DICE Los Angeles
EA Digital Illusions CE AB | |
---|---|
![]() | |
Tipi | diviziya |
Yaranma tarixi | 1995[1] ) |
Təsisçilər | |
Hakim simaları | Fredrik Lövinq — baş menecer |
Sənaye | Video oyun sənayesi |
Məhsulu | |
Ana şirkət |
|
Sayt | dice.se/about/los-angeles/ |
DICE Los Angeles (əvvəllər DreamWorks Interactive L.L.C., EA Los Angeles və Danger Close Games) — ABŞ video oyun istehsalı şirkəti. "DICE Los Angeles" 1995-ci ilin aprel ayında "DreamWorks" və "Microsoft" şirkətləri tərəfindən təsis edilmişdir və 2013-cü ildən bəri "EA DICE" şirkətinin diviziyasıdır. 2000-ci ildə "Electronic Arts" studiyanı satın almış və onun adını "EA Los Angeles", daha sonra isə 2010-cu ildə "Danger Close Games" olaraq dəyişmişdir. 2013-cü ildə studiya baş ofisi İsveçdə yerləşən "EA DICE" şirkətinin bir diviziyası olmuş və "DICE Los Angeles" adını almışdır. Şirkət başlıca olaraq yaratdığı "Medal of Honor" və "Command & Conquer" video oyun seriyalarına görə tanınır.
Mündəricat
Tarix[redaktə | əsas redaktə]
DreamWorks Interactive (1995–2000)[redaktə | əsas redaktə]
"DreamWorks Interactive" şirkətinin təsis ediləcəyi 22 mart 1995-ci ildə açıqlanmışdır.[1] 3 aprel 1995-ci ildə fəaliyyətə başlayan şirkət "DreamWorks" və "Microsoft" şirkətlərinin birgə idarə etdiyi bir müəssisə idi. Studiyaya rejissor Stiven Spilberq rəhbərlik edirdi. Spilberqin dövründə studiya çoxlu lisenziyalı video oyun buraxmışdır. "Los Angeles Times" qəzetinin redaktoru Lezli Helmin dediyinə görə, şirkətin istehsal etdiyi ilk video oyunlar olduqca müvəffəqiyyətsiz idi.[2] Şirkətin ən böyük uğurlarından biri 1997-ci ilin avqust ayında satışa çıxardığı "Goosebumps: Escape from Horrorland" idi. Oyun ümumi olaraq 130 min nüsxə satmışdır.[3]
31 oktyabr 1999-cu ildə studiya PlayStation konsolu üçün birinci şəxs atıcı janrındakı "Medal of Honor" video oyununu satışa çıxarmışdır. "Electronic Arts" tərəfindən nəşr olunan bu oyun şirkətin ən uğurlu video oyun seriyasına çevrilmişdir.[4]
EA Los Angeles (2000–2010)[redaktə | əsas redaktə]
"Medal of Honor" video oyununun əldə etdiyi müvəffəqiyyətdən sonra "Electronic Arts" şirkəti 24 fevral 2000-ci ildə "DreamWorks" və "Microsoft"dan satın almışdır.[5] Şirkətin adı "EA Los Angeles" olaraq dəyişdirilmişdir. Buna əlavə olaraq, şirkət əsasən "Medal of Honor" seriyası üzrə işləyəcəkdi. Onlar həmin il "Medal of Honor: Underground" video oyununu satışa çıxarmışdır.[6] 6 avqust 2003-cü ildə "EA Los Angeles" Bel-Eyrdən Playa-Vistaya köçmüşdür.[7] Həmin ofisdə onlar "EA Pacific" ilə birləşdirilmiş və "Westwood Studios"un bir neçə əməkdaşını işə almışdır. Buna görə də, şirkət "Command & Conquer" seriyası üzrə işləməyə başlamışdır.[8]
Danger Close Games (2010–2013)[redaktə | əsas redaktə]
22 iyul 2010-cu ildə "Electronic Arts" "EA Los Angeles" şirkətinin "Danger Close Games" olaraq rebrendləşdiriləcəyini açıqlamışdır.[9] Şirkət bu dövrdə sadəcə "Medal of Honor" video oyunları üzrə işləmişdir.[10] Onların ilk layihəsi "Medal of Honor" 12 oktyabr 2010-cu ildə Microsoft Windows, PlayStation 3 və Xbox 360 platformaları üçün satışa çıxarılmışdır.[11] Oyunun davamı olan "Medal of Honor: Warfighter" 23 oktyabr 2012-ci ildə satışa çıxarılmışdır.[12]
