Davud Əhmədov

Davud Əhmədov
Doğum tarixi	1941
Doğum yeri	Lənkəran, Lənkəran rayonu, Azərbaycan SSR, SSRİ
Vəfat tarixi	2015
Vəfat yeri	Bakı, Azərbaycan
Dəfn yeri	Bakı
Fəaliyyəti	aktyor

Davud Əhmədov (1941, Lənkəran – 2015, Bakı) — aktyor, diktor, redaktor.

Həyatı

Davud Əhmədov 1941-ci ildə Lənkəranda anadan olub. 1960-cı ildə Teatr İnstitutunun kino və dram aktyorluğu şöbəsinə qəbul olunub. İkinci kursda oxuyarkən Azərbaycan Dövlət Televiziya və Radio Verilişləri Komitəsinin sədri Teymur Elçin tərəfindən səsi bəyənilib, "Ulduz" verilişinin aparıcısı olub. 1963-cü "Romeo-Cülyetta və zülmət" əsərində Pavel, 1980-ci illərin əvvəllərində Süleyman Sani Axundovun "Laçın yuvası"nda Ədil bəy obrazlarını canlandırıb. 1965-ci ildə əsgərliyə gedib, 1967-ci ilin yanvarında televiziyaya işə qayıdıb. Şeirlər yazıb. Vaxtilə səsinə görə onu "Azərbaycanın Levitanı" da adlandırıblar. Televiziyanın fondunda 300-dən çox şeir və əsər səsləndirilməsində onun səsindən istifadə olunub.

24 sentyabr 2015-ci ildə vəfat edib. Bakının Biləcəri qəsəbəsində yerləşən qəbiristanlıqda dəfn olunub.