Dünyaların ən yaxşıları

Vikipediya, azad ensiklopediya
Jump to navigation Jump to search
"Dünyaların ən yaxşıları"
Ox Kainatında krossover hadisəsi
Dünyanın ən yaxşıları.jpg
Dünyaların ən yaxşıları təbliğat afişası
Digər adıWorlds Finest
Seriya sayıSupergörl I mövsüm
XVIII seriya
RejissorNik Qomez
SsenaristQreq Berlanti
TelepleyEndryu Kreysberq, Maykl Qrassi
İstehsal kodları4X7618
Orijinal yayım tarixləri3 aprel 2016 (2016-28-03)
Seriya xronologiyası
Supergörl
← Əvvəlki
"Ovçu"
Növbəti →
"Miriada"
Supergörl seriyalarının siyahısı

ÖncəkiHeroes Join Forces
SonrakıInvasion!

Dünyaların ən yaxşıları (ing. Worlds Finest) – Supergörl teleserialının CBS telekanalında yayımlanmış birinci mövsümünün 28 mart 2016-cı ildə efirə verilmiş on səkkizinci seriyası. Seriyanın ssenarisi Endryu Kraysberq və Maykl Qrassi tərəfindən yazılmış, rejissor kürsüsüni isə Nik Qomez tutmuşdur.

Seriyada The CW telekanalında yayımlanan Fleş teleserialının (həmçinin Qreq Berlanti və Endryu Kraysberq tərəfindən yaradılmış və inkişaf etdirilmişdir) əsas personajı iştirak etmiş və beləliklə də, “Dünyaların ən yaxşıları” Ox Kainatı personajının iştirak etdiyi ilk “Supergörl” seriyası, Barri Allen isə serialın The CW telekanalına keçməsindən əvvəl “Supergörl”də rol almış ilk personaj olmuşdur. Seriyanın hadisələri “Fleş” teleserialının II mövsümünün Versus Zoom adlı seriyası ilə əlaqəlidir.

Seriyada Melissa Benoyst daha əvvəl Xor serialında birlikdə rol aldığı Barri Allen rolunun ifaçısı Qrant Qastinlə yenidən birləşmişdir. Seriya, Supermenin Fleş də daxil olmaqla digər DC qəhrəmanları ilə bir komandada birləşdiyi World's Finest Comics seriyasından ilhamlanaraq yaradılmışdır.

Məzmunu[redaktə | əsas redaktə]

Kara özünü Ceymslə necə aparmağı bilmir, Ket ona daha passiv mövqe tutub Ceymsin müstəqil qərar verməsinə imkan yaratmağı məsləhət görür. O, həm də qırmızı kriptonitin təsiri altında etdiklərinə görə şəhər sakinlərinin gözündə günahını necə yumağı bilmir. Heç kimin ona kömək edə bilməyəcəyini anlayan Şivon D.E.O.-nu tərk edir, lakin, qəzəbi onu işdən çıxarılmasına görə qisas almaq üçün yenidən işə gələrək Karanı öldürməyə məcbur edir. Onun buraxdığı səs dalğası Karanı göydələnin pəncərəsindən aşağı atır.

Bu andaca Supergörlün kainatında Fleş peyda olur. Pəncərədən yıxılan qızı görən Barri binanın fasadı ilə qaçaraq onu göyrə tutur və şəhər kənarına qaçırır. Daha sonra onlar hər ikisi bir-birinin güclərinə təəccüblənirlər. Başqa bir dünyaya düşdüyünü anlayan və bu dünyada heç kimin Fleş, Yaşıl Ox, Qara bülbül, Alov fırtınası və ya Zum haqqında heç nə eşitmədiyini başa düşən Barri, kimliyi haqqında sirri Karaya açır.