DICE Los Angeles (2013–)[redaktə | əsas redaktə]
31 yanvar 2013-cü ildə "Electronic Arts" "Medal of Honor" seriyasını "Warfighter" epizodunun müvəffəqiyyətsizliyinə görə ləğv etmişdir. 15 may 2013-cü ildə studiya "EA DICE" şirkətinin bir diviziyası olmuşdur. "DICE Los Angeles" studiyası "Battlefield 4" video oyununun istehsalında "DICE Stockholm" ilə birgə işləmişdir.[13]
Məhsullar[redaktə | əsas redaktə]
Video oyunlar[redaktə | əsas redaktə]
İstinadlar[redaktə | əsas redaktə]
- ↑ 1 2 Fabrikant, Ceraldin (1995). "THE MEDIA BUSINESS; Dreamworks and Microsoft in Multimedia Venture". The New York Times. 23 may 2015 tarixində orijinalından arxivləşdirilib. İstifadə tarixi: 15 avqust 2018.
- ↑ Helm, Lezli (18 avqust 1997). "Have CD-ROMances Run Their Course?". Los Angeles Times. 7 yanvar 2015 tarixində arxivləşdirilib. İstifadə tarixi: 15 avqust 2018.
- ↑ GamerX (3 fevral 1997). "December's 30 best-sellers". CNET Gamecenter. 18 iyul 1997 tarixində orijinalından arxivləşdirilib.
- ↑ "Medal of Honor". Medalofhonor.wikia.com. 30 may 2009 tarixində orijinalından arxivləşdirilib. İstifadə tarixi: 15 avqust 2018.
- ↑ Keri, Tiffani (24 fevral 2000). "EA buys Dreamworks Interactive". ZD Net. 11 sentyabr 2011 tarixində orijinalından arxivləşdirilib. İstifadə tarixi: 15 avqust 2018.
- ↑ Farmer, Melane Avstriya (February 24, 2000). "Electronic Arts to buy DreamWorks, Microsoft venture". CNET. 23 dekabr 2015 tarixində orijinalından arxivləşdirilib. İstifadə tarixi: 15 avqust 2018.
- ↑ "Electronic Arts Preps Massive LA Studio". IGN. 6 avqust 2003. 20 sentyabr 2016 tarixində orijinalından arxivləşdirilib. İstifadə tarixi: 15 avqust 2018. (#text_ignored)
- ↑ Parker, Sem (January 29, 2003). "EA consolidates studios, closes Westwood". GameSpot. 2 mart 2014 tarixində orijinalından arxivləşdirilib. İstifadə tarixi: 15 avqust 2018.
- ↑ Qilbert, Ben (22 avqust 2010). "'Danger Close' studio formed at EA by Medal of Honor team". Engadget.com. 29 yanvar 2016 tarixində orijinalından arxivləşdirilib. İstifadə tarixi: 15 avqust 2018.
- ↑ Qilbert, Ben (23 iyul 2010). "Danger Close: The story behind EA LA's new name". Engadget. 17 avqust 2016 tarixində orijinalından arxivləşdirilib. İstifadə tarixi: 15 avqust 2018.
- ↑ Reyli, Cim (22 iyul 2010). "Medal of Honor Team Forms New Studio". IGN. 2 noyabr 2012 tarixində orijinalından arxivləşdirilib. İstifadə tarixi: 15 avqust 2018.
- ↑ Dayer, Miç (26 oktyabr 2012). "Medal of Honor: Warfighter Review". IGN. 28 noyabr 2012 tarixində orijinalından arxivləşdirilib. İstifadə tarixi: 15 avqust 2018.
- ↑ Hanzqard, Yens; Ledel, Yohann (15 may 2013). "EA Opening New Los Angeles Game Studio". The Wall Street Journal. 18 may 2015 tarixində arxivləşdirilib. İstifadə tarixi: 14 avqust 2018.