktə | əsas redaktə]

  • 14 noyabr 2011-ci ildə, bir ədəd JF-17 Thunder Pakistan ərazisində Mullan Mənsur dağlıq ərazisində qəzaya uğrayıb və nəticədə pilot, eskadrilya başçısı Muhammad Hussain həlak olmuşdur.
  • 27 sentyabr 2016-cı ildə, Pakistanın Kəraçi şəhərində yerləşən Masroor avia bazasından havalanan bir ədəd JF-17 Thunder qırıcısı gündəlik təlimlər zamanı Ərəb dənizinə düşmüşdür.

İstinadlar[redaktə | əsas redaktə]

  1. "Chengdu FC-1/JF-17 Thunder". http://www.milavia.net/aircraft/fc-1/fc-1.htm.
  2. «», http://www.dawn.com/2011/05/24/sky-wars-pakistan-india-and-china.html

Həmçinin bax[redaktə | əsas redaktə]