Devid Andersen

Vikipediya, açıq ensiklopediya
Jump to navigation Jump to search
Devid Andersen
DavidAndersen.jpg
Şəxsi məlumatlar
Tam adı: Devid Emil Andersen
Vətəndaşlığı
Doğum tarixi: 23. 06. 1980
Doğum yeri: Melburn, Avstraliya
Mövqeyi: mərkəz və ağır forvard

Devid Emil Andersen - (ing. David Emil Andersen) 23 iyun 1980-cı ildə Melburnda anadan olmuşdur. Avstraliyanın "Melburn Yunayted" və Avstraliya komandasında çıxış edən peşəkar Avstraliya basketbolçusu. Mərkəz və ağır forvard mövqeyində oynayır. "Virtus" (2001) və "OMİK" Moskva (2006, 2008) komandalarının tərkibində üç qat Avropa çempionatının qalibidir. O, eyni zamanda Danimarka vətəndaşıdır.

Tərcümeyi-halı[redaktə | əsas redaktə]

Devid Andersen Avstraliya idman institutunu bitirmişdir. O, 1998-ci ildə ilk dəfə "Vullonqonq Xoks" klubu ilə müqavilə imzalamış və həmin komandanın tərkibində Avstraliyanın Milli basketbol liqasında bir mövsüm oynamışdır. 1999-cu ildə Andersen Avropaya getmiş və İtaliyanın "Virtus" komandasında çıxış etmişdir.

2001-ci ildə o, "Virtus" komandasının tərkibində ilk dəfə basketbol üzrə Avropa çempionatının qalibi olmuşdur. 2003-2004-cü il mövsümündə "Siena" komandasının tərkibində oynamışdır.

2004-cü ildə Moskvanın "OMİK" komandasının tərkibinə keçmiş, bu komandada oynadığı 4 mövsümdə o, Avropa basketbolunun ən yaxşı mərkəz hücumçusu şöhrətini qazanmışdır. 2005-ci ildə "OMİK" basketbol klubuna Bolonyada Andersenlə birlikdə işləmiş İtaliyalı məşqçi Ettope Messina rəhbərlik etmişdir. Onun rəhbərliyi altında Devid daha 2 dəfə: 2006-cı və 2008-ci illərdə basketbol üzrə Avropa çempionatının qalibi olmuşdur. 2008-ci ildə Devid Andersen "Barselona" basketbol komandasına keçmiş və o, bu komandanın tərkibində çıxış edən ilk Avstraliyalı basketbolçu olmuşdur.

14 iyul 2009-cu ildə "Xyuston Pokets" basketbol klubu Andersen üçün "Atlanta" komandasına 2 mln. dollar ödəmişdir.[1] Klub həmçinin Devid Andersenlə 2 il müddətinə müqavilə imzalamaq üçün "Barselona" klubuna 500 min dollar ödəmişdir.[2] NBA-da özünün debut mövsümündə Andersen 63 oyun keçirmiş və orta hesabla 5,8 xal toplamışdır.

28 iyul 2010-cu ildə "Xyuston Pokets" basketbol klubu Anderseni "Toronto Reptors" klubuna vermişdir.[3] 20 noyabr 2010-cu ildə Andersen Carret Ceklə birlikdə Çerrid Beylessin və Predraq Stoyakoviçlə əvəz olunaraq "Nyu-Orlean Xornets" basketbol komandasının tərkibinə keçmişdir.[4]

2011-ci ilin iyun ayında Devid İtaliyanın "Siena" basketbol komandasına qayıtmışdır.[5]

16 avqust 2012-ci ildə "Fənərbaxça Ülker" komandası ilə müqavilə imzalamışdır.

Avstraliya yığmasının tərkibində[redaktə | əsas redaktə]

Andersen 1998-ci ildən Avstraliya yığmasının tərkibində çıxış edir. Əvvəlcə o, 18 yaşadək gənclər arasında dünya çempionatında iştirak etmişdir. Devid Andersen Avstraliya yığmasının tərkibində 2004-cü ildə keçirilən yay Olimpiya oyunlarında (9-cu yer) və 2008-ci ildə keçirilən yay Olimpiya oyunlarında (7-ci yer) çıxış etmişdir.

Çıxış etdiyi komandalar[redaktə | əsas redaktə]

Təltifləri[redaktə | əsas redaktə]

  • Basketbol üzrə Avropa çempionu (2001, 2006, 2008)
  • Avropa çempionatının bütün ulduzlarının I yığması (2005)
  • Basketbol üzrə İtaliya çempionu (2001, 2004, 2012)
  • Basketbol üzrə Rusiya çempionu (2005, 2007, 2008)
  • Basketbol üzrə İspaniya çempionu (2009)
  • Basketbol üzrə Fransa çempionu (2016)
  • Basketbol üzrə Rusiya kubokunun qalibi (20052007)
  • İtaliya kubokunun qalibi (2012)
  • Türkiyə kubokunun qalibi (2013)

Xarici keçid[redaktə | əsas redaktə]

İstinad[redaktə | əsas redaktə]

  1. Rockets Acquire Rights to David Andersen. Jason Friedman. Houston Rockets. NBA.com. 14 июля 2009
  2. Rockets Reach Agreement with Andersen число=05|месяц=09|год=2013|url=http://www.myfoxhouston.com/dpp/sports/nba/090717_rockets_sign_andersen%7Cid=20090719}}. Mark Berman. MyFox Houston. 17 июля 2009
  3. Raptors Acquire Andersen From Houston. Toronto Raptors. NBA.com. 28 июля 2010
  4. Hornets acquire Jack, Andersen and Banks from Raptors. New Orleans Hornets. NBA.com. 20 ноября 2010
  5. Дэвид Андерсен возвращается в «Сиену». Sports.ru. 22 июня 2011