Docikko

Vikipediya, azad ensiklopediya
Jump to navigation Jump to search
3D pazlı səhvən dağıdan Vikipe-tan.
Əlində gül çələngi daşıyan docikko.

Docikko (ドジっ娘?)otaku mədəniyyətində həddən artıq yöndəmsiz olan qadın personajları ifadə etmək üçün istifadə olunan termin ("doci" yapon dilində "kobud səhv" deməkdir). Docikko yapon ranobelərində, animelərindəmanqalarında tip personaj kimi istifadə olunur.[1]

Bu söz "ドジっ子" kimi də yazıla bilər. Belə yazıldıqda sadəcə qadın yox, kişi personajlar üçün də aid edilə bilər.

Ümumi götürüldükdə, bu cür personajlar gözəl, qəşəng, eləcə də şirin və sadəlövh kimi görünürlər, oxucularda onlara qarşı simpatiya yarana bilər. Personaj tez-tez hər gün evməktəb fəaliyyətlərində — ev işlərində, idman yarışlarında, hətta adi gəzintidə də uğursuzluğa uğrayır. Personaj addımbaşı yıxılır, əngəllərdən keçə bilmir. Həmişə etdiyi səhvlərə görə onun qanını qaraltsalar da, personaj həmişə öz yaxşı tərəfini göstərir, hər şeyi alt-üst etdiyinə görə peşmançılıq çəkir.[1] Docikkoların etdiyi hərəkətlərə misal kimi pilləkanlardan sürüşmək, içkini yerə tökmək, müştərilərə xidmət edərkən qab-qacaqları sındırmaq və s. göstərmək olar.[2][3]

Animelərdə, video oyunlardaotaku mədəniyyətinin digər əsərlərində şirin yöndəmsizlik kişi oxucuların "aşiq olması" üçün dizayn olunmuş moe personajlarının atributlarından biri hesab olunur. Buna baxmayaraq, şoco manqalarında əsas müsbət personajlar tez-tez docikkolar olurlar. Məsələn, "Aim for the Ace!" manqasında Hiromi Oka, "Seylor Mun" manqasında Usaqi Tsukino kimi.[1]

Docikko personajlarına olan diqqət "docikko-moe" (ドジっ娘萌え?) adlanır.[4]

Nümunələr[redaktə | əsas redaktə]

İstinadlar[redaktə | əsas redaktə]

  1. 1 2 3 Kazuma Shinjō (2006). ライトノベル「超」入門. SoftBank Creative. səh. 150. ISBN 4797333383. (#parameter_ignored)
  2. Kyōsuke, Kagami; Kajima, Kawana (2007). Shōjo manga kara manabu ren'aigaku : Kanzen ren'ai hisshō manyuaru. Tōkyō: Shinkō Myūjikku Entateimento. səh. 67. ISBN 4401630904.
  3. Kenkyūkai, Otaku Bunka (2006). Otaku yōgo no kiso chishiki = Basic knowledge of otaku term (Shohan.). Tōkyō: Magajin Faibu. səh. 87. ISBN 4434073966.
  4. Keishi, Aoki (2005). Sekai wa gomibako no naka ni : makku no gomibako kara hajimaru nettowākujō no haipā tekisutōku bunkaron. Sagamihara: Gendai Tosho. səh. 115. ISBN 4434056786.