Kara Barrini Ceyms və Uinn ilə tanış edir. Barri isə öz növbəsində yadplanetlilərin mövcudluğuna və Karanın yadplanetli olmasına təəcüblənir. Şivon xalasını ziyarət edir və onun sözlərindən bəlli olur ki, ailə üzərində banşi lənəti var. Lənətdən xilas olmaq üçün isə nifrət obyektini öldürmək lazımdır, Şivonun nifrət obyekti isə Karadır. Supergörlün həmişə Karanı xilas edəcəyini başa düşən Şivon ilk növbədə qəhrəmanı aradan qaldırmağa qərar verir. Bunun üçün o, Leslini D.E.O. kamerasından azad edir və birlikdə çalışmağı təklif edir.

Leslinin köməkliyi ilə imicini dəyişən Şivon Gümüş banşi ləqəbli cinayətkara çevrilir. Barri elmi bilikləri sayəsində D.E.O.-ya Leslinin yerini müəyyənləşdirməyə kömək edir. Plan qurmaq əvəzinə Kara, Barriyə yerində qərar verməyi təklif edir. Onlar cinayətkarların olduğu anbara gəlir, lakin, heç biri düşmənin öhdəsindən gələ bilmədiyinə görə qaçmalı olurlar. Ceymsin Karanı Barriyə qısqandığını anlayan Ket, qıza bu yolda irəliləməyi məsləhət görür. Lesli və Şivon Keti qaçıraraq qəhrəmanlarla parkda görüş təyin edirlər. Qəhrəmanlar görüş yerinə gəlsələr də, cinayətkarlar yenidən güclü çıxırlar. Barrini zərərsizləşdirən Lesli verolyotu salmağa çalışsa da, Kara uçaraq zərbəni özünə götürür. Bunu görən şəhər sakinləri yenidən superqəhrəmanın tərəfini tutaraq onu əhatə edir və cinayətkarların ona ziyan vurmasına imkan vermirlər.

Yanğınsöndürənlər suvuranlarla Leslini zərərsizləşdirirlər, Şivonun qarşısını isə elektroşokla alırlar. Barrinin köməkliyi ilə şəhər həbsxanasında metainsanları saxlamağa qadir olan kameralar yaradılır. Kara və Barri sağollaşırlar. Barrinin öz dünyasına qayıtması üçün lazım olan sürətə çatmasında Kara köməklik göstərir. Kara Ceymsi evə dəvət edir və onlar öpüşürlər. Lakin, Ceyms və bütün şəhər sakinləri küçəyə çıxaraq zombi kimi naməlum istiqamətə getməyə başlayır. Məlum olur ki, bu Nonun işidir.

İnkişaf[redaktə | əsas redaktə]

2016-cı ilin fevralında Qastinin, Supergörl serialının on səkkizinci seriyasında rol alacağı elan edilir, serialın prodüsserləri isə fanatlar və jurnalistlərə təşəkkür edərək bu krossoverin reallaşmasında göstərdikləri dəstəyə görə təşəkkür bildirirlər.[1] O zaman seriyanın ssenarisi ilə bağlı heç bir məlumat verilməsə də, “Deadline Hollywood”dan Ross A. Linkoln hadisələrin Barrinin dünyalar arasında səyahət etmə bacarığı ilə əlaqəli ola biləcəyini qeyd edərək, Supergörlün OxFleşlə eyni dünyada deyil, multikainata aid dünyalardan birincə yaşamış ola biləcəyini deyir.[2] “Dünya-2-yə xoş gəlmisiniz” seriyasında Benoystun Supergörl obrazında təqdim edilməsi ilə bu ehtimal təsdiqlənir.[3] “Ox”un yaradıcılarından biri olan Mark Quqqenheym Supergörlün yaşadığı dünyanı qeyri-rəsmi şəkildə Dünya-CBS adlandırır.[4]

28 mart 2016-cı ildə CBS telekanalında yayımlanmış “Dünyanın ən yaxşıları” adlı krossover seriyasında Supergörlün alternatic dünyada yaşadığı göstərilir, buraya gələn Fleş, Gümüş BanşiLayvayrla mübarizədə Karaya kömək edir, Kara isə öz növbəsində Fleşin geri qayıtmasına dəstək olur.[5] Seriyanın adı Fleş də daxil olmaqla bir çox DC Comics personajlarını Supermen ətrafında birləşdirən “World's Finest Comics” seriyasının adından götürülmüşdür. Krossover seriyasının hadisələri “Fleş”in ikinci mövsümünün “Zuma qarşı” seriyasındakı iki hadisə arasında baş verir.[6][7][8] Çəkilişləri Vankuverdə baş tutuan “Ox”, “Fleş” və “Sabahın əfsanələri” seriallarından fərqli olaraq “Supergörl” serialının çəkilişi Los-Ancelesdə keçirildiyinə görə, bu krossoverin hazırlanmasına Ox Kainatı krossoverlərinin hazırlanmasına sərf edildiyindən daha çox vaxt və vasitə tələb edilmişdir.[9] Prodüsselər krossoverdə istifadə ediləcək yeganə personajın Fleş olmasına qərar verərək, onun müxtəlif zaman və dünyalara səyahət etmək bacarığının “yeni seriala bir qədər yumor gətirməklə personajlar arasında qığılcım yaradacağına” ümid edirdilər. Berlanti qeyd edir ki, idealda krossoverdə Amellin Yaşıl Oxu və Qastinin Fleşi iştirak etməli olsa da, “məntiq baxımından bu cür krossoverin reallaşdırılması dəhşətli olardı. Biz qarşıya qoyduğumuz hədəfi yüngülləşdirməli idik.”[10] Məsələyə optimist yanaşan Qastin, 2016-cı il krossoverinin növbəti ildə digər Ox Kainatı personajları ilə birlikdə daha bir krossover hadisəsi reallaşdırmağa imkan verəcəyini düşünürdü.[11]

Qəbulu[redaktə | əsas redaktə]

Reytinqlər[redaktə | əsas redaktə]

ABŞ-da seriya 18-49 yaşlılar arasında 1.7/6 faiz nəticə almışdır ki, bu da onun ümumilikdə ev sahiblərindən 1.7 faizinin, televiziya izləyənlərdən isə 6 faizi tərəfindən birbaşa yayım zamanı izlənməsi anlamına gəlir.[12] Seriya 7.17 nəfər tərəfindən izlənmişdir. Çıxış həftəsində “Dünyaların ən yaxşıları” ABŞ-da 9.63 milyon nəfər tərəfindən izlənmişdir.[13]

Tənqidçilərin mövqeyi[redaktə | əsas redaktə]

Krossover seriyası tənqidçilərdən əla şərhlər almışdır. Seriyanı 8.6/10 balla qiymətləndirən IGN-dən Kliff Uitli qeyd edir ki, “Qaranlıq və ovxalanan “Betmen Supermenə qarşı” filmindən sonra “Supergörl”ün “Dünyanın ən yaxşıları” seriyası palitranı təmizəmək üçün ən yaxşı vasitəni təklif etməklə, həm də bu günə kimi çıxarılmış ən yaxşı seriyalardan biri kimi görünür. Adətən gördüyümüz giriş “döyüşü” yerinə Supergörl və Fleş dərhal super-dostlara çevrilirlər ki, bu da çox təravətli təsir bağışlayır. Barrinin Karanın dünyasına ideal uyğunlaşması ilə yanaşı, həm də aktyorlar Qrant Qastin və Melissa Benoyst arasında ideal qığılcım hiss edilir. Şəhərdə Qırmızı K qəzası gözlənilməz hadisə olsa da, ümumilikdə “Dünyanın ən yaxşıları” çox ləzzətlidir.”[14] “TV Fanatic”dən Steysi Qlenzmen isə seriyanı 5.0/5 balla qiymətləndirir.[15]

İstinadlar[redaktə | əsas redaktə]

  1. Prudom, Laura. "'The Flash' and 'Supergirl' to Unite for Crossover Episode on CBS". Variety. February 4, 2016 tarixində arxivləşdirilib. İstifadə tarixi: 6 avqust 2019.
  2. Lincoln, Ross A. (February 3, 2016). "Crossover Confirmed: 'The Flash' To Meet 'Supergirl' In March Episode". Deadline Hollywood. February 4, 2016 tarixində arxivləşdirilib. İstifadə tarixi: 6 avqust 2019.
  3. Couto, Anthony (February 9, 2016). "Surprising DC Superhero Makes Cameo On "The Flash"". Comic Book Resources. February 12, 2016 tarixində arxivləşdirilib. İstifadə tarixi: 6 avqust 2019.
  4. Abrams, Natalie (October 18, 2016). "Arrow boss teases 100th episode, crossover catalyst". Entertainment Weekly. October 21, 2016 tarixində arxivləşdirilib. İstifadə tarixi: 6 avqust 2019.
  5. Goldman, Eric (March 9, 2016). "THE FLASH AND SUPERGIRL CROSSOVER POSTER AND PLOT DESCRIPTION REVEALED". IGN. March 9, 2016 tarixində arxivləşdirilib. İstifadə tarixi: 6 avqust 2019.
  6. "Supergirl-Flash crossover: Everything you need to know, straight from set". Entertainment Weekly. March 18, 2016. March 20, 2016 tarixində arxivləşdirilib. İstifadə tarixi: 6 avqust 2019.
  7. Dominic Patten. "'Supergirl'-'Flash' Crossover: EP Andrew Kreisberg On How It Came Together". Deadline Hollywood. May 20, 2016 tarixində arxivləşdirilib. İstifadə tarixi: 6 avqust 2019.
  8. Holmes, Adam (April 22, 2016). "Why Didn't The Flash Talk About The Supergirl Crossover at All?". Cinema Blend. April 25, 2016 tarixində arxivləşdirilib. İstifadə tarixi: 6 avqust 2019.
  9. Holbrook, Damian (February 3, 2016). "The Flash Heads to Supergirl". TV Insider. February 5, 2016 tarixində arxivləşdirilib. İstifadə tarixi: 6 avqust 2019.
  10. Bucksbaum, Sydney (March 25, 2016). "7 Things to Know About 'Supergirl's' Crossover With 'The Flash'". The Hollywood Reporter. March 28, 2016 tarixində arxivləşdirilib. İstifadə tarixi: 6 avqust 2019.
  11. Abrams, Natalie (March 18, 2016). "On the set: Everything you need to know about the Flash-Supergirl crossover". Entertainment Weekly. March 20, 2016 tarixində arxivləşdirilib. İstifadə tarixi: 6 avqust 2019.
  12. Porter, Rick (March 29, 2016). "Monday final ratings: 'Supergirl', 'Blindspot' and everything else hold". TV by the Numbers. April 2, 2016 tarixində orijinalından arxivləşdirilib. İstifadə tarixi: 28 iyun 2020.
  13. Porter, Rick (April 18, 2016). "Broadcast Live +7 ratings: 'The Big Bang Theory' and 'Empire' lead the week of March 28 – April 3". TV by the Numbers. April 19, 2016 tarixində orijinalından arxivləşdirilib. İstifadə tarixi: 28 iyun 2020.
  14. ""SUPERGIRL: "Worlds Finest" REVIEW"". IGN. March 29, 2016. March 30, 2016 tarixində arxivləşdirilib. İstifadə tarixi: 6 avqust 2019.
  15. ""Supergirl Season 1 Episode 18 Review: Worlds Finest"". TV Fanatic. March 28, 2016. April 1, 2016 tarixində arxivləşdirilib. İstifadə tarixi: 6 avqust 2019.

Xarici keçidlər[redaktə | əsas redaktə]