Dilarə Əliyeva (ədəbiyyatşünas)
Dilarə Əliyeva | |
---|---|
Dilarə Ələkbər qızı Əliyeva | |
Şəxsi məlumatlar | |
Doğum tarixi | |
Doğum yeri | Tbilisi, Gürcüstan SSR, ZSFSR, SSRİ |
Vəfat tarixi | (61 yaşında) |
Vəfat yeri | Balakən, Azərbaycan SSR, SSRİ |
Vəfat səbəbi | yol-nəqliyyat hadisəsi |
Dəfn yeri | |
Təhsili | |
Fəaliyyəti | ədəbiyyatşünas, siyasətçi, tərcüməçi |
Elmi fəaliyyəti | |
Elmi dərəcəsi | |
Vikianbarda əlaqəli mediafayllar |
Əliyeva Dilarə Ələkbər qızı — ədəbiyyatşünas, tərcüməçi, 1960-cı ildən Azərbaycan Yazıçılar Birliyinin üzvü, Gürcüstanın əməkdar mədəniyyət işçisi, filologiya elmləri doktoru, 1988-ci il Azərbaycan Xalq Hərəkatının fəal iştirakçısı, Azərbaycan SSR Ali Sovetinin deputatı (1990).
Həyatı
Dilarə Əliyeva 1929-cu il dekabrın 14-də Tbilisi şəhərində dəmirçi ailəsində anadan olub.
Tbilisidəki azərbaycandilli 97 nömrəli orta məktəbi bitirdikdən sonra ADU-nun Şərqşünaslıq fakültəsində təhsil almışdır. Azərbaycan EA Nizami adına Dil və Ədəbiyyat İnstitutunun aspiranturasına daxil olandan sonra Gürcüstan EA-nın Şota Rustaveli adına Ədəbiyyat İnstitutuna ezam edilmişdir. Burada "Azərbaycan-gürcü ədəbi əlaqələrinin XIX əsr ədəbiyyatında inikası" mövzusunda namizədlik dissertasiyasını işləmiş, 1954-cü ildə müdafiə etmişdir.
Azərbaycan EA Nizami adına Dil və Ədəbiyyat İnstitutunda kiçik elmi işçi, Nizami adına Ədəbiyyat Muzeyində baş elmi işçi, muzeyin qədim və orta əsrlər ədəbiyyatı şöbəsində müdir, sonra Nizami adına Ədəbiyyat İnstitutunun ədəbi əlaqələr şöbəsində böyük elmi işçi, nizamişünaslıq şöbəsində böyük elmi işçi, institutun ədəbi əlaqələr şöbəsində aparıcı elmi işçi olmuş, eyni zamanda bölmə müdiri kimi çalışmışdır. "Nizami və gürcü ədəbiyyatı" mövzusunda doktorluq dissertasiyasını müdafiə etmişdir.
1988-ci ildə Ermənistanın Qarabağ torpaqlarına iddiası ilə əlaqədar başlayan Azərbaycan Xalq Hərəkatının fəal iştirakçısı olmuş, AXC İdarə Heyətinin üzvü seçilmişdir.
Dilarə Əliyeva Azərbaycan Qadın Hüquqlarını Müdafiə Cəmiyyətinin qurucularından və rəhbərlərindən biri olmuşdur. Hazırda qadın hüquqlarının müdafiəsi ilə məşğul olan ictimai birlik və Bakıda bir küçə onun adını daşıyır.
1991-ci il aprelin 19-da müəmmalı avtomobil qəzasında faciəli şəkildə həlak olmuşdur (Aydın Məmmədov ilə birgə). Bakıda Fəxri Xiyabanda dəfn edilmişdir.
Əsərləri
- Azərbaycan-gürcü ədəbi əlaqələri tarixindən. Bakı: Azərbaycan SSR EA nəşriyyatı, 1958, 174 səh.
- Ürəkbir, diləkbir. Bakı: Yazıçı, 1981, 217 səh.
Tərcümələri
Gürcücədən
- Qardaşlar (hekayələr). Bakı: Azərnəşr, 1972, 122 səh.
- Bir gecənin sevinci (hekayələr). Bakı: Gənclik, 1977, 82 səh.
- Arçil Sulakauri. Aşağı-yuxarı (povest və hekayələr). Bakı: 1978, 185 səh.
- Şota Rustaveli. Pələng dərisi geymiş pəhləvan. Bakı: Elm, 1978, 201 səh.
- Mixail Cavaxişvili. Torpaq çəkir. Bakı: Yazıçı, 1980, 248 səh. (şərikli).
- İlya Çavçavadze. Dilənçinin hekayəti. Bakı: Yazıçı, 1987, 151 səh.
- Kür Xəzərə qovuşur (gürcü ədəbiyyatından seçmələr). Bakı: Yazıçı, 1988, 383 səh. (şərikli).
Mənbə
- Dilarə Əliyeva Arxivləşdirilib 2016-03-04 at the Wayback Machine
- 14 dekabrda doğulanlar
- 1929-cu ildə doğulanlar
- 61 yaşında vəfat edənlər
- 19 apreldə vəfat edənlər
- 1991-ci ildə vəfat edənlər
- Birinci Fəxri xiyabanda dəfn olunanlar
- Bakı Dövlət Universitetinin məzunları
- Filologiya elmləri doktorları
- Əlifba sırasına görə vəzifəli şəxslər
- Azərbaycan tərcüməçiləri
- Azərbaycanlı tərcüməçilər
- Azərbaycan ədəbiyyatşünasları
- Azərbaycanlı ədəbiyyatşünaslar
- Azərbaycan SSR Ali Sovetinin deputatları
- Gürcüstan azərbaycanlıları
- Tbilisidə doğulanlar
- Balakən rayonunda vəfat edənlər
- Bakıda dəfn olunanlar
- Avtomobil qəzasında həlak olanlar