D.X.Mamsurov adına Respublika Uşaq Kitabxanası
| D.X.Mamsurov adına Respublika Uşaq Kitabxanası | |
|---|---|
 Şimali Osetiya Respublikası D.X.Mamsurov adına Respublika Uşaq Kitabxanasının binası | |
| Ümumi məlumatlar | |
| Ölkə |
 Rusiya  Şimali Osetiya |
| Tipi | uşaq kitabxanası |
| Yaradılıb | 1967 |
| Filiallar | 15 |
| Ünvan | Vladiqafqaz, Lenin küçəsi, 2. |
| Fondu | |
| Fondun həcmi | 197 800[1] |
| Fondun tərkibi | kitablar, jurnallar, qəzetlər, rəsmi nəşrlər, xəritələr və s. |
| Digər məlumatlar | |
| Direktor | Makiyeva, Liana Aleksandrovna |
| İşçi sayı | 43 |
D.X.Mamsurov adına Respublika Uşaq Kitabxanası — Şimali Osetiya Respublikasında dövlət kitabxanası. Kitabxana uşaq ədəbiyyatı, pedaqogika, psixologiya və sosiologiya sahəsində elmi və metodiki mərkəzdir. 1967-ci ildə açılmışdır.
Bina kompleksi Vladiqafqazın mərkəzində, Lenin küçəsi 2 ünvanında yerləşir.
Kitabxana məşhur osetin şairi, nasir və tərcüməçi Daba Xabiyeviç Mamsurovun (1909-1966) adını daşıyır.[2].
Tarixi[redaktə | mənbəni redaktə et]
Kitabxana 1967-ci ilin iyulunda açılmışdır. Kitabxananın ilk direktoru T.A.Tsomaeva olub.
Kitabxana fondu açılan gün 151560 ədəd ədəbiyyat və müxtəlif nəşrlərdən ibarət idi.
1969-cu ildə kitabxanaya Tamayev küçəsi, 32 ünvanında ayrıca bina ayrılmışdır.
1970-ci illərdən başlayaraq kitabxanada kitabxanaçıların yaradıcılıq inkişafı proqramı var və burada tələbələr məzun olduqdan sonra bacarıq və biliklərini artırırlar. Uzun illər kitabxana Krasnodar Dövlət Mədəniyyət İnstitutunun tələbələri üçün təcrübə yeri olmuşdur.
Kitabxananın uğurları dəfələrlə SSRİ Xalq Təsərrüfatı Nailiyyətlər Sərgisində təqdim olunmuşdur.
1985-ci ildə kitabxana üçün Vladiqafqazın tam mərkəzində yeni geniş bina tikildi. Bina kitabxana ilə birlikdə Pionerlər Sarayı və şəhərin 5 nömrəli məktəbi ilə birlikdə uşaq müəssisələri üçün vahid kompleks təşkil edir. Binanın memarı - Anatoli İsaakoviç Btemirov olmuşdur. Kitabxananın indidə yerləşdiyi bu bina olduqca orijinal məkandır və əslində Sovet memarlığının bir abidəsidir. Binanın çoxlu mayilli səthləri, içərisində və xaricində bir çox özünəməxsus kvadrat sütunları var. Binanın divarları kənardan tamamilə parlaq boz plitələrlə örtülmüşdür ki, bu da binanı qonşu binaların fonundan çox fərqləndirir.
1999-cu ildən kitabxanaya Liana Aleksandrovna Makiyeva rəhbərlik edir.
Kitabxana təkcə yazıçıların deyil, həmçinin uşaqlara aid elmi ədəbiyyatdan ibarət çoxlu müxtəlif kitabların geniş siyahısına malikdir. Bəzi nüsxələri isə yalnız orada quraşdırılmış kompüterlərdən istifadə edərək yalnız elektron formada görmək olar. Çünki kitabxana son illər elektron kataloq sisteminin yaradılmasına ciddi fikir verir. Üstəlik kitabxana ümumrusiya kitabxana elektron kataloquna qoşulmuşdur. Bu da uşaq və gənclər üçün lazım olan müasir ədəbiyyatın qısa vaxtda oxuculara çatdırılmasına kömək edir.
Kitabxananın strukturu[redaktə | mənbəni redaktə et]
D.X.Mamsurov adına Respublika Uşaq Kitabxanası"nın strukturuna bir neçə şöbə daxildir. Bu şöbələr kitabxananın yüksək səviyyədə işləməsinə kömək edir. Kitabxana strukturu aşağıdakı bölmələrdən ibarətdir:
- Kitab saxlama şöbəsi
- Komplektləşdirmə və emal şöbəsi
- Biblioqrafiya şöbəsi
- Metodik şöbə
- İncəsənət şöbəsi
- Dövri nəşrlər şöbəsi
- Nadir kitablar şöbəsi
- Təbiət Elmləri Bölümü
- Yerşünaslıq Bölümü
- Xarici Ədəbiyyat Bölməsi
- Məktəbəqədər və ibtidai sinif şagirdlərinə xidmət şöbəsi
- 5-9-cu sinif şagirdləri üçün xidmət şöbəsi (abunə, oxu zalı)
- Uşaq Oxuculara Rəhbərlik Şöbəsi
Nailiyyətləri[redaktə | mənbəni redaktə et]
- Rusiya kitabxanaları arasında keçirilən ekoloji yarışmada 1-ci yer - "Uğurlar - bilik yolu" proqramına görə (müəllif - baş kitabxanaçı E.E.Uvarova)
- 2014-cü ildə kitabxana Mixail Lermontovun anadan olmasının 200 illiyinə həsr olunmuş "Lermontov yerlərinə səyahət" layihəsini yerinə yetirmək üçün Rusiya Federasiyası Prezidentinin qrantını alıb.[3]
Direktorlar[redaktə | mənbəni redaktə et]
- 1967-1999 - T.A.Tsomayeva
- 1999 -cu ildən - L.A.Makieyva
İstinadlar[redaktə | mənbəni redaktə et]
- ↑ "Библиотеки Республики Северная Осетия-Алания". 2016-03-04 tarixində arxivləşdirilib. İstifadə tarixi: 2021-10-14.
- ↑ "Республиканская детская библиотека во Владикавказе". 2015-07-06 tarixində arxivləşdirilib. İstifadə tarixi: 2021-10-14.
- ↑ "Республиканская детская библиотека им. Дабе Мамсурова получила грант президента РФ :: 15-Й РЕГИОН :: Северная Осетия :: Владикавказ". 2015-06-08 tarixində arxivləşdirilib. İstifadə tarixi: 2021-10-14